NEHEMIA 12:44 - WUKE SUSI WATTI'U AL᷊AL᷊USASSA

⁴⁴ Sutempo udde manga pira taumata niapamanara mandiagga manga wabbo'an bal᷊unna tampa pangaddoannu manga sasumbala hunan Wal᷊en Mawu, nasutta manga sasamba sepere mapul᷊o wuṛṛu hessin pangitinganna apan paarorone suapan tonna. Manga mandariagga udde ṛinone mangammullu manga sasumbala udde wuassu manga wawail᷊anna maranin manga soa. Manga sasumbala udde nintatilla su manga imam wuṛṛu manga taumatan Lewi, uasul᷊ungngu atorannu Tita. Manga taumatan Yehuda mangngaddatta manga imam wuṛṛu manga taumatan Lewi udde,

NEHEMIA 12:44 Iomraidhean Croise

1 TAWARIKH 23:28

I mangitou ṛinone massumbala manga imam papapulunni Harun sulal᷊ummu mapaamattu lal᷊aghu patataṛṛamawu su Wal᷊en Mawu, mammaresi manga rallakka wuṛṛu manga wabbo'a su Wal᷊en Mawu udde, wuṛṛu mallu'adda tadea'u al᷊awo'u saranapa apan buatte niṛṛae hunan Mawu tawe luhuranna.

1 TAWARIKH 26:20

Manga taumata waine sulal᷊ummu ṛuanganni Lewi apan tinantil᷊annu manara mallu'adda saranapa su Wal᷊en Mawu wuṛṛu gudangnga panahipunanna manga aonggola su Ruata.

1 TAWARIKH 9:26

Arawe siri appatta tembonannu mandariaga udde mammanara miallo-miallo. I mangitou uataṛṛapa manga wabbo'a su Wal᷊en Mawu wuṛṛu manga saranapa apan uaraddo isudde.

NEHEMIA 10:36

I yami sarun mangapiddu ana'a esakki yami apan pahul᷊une su manga imam su Wal᷊en Mawu tadea'u itantilla su Ruata, uasul᷊ungngu atorannu Tita. I yami sarun manantillu lai ana'u sapi, ana'u domba ara'e ana'u ambinga i yami apan paarorone niṛṛana'a.

AMSAL 8:34

Lal᷊umanna'a su taumata apan maddaringikka si ya'u apan mamiallo ua'ianna su ngaran bal᷊e'u, wuṛṛu uariaga su ngara wahewalla atatanaangku.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

REENGANNA 3:10

Arawe i Harun wuṛṛu al᷊aṛṛanangnge ṛinone iapamanaranu maola'a imam; wal᷊ine wuassi mangitou, isai-sai apan ma'anamma mappaamattu manara udde ṛinone iṛṛuumanna pateanna.”

ROMA 12:7

Taumata apan pia asingkatta ipantul᷊ungngu taumata waine, ṛinone atonna-tonna mantul᷊ungngu taumata waine. Taumata apan pia asingkatta mannantiro, ṛinone i tou atonna-tonna mannantiro.

TAHIUL᷊E 18:8

I tou lai ṛinone manengkamma anna apan uasul᷊ungnga anambone ere lai manga imam bal᷊ine, apan niasombanganne wuassu amonanne, udde lai wageangngi tou.”