NEHEMIA 2:17 - WUKE SUSI WATTI'U AL᷊AL᷊USASSA

¹⁷ Arawe wua'udde i ya'u nabbisara si mangitou, “Pa'ellege pabbiaṛṛanni ite apan susa indi! Yerusalem ete nallambe winal᷊alanna wuṛṛu manga ngarane wahewalla nasue niepoddu putungnga. Wette i ite mapararisikku apia manga darandungngu soa Yerusalem tadea'u i ite tate lai lobbosanna.”

NEHEMIA 2:17 Iomraidhean Croise

EZRA 9:9

Sutempo i yami ta'e su patataṛṛuallanga, I'o tawe nanantangngi yami. I'o na'ola'a si yami raddangnguannu manga ratun Persia wuṛṛu niwala mabbiakka see na'ola'a apia Wal᷊en-Nu apan ete winal᷊alanna udde. I'o nangongonggolla si yami atanaanna isindi, su Yehuda wuṛṛu Yerusalem.

NEHEMIA 1:3

I mangitou nabbatti'a manungku manga taumata wua niwuangnga apan buatte nabbelengnga watukku wanuane udde, orassa indi mabbiakka susa wuṛṛu lallobbosannu manga walahanna raho apan uatana'a maranine. See lai, manga darandungngu soa Yerusalem ta'e naṛṛimunsa'a uatal᷊eṛṛongnga wuṛṛu manga ngaran passallanganne taambe niola'a apia ro'en nisoṛṛobba sutempo nal᷊iu.

NEHEMIA 2:13

Allo ta'e ṛabbi, sutempo i yami nanantangngu soa niumamattu Ngara Wahewalla su samba'a waṛṛatta. I yami mattudda watukku timukka, watukku Ngara Wahewallu Sapadda, niumamattu Al᷊imatan Ua'e Naga. Sulal᷊ummu amatanna udde i ya'u namarikissa manga loṛṛangnga su darandungngu soa wuṛṛu i ya'u naasilo lai manga ngara wahewalla apan nasuete niepoddu putungnga.

NEHEMIA 2:16

Tawe saran sangkatou wuassu manga matatimmaddu wanua masingkatta watukku apa i yami niumamatta, wuṛṛu apa apan ta'u niṛṛiinna. Ana waugu na'oman sara orassa udde i ya'u taambe nabbtti'u manga apa su manga taumata sambalahangku, mawae ete manga imam aroddi lai su manga matatimmaddu wanua, ara'e su manga mamanaran araratuanna, wuṛṛu sisai-sai apan sarun mapararisikku lai soa Yerusalem.

DARALO 102:15

Ana waugu manga allang-Ngu mandangngu si tou, salaiwe i tou nabbal᷊ite nallambe manga tuidda. I mangitou u'akkanni tou, salaiwe i tou nabbal᷊ite awu.

DARALO 44:13

I'o nabbal᷊u'u al᷊aṛṛanang-Ngu ringannu aregane mawawo, wuṛṛu tawe naasomba auntunganne.

DARALO 44:14

I'o na'ola'a si yami aal᷊uandahannu manga al᷊indonganna i mangitou mallobbosa wuṛṛu lullaggen kami.

DARALO 79:12

Oh Mawu, wal᷊isete walahanna udde anambone paapitu ana waugu anambon aal᷊uandagi mangitou su saruan-Nu.

DARALO 79:4

I yami naola'a paaeettu manga walahanna su al᷊indonganna, i mangitou nilumagge wuṛṛu mannappissi'a si yami.

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

LAL᷊ALLU 2:2

Suapan wadda'u nannal᷊o su wanua Yehuda, nihohakku Mawu ringannu tawe napau. Sulal᷊ummu asasa'u-Ne i Tou namela'a sara naṛṛa'a manga tanda'a watu apan ual᷊indumma wanua udde. Araratuanna udde suadio'a ringannu manga piaṛṛangnge niemang-Nge na'oman sara nabbal᷊i addio'a.

LAL᷊ALLU 3:51

Naungku massusa maasilo pal᷊addu manga wawine su soan kami.

YEHEZKIEL 5:14

I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.

MIKHA 7:11

Ei Yerusalem! Nia'omante tempone i yamiu mabbangunna apia manga darandungngu soanu. Su allo udde wageangngu letangngu sarun atambanna ahewalle.

1 SAMUEL 11:2

I Nahas sinumimbakka, “Apa ete ringannu darorongnga udde ya'u ma'apulu ma'ola'a pa'aire, ‘Mata aikkatannu sambau-sambau ta'u loetanna maola'a sambau aal᷊uandaga su anambon taumatan Israel!’ ”