NEHEMIA 12:25 - WUKE SUSI WATTI'U AL᷊AL᷊USASSA

²⁵ Manga mandariagga ngara wahewalla su Wal᷊en Mawu apan niapamanara mandiaga manga wabbo'an bal᷊unna su maranin ngara wahewallu Wal᷊en Mawu eteudde: Matanya, Bakbukya, Obaja, Mesulam, Talmon wuṛṛu Akub.

NEHEMIA 12:25 Iomraidhean Croise

2 MARARATU 7:10

Ana waugu udde i mangitou nabelengke watukku Samaria wuṛṛu niumui su mandariagan soa, “Yami buatte wuassu paddasanannu taumatan Siria, ne inauranna tawe taumata poiaroddi. Awal᷊o wuṛṛu keledai mangitou niaratinganni yami ta'e ua'iitta su tampane, wuṛṛu manga rasanna tinantanga niwala aroddi.”

1 TAWARIKH 23:32

I mangitou lai nionggol᷊annu manara iapal᷊u'adda Rasannu Mawu wuṛṛu aiapasumbala manga tuṛṛangngi mangitou, eteudde manga imam papapulunni Harun, sulal᷊ummu mappaamattu pattataṛṛamawu sutampa udde.

1 TAWARIKH 26:12

Manga mandariaga Wal᷊en Mawu nitahia sulal᷊ummu manga wageangnge tumuṛṛuttu amonanne. I mangitou lai nionggol᷊annu manga manara ere lai taumatan Lewi waine.

1 TAWARIKH 26:15

I Obed-Edom naasomba ngara pasallanganna su samba'an timukka wuṛṛu al᷊aṛṛanangnge naasomba manara mandiaga manga gudangngu saranapa.

1 TAWARIKH 26:17

Miallo-miallo su samba'an ra'i pia siri 6 mandariaga, su samba'an sawannakka siri appatta, wuṛṛu su samba'an timukka siri appatta lai. Manga gudangngu saranapa niriagannu lai siri appatta, suapan sambau gudangnga mandariagane ruan katou.

2 TAWARIKH 8:14

Uasul᷊ungngu lai ere atoranni Daud Iamangnge, Salomo nangatokku manga manara miallo-miallo su manga imam wuṛṛu su taumatan Lewi apan ṛinone mangngantari manga daralo su Mawu wuṛṛu massumbala manga imam sulal᷊ummu mallaghu patataṛṛamawu. See lai manga mandariaga Wal᷊en Mawu nitahia lai piran kawageanganna su al᷊awo'u ngara mal᷊oangnga, ere lai buatte nitantiron Daud allangngu Ruata.

YESAYA 21:8

Wua'udde mandariaga udde umui, “Tuangnga, i ya'u buatte nandiaga suapan allo wuṛṛu ṛabbi.”