NEHEMIA 12:27 - WUKE SUSI WATTI'U AL᷊AL᷊USASSA

²⁷ Sutempo darandungngu soa Yerusalem nilaghu, manga taumatan Lewi niwaggoanna wuassu al᷊awo'u tampa tatanaanni mangitou, tadea'u isudde lai maddamean arariaddianna udde ringannu manga aantari aadiangkamanna, wuṛṛu ringannu musikku gambus wuṛṛu kecapi.

NEHEMIA 12:27 Iomraidhean Croise

2 SAMUEL 6:12

I Ratu Daud naaringikka manungku Mawu nangal᷊amatta amonanni Obed-Edom wuṛṛu anambon pussaane ana waugu Wantallu Paaire udde. Ne i tou inaite watukku wal᷊en Obed-Edom, nangal᷊appa Wantalla udde wuṛṛu niingkatta watukku Yerusalem ringannu ramea apan bahewalla.

1 MARARATU 8:63

Hunan sasamban paddarame i Salomo nangonggolla 22.000 sapi wuṛṛu 120.000 domba. Etearoddi ratu wuṛṛu anambon tumanangnge na'ola'a lal᷊aghun patatenegu Wal᷊en Mawu.

1 TAWARIKH 13:8

arawe i Daud wuṛṛu anambon walahannu Israel massal᷊aingnga wuṛṛu mangngantari ringannu lulluassa tadea'u ipangaddatta Ruata, lapiddu tingikku kecapi, rebana, simbal wuṛṛu trompeta.

1 TAWARIKH 15:12

I Daud nabbisara si mangitou, “Ete i yamiu indi piaṛṛa'u ṛuanganna sulal᷊ummu ṛuanganni Lewi. Ana waugu udde, i yamiu wuṛṛu manga taumatan Lewi waine ṛinone mapa'ukkassu watanganne tadea'u wotongnge mangingkattu Wantallu Pa'airen Mawu, Ruatan Israel, sutampa apan buatte niriahi'u.

1 TAWARIKH 15:16

I Daud nandolokku lai piaṛṛa'u manga taumatan Lewi udde tadea'u mandolokku manga pira taumata wuassu walagi mangitou iapaantari wuṛṛu iapanalangnga antarin lal᷊uassa su kecapi wuṛṛu simbal.

1 TAWARIKH 15:28

Anambon taumatan Israel inaite tinumantalongnga Wantallu Paaire naddatingngu Yerusalem ringannu aintul᷊i lullala'a, tingikku trompeta, nafiri, simbal wuṛṛu kecapi.

1 TAWARIKH 15:4

Ana see i Daud nandolokku papapulunni Harun wuṛṛu taumatan Lewi ma'ammulla.

1 TAWARIKH 16:42

I Heman wuṛṛu i Yedutun uagassa lai trompeta wuṛṛu simbal wuṛṛu hatin musikka waine apan nanalanganna lakkindo'u aantari daralo. Manga taumata wuassu ṛuanganni Yedutun manarane mandiaga ngara pasallanganna.

1 TAWARIKH 16:5

I Asaf nipile maola'a piaṛṛangnge paarorone wuṛṛu i Zakharia tepellene. I Yeiel, i Semiramot, i Yehiel, i Matica, i Eliab, i Benaya, i Obed-Edom wuṛṛu i Yeiel manarane mannalangnga kecapi. I Asaf manarane mannalangnga simbal,

1 TAWARIKH 23:5

4.000 su atoune manarane mandiaga, wuṛṛu 4.000 sua atoune lai manarane maddalo Mawu ringannu mannengkella musikka apan buatte nisaddia.

1 TAWARIKH 26:31

Piaṛṛa'u papapulunni Hebron eteudde i Yeria. Su tonna aiappattu pul᷊one sutempo i Ratu Daud uaparenta niapaamatta pananaṛṛassidda su ola'u papapulunni Hebron. Sulal᷊ummu pananaṛṛassidda udde inauranna suwallatti mangitou pia manga tantara apan matohassa uatana'a su Yazer su leta'u Gilead.

2 TAWARIKH 29:25

Uasul᷊ungngu manga tatantiro apan nionggolu Mawu si Daud wuassi Nabi Gad, apan mammanara ringannu ratu wuṛṛu wuassi Nabi Natan, ratu napamanaran manga taumatan Lewi su Wal᷊en Mawu iapanalangnga kecapi wuṛṛu gambus,

2 TAWARIKH 29:30

Ratu wuṛṛu matatimmadu wanua nandolokku manga taumatan Lewi niapaantari iaparalo Mawu eteudde manga daralo apan niaṛṛa'i Daud wuṛṛu Nabi Asaf. Anambon taumata mangngantari ringannu lulluassa lapiddu niumal᷊intudda massubba Ruata.

2 TAWARIKH 7:6

Manga imam uarisikka su tampane apan tinantunna si mangitou; uasasaruannu taumatan Lewi apan tantal᷊anna maddalo Mawu ringannu mannalangnga musikka apan nilanginni Ratu Daud, lapiddu mangngantari aantari “Darangngu-Ne saran mal᷊annu-l᷊annu!” uasul᷊ungngu ere buatte nirolokki Daud. Manga imam nattiuppa trompeta tantal᷊anna tumanangnge sarangkanambone uarisikka.

EZRA 6:16

Wua'udde ringannu lullala'a manga taumatan Israel, manga imam, manga taumatan Lewi wuṛṛu anambon taumata wua niwuangnga nanenegu Wal᷊en Mawu udde.

NEHEMIA 11:20

Tumana'u Israel, manga imam wuṛṛu manga taumatan Lewi apan lambene natana'a su leta'i mangitou su al᷊awo'u soa su Yehuda.

NEHEMIA 12:43

Su allo udde manambo sasamba apan nionggolla su Mawu. Tumana'a lullala'a ana waugu Ruata buatte na'ola'a si mangitou su lal᷊umanna'a. Manga wawine wuṛṛu al᷊aṛṛana'a lai suaddio'a maandeangnga, wuṛṛu tingikki mangitou apan lulluassa iaaringikka saran marau.

NEHEMIA 8:17

Anambon tumanangnge apan napul᷊ete wuassu pamamuanganna udde na'ola'a manga rasanna udde, ana see natana'e isudde. Eteindi paarorone olangnge udde nilaghu ro'en tempon Yosua ana'i Nun, ne sarangkanambone mal᷊uassa wuṛṛu lullala'a.

DARALO 149:3

Paddalote aran-Ne ringannu sal᷊aingnga, paddalote si Tou ringannu kecapi wuṛṛu rebana!

DARALO 30:1

Daralon Daud. Aantari ipassa'e Wal᷊en Duata.

TAHIUL᷊E 16:11

Su saruannu Mawu Ruatanu su tampa apan buatte nipile-Ne, i yamiu ṛinone lulluassa susampunna ringannu manga anangngu, manga allangngu wuṛṛu taumatan Lewi, taumata raho, ana'a asisitimpal᷊ussa wuṛṛu manga inawal᷊uanna apan uatana'a su manga soanu.

TAHIUL᷊E 20:5

Wua'udde manga tembonannu tantara ṛinone mamasingkattu manga wiasara indi si yamiu, ‘Piatewe apa pia taumata su wallati yamiu apan wakkute napararisikku wal᷊en, arawe taambe nallaghu pamamaattu wal᷊en udde? Amungkangngu pia, i tou wotongngete mapul᷊e. Ana waugu amungkangngu i tou niapate sulal᷊ummu pangalo, taumata wal᷊ine sarun matana'a su wal᷊ene.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

SONDAPPA 5:8

Tantal᷊anna Ana'u Domba udde ma'ola'a aroddi, inumaruutta sire appata riadianna udde wuṛṛu sire ruam pul᷊o appata piaṛṛange udde su saruan-Ne. I mangitou sangkatou-sangkatou uaaggasa kecapi wuṛṛu mangko wul᷊awanna lal᷊oṛṛoannu amania, eteudde manga aal᷊iomannu walahannu Ruata.