NEHEMIA 13:31 - WUKE SUSI WATTI'U AL᷊AL᷊USASSA

³¹ Ta'u niatokka lai tadea'u su manga tempo buatte nitantunna, alu anutungnga hunan sasamba itattambunna wotongnge saddianna wuṛṛu tumana'a wotongnge mangapiddu sasamba hessin pangitinganna apan paarorone. Panginsueanne i ya'u niumal᷊iomanna, “Ruata'u, naungetewe sarangkanambone indi wuṛṛu al᷊amatewe i ya'u.”

NEHEMIA 13:31 Iomraidhean Croise

NEHEMIA 10:34

I yami, tumana'a, manga imam wuṛṛu manga taumatan Lewi, sarun mandammen undi suapan tonna ipanantunna ṛuanganna suapa apan ṛinone manaddia alu anutungnga ipallaha manga sasamba ionggolla su Mawu Ruatan kami, tumuṛṛuttu atorannu Tita.

NEHEMIA 10:35

Suapan tonna i yami sarun mangapidda watukku Wal᷊en Mawu hessin gandumma apan paarorone wuṛṛu manga wuan aaluanna apan paarorone nal᷊aha wuassu manga sasuanni yami.

NEHEMIA 10:38

Arawe sangkatou imam papapulunni Harun ṛinone uaringanna manga taumatan Lewi udde napawe i mangitou malluṛṛu manga sasamba udde. Wuṛṛu sepere mapul᷊o wuassu anambon sasamba udde ṛinone iapiddu manga taumatan Lewi watukku wabbo'an bal᷊unna su Wal᷊en Mawu.

NEHEMIA 13:14

Oh Ruata'u, naungete al᷊awo'a apan buatte ta'u niola'a hunan Wal᷊en-Nu wuṛṛu pangangangimbene.

NEHEMIA 13:22

Wua'udde manga taumatan Lewi ta'u nirolokka mapaamattu lal᷊aghun pamamaresi watanganne wuṛṛu mandiagga manga ngara wahewalla ipallu'adda tadea'u manga taumata mangaddatta allon Sabat. I ya'u niumal᷊iomanna, “Oh Ruata, naungewe i ya'u ana waugu olangnge udde lai, wuṛṛu akkanaawe i ya'u uasul᷊ungngu ringannu darangngu-Nu apan wahewalla.”

NEHEMIA 5:19

I ya'u sumal᷊ande oh Ruata, naungete sarangkanambone apan buatte ta'u niola'a su walahanna indi wuṛṛu al᷊amatewe i ya'u.

DARALO 106:4

Naungewe i ya'u, oh Mawu, ana waugu apapia-Nu su al᷊aṛang-Ngu, ontol᷊ewe i ya'u lai napawe I'o manal᷊amatta si mangitou.

DARALO 25:7

Ampungewe rosa wuṛṛu pasasal᷊a'u sutempo i ya'u ta'e dario'a, naungewe ringannu darangngu wuṛṛu apapia-Nu.

LUKAS 23:42

See i tou nabbisara, “Mawu Yesus, naungewe i ya'u, napawe I'o rumantate maola'a sangkatou Ratu!”