NEHEMIA 12:43 - WUKE SUSI WATTI'U AL᷊AL᷊USASSA

⁴³ Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

NEHEMIA 12:43 Iomraidhean Croise

2 TAWARIKH 20:13

Tantal᷊anna udde anambon esakku Yehuda su sambau ringannu awingnge wuṛṛu al᷊aṛana'i mangitou su Wal᷊en Mawu.

2 TAWARIKH 20:27

Ana see i Yosafat namiaṛṛa'u anambon tantara napul᷊e watukku Yerusalem ringannu lulluassa ana waugu Mawu buatte namaddon seetti mangitou.

2 TAWARIKH 7:10

wuṛṛu tiṛṛabbine, su allo 23 wul᷊anna appitune, Salomo nandolokku manga taumata udde niapaapul᷊e. I mangitou lulluassa su sarangkanambone apan mapia apan buatte niola'u Mawu su walahannu Israel al᷊aṛanang-Nge, si Daud wuṛṛu si Salomo.

EZRA 3:13

na'oman sara masahadda paṛṛangngoannu hion al᷊al᷊uassa wuṛṛu lal᷊uai. Tingikke aroddi atelengnge, na'oman sara aaringiṛṛanna sara marau.

NEHEMIA 12:27

Sutempo darandungngu soa Yerusalem nilaghu, manga taumatan Lewi niwaggoanna wuassu al᷊awo'u tampa tatanaanni mangitou, tadea'u isudde lai maddamean arariaddianna udde ringannu manga aantari aadiangkamanna, wuṛṛu ringannu musikku gambus wuṛṛu kecapi.

NEHEMIA 12:42

su liuddi mangitou u'amatta Maaseya, Semaya, Eleazar, Uzi, Yohanan, Malkia, Elam wuṛṛu Ezer. Manga sampere mangngantari su al᷊ungngu piaṛṛa'i Yizrahya.

AYUB 34:29

Napawe Ruata makkawessa mangke mal᷊annabba, taweddu saran sangkatou apan waṛṛani mapasal᷊a-Ne. Amungkangngu i Tou namunin hati-Ne, tawe saran sangkatou apan maasangkalla si Tou.

DARALO 27:6

Orassa indi i ya'u naauntunga su see'u apan uapal᷊iwutta si ya'u; ne ringannu u'uin lal᷊ala'a i ya'u mangonggolu sasamba aadiangkamanna su Wal᷊en-Nu; i ya'u maapulu mangantari wuṛṛu maddalo Mawu.

DARALO 28:7

Mawu pattillumanna wuṛṛu mananahe'u, i ya'u mangngimanna si Tou. I Tou nantul᷊ungnga wuṛṛu nalluassa naungku, i ya'u maddalo si Tou ringannu aantarin aadiangkamanna.

DARALO 9:2

Ringannu ahewallu naunga i ya'u maadiangkamanna Si'o, Mawu, wuṛṛu mamasingkattu manara-Nu apan maatiangnga.

DARALO 92:4

lapiddu mannengkella hitare tal᷊ine mapul᷊o, rarundinganannu gambus wuṛṛu kecapi.

YESAYA 61:3

hunan ipangonggollu al᷊al᷊uassa wuṛṛu lal᷊ala'a su taumata apan massusa wuṛṛu lullal᷊o; hunan ipamal᷊u asasusan mangitou maola'a aantarin daralo. I mangitou sarun maola'a ere alu apan nisuannu Mawu sassane. I mangitou sarun pia pallal᷊aghu mapia wuṛṛu naṛṛino, na'oman sara Mawu sarun bantuhanna.

YEREMIA 31:13

Sutempo udde manga maṛṛuala sarun massal᷊aingnga ringannu naungnga mal᷊uassa. Timmadde wuṛṛu dario'a suadio'a lullala'a, ana waugu i Ya'u sarun malluassa naungngi mangitou. Asasusa mangitou Ta'u wal᷊uanna maola'a al᷊al᷊uassa, lal᷊uai mangitou Ta'u wal᷊uanna mabbal᷊i lal᷊umanna'a.

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

REENGANNA 10:10

See lai su tempo i yamiu lulluassa, eteudde su manga andeangngu Wul᷊anna Wakku wuṛṛu manga ramea waine, trompeta udde ṛinone tiupanna su tempo i yamiu mangonggolu sasamba itattambunna wuṛṛu sasamban paddarame si Ya'u. I Ya'u sarun mantul᷊ungngi yamiu. Ete i Ya'u Ruatanu.”

MATIUS 21:15

Arawe manga imam tembonanne wuṛṛu manga hurun agama nasa'u naasilo manga al᷊aṛṛindu'a niola'u Mawu Yesus. Wuṛṛu i mangitou nasa'u lai naaringikka manga al᷊aṛṛana'a mangke u'ui su Wal᷊e Mawu, “Awawantuga su Ana'i Daud!”

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

EFESUS 5:19

Pappaatte manga wisara Mazmur, antari daralo wuṛṛu antarin taumatan Saṛṛani sulal᷊ummu manga hattong kamiu. Ṛinone i yamiu ringannu naungnga apan mal᷊uassa, mangngantarin daralo su Mawu.

YAKOBUS 5:13

Amungkangu su wallatti yamiu pia sangkatou apan tantal᷊anna massusa, ṛinone i tou umal᷊iomanna. Amungkangu piaddu lulluassa, ṛinone i tou mangantari maddalo Ruata.

1 SAMUEL 4:5

Napawe Wantallu Pa'aire na'omate su paddasananna, taumatan Israel hinumiote ringannu mangngintuli ma'ikkatta, na'oman sara apendamanna runia niumio'a.