NEHEMIA 13:15 - WUKE SUSI WATTI'U AL᷊AL᷊USASSA

¹⁵ Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

NEHEMIA 13:15 Iomraidhean Croise

2 TAWARIKH 24:19

Mawu nandolokku manga nabi niapatagu si mangitou tadea'u mabelengnga apia mattaṛṛamawu Mawu, arawe tumanangnge maddirite maddaringikka.

NEHEMIA 10:31

Amungkangngu pia balahanna raho apan mapullu mabbal᷊u'u gandumma ara'e saranapa waine si yami su allon Sabat ara'e allo susi waine, i yami tawe mamalli. Suapan tonna appitune, i yami tawe mammanara wailla wuṛṛu tawe maddorongnga awallassa.

NEHEMIA 10:32

Suapan tonna i yami sambau-sambau sarun mangonggollu lima haramma sal᷊a'a hunan hausannu Wal᷊en Mawu.

NEHEMIA 13:16

Manga pira taumata wuassu Tirus apan uatana'a mabbal᷊u'a su Yerusalem uaapiddu inassa wuṛṛu al᷊awo'u hatin saranapan bal᷊u'anna watukku Yerusalem su allon Sabat, tadea'u iwal᷊u'a su manga taumatan Yahudi.

NEHEMIA 13:21

I ya'u nabbisara si mangitou, “Tawe gunane i yamiu maṛṛaddo ma'oman sara marua allo isudde. Paṛṛaddo, amungkangngu i yamiu ma'ola'a udde paassa lai, i ya'u sarun makkuumanni yamiu!” Nanattakka orassa udde i mangitou tate saran paassa rumanta apia su allon Sabat.

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

AYUB 39:12

Apa i tou nipangimanannu mangammulu hessin pangitingannu, wuṛṛu mangapidda watukku tampan pakkindanna?

DARALO 50:7

“Paddaringikke, al᷊aṛṛana-U, i Ya'u mabbisara, Israel, i Ya'u mattiala su saruanni yamiu; i Ya'u indi Ruata, Ruatanu.

SASABANGNGA 31:12

Mawu namarenta si Musa

SASABANGNGA 31:16

Walahannu Israel ṛinone mallaghun allo udde maṛṛana'a mappulunna maola'a tatialan pa'aire.

SASABANGNGA 34:21

Pia annumu allo ipammanara; imbaṛṛangnga mammanara su allo appitune, salaiwe udde sulal᷊ummu tempo mammasolla ara'e tempo mangitingnga.

SASABANGNGA 35:2

Pia annummu allo ipammanara, arawe allo appitune eteudde allo pangillol᷊oanna, allo wahewalla apan niṛṛae su Mawu. Isai apan mammanara su allon Sabat ṛinone iṛṛuumanna pateanna.

AMSAL 28:4

Isai apan tawe mangareggan tita, mannamba'a taumata lal᷊eo; isai matuṛṛutta tita, lullawangnga taumata lal᷊eo.

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

YEREMIA 17:24

Paatuṛṛutte anambon parenta-U. Arie mangapiddu sambau saranapa umamattu ngara pasallangannu soa indi su allon Sabatta. Ṛaea'e, allon Sabatta udde si Ya'u, wuṛṛu imbaṛṛangnga mammanara su allo udde.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 42:19

Wua'udde i ya'u nabbisara apia, “Mawu buatte namarenta tadea'u i yamiu apan ta'e lambene su Yehuda tawe inai su Mesir. Ana waugu udde i ya'u mapanaungnga si yamiu orassa indi

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

AMOS 8:5

I yamiu mabbusara su watangannu sassane, “Wal᷊ine hampa al᷊annunne manga allon damea. I ite mappulu mal᷊iha-l᷊ihakka mabbul᷊u gandummi ite apia, arawe ramea udde pendamanna tawe panguddusanne. Tingngerate allon Sabat umuddussa, tadea'u i ite wotongngete mabbal᷊u'a apia? I ya'u maapulu atonna mabbalante'a mallinga ringannu sasupa'a, wuṛṛu manna'o timbanganna.

MIKHA 6:3

Mawu nabbisara, “Ei uma-U, apa apan buatte Ta'u niola'a su saruanni yamiu? Sulal᷊ummu olangnge apa i Ya'u napasusan kamiu? Simbakke aiwal᷊o-U!

WATTI'U MANGA RASUL 2:40

Ete aroddi i Petrus mannal᷊a'a si mangitou. Wuṛṛu ringannu wisara apan manambo waine lai i tou nandolokki mangitou tadea'u i mangitou mapaal᷊iun watanganne wuassu walahanna apan dal᷊eo indi apan sarun iṛṛuumannu Ruata.

WATTI'U MANGA RASUL 20:21

Mapia udde su manga taumatan Yahudi aroddi lai su manga walahanna waine i ya'u sidutu mannanata tadea'u i mangitou mawal᷊u wuassu manga rosa mangitou wuṛṛu rumanta ringannu Ruata, see lai mangngimanna Mawu Yesus.

GALATIA 5:3

Paassa lai ya'u mappaanaungnga su taumata apan ma'isunatta, manungku i tou ṛinone mappaamattu anambon titan agama!

EFESUS 4:17

Ana waugu udde ringannu arannu Mawu, ete indi apan ta'u iwal᷊o wuṛṛu ipanohassa: ariete lai mabbiakka ere taumata apan tawe maaillal᷊a Ruata, wuṛṛu maṛṛingiddu runia indi.

TAHIUL᷊E 8:19

Imbaṛṛangnga maabulin Mawu Ruatannu wuṛṛu imbaṛṛangnga mabelengnga su manga Mawu waine inai massubba wuṛṛu mattaramawu si mangitou. Allo indi ya'u mapaanaungngi yamiu manungku amungkangu i yamiu ta'e ma'ola'a lai, i yamiu sarun pateannu Mawu.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.