NEHEMIA 12:24 - WUKE SUSI WATTI'U AL᷊AL᷊USASSA

²⁴ Su al᷊ungngu piaṛṛa'u Hasabya, Serebya, Yesua, Binui wuṛṛu Kadmiel, manga taumatan Lewi nitahia sulal᷊ummu manga wageangnge. Suapan paassa pia darua wageangnge apan mammanara maddalo Mawu wuṛṛu mangngonggollu aadiangkamanna si Tou uawawal᷊issa, uasul᷊ungngu atoranni Ratu Daud, allangngu Ruata udde.

NEHEMIA 12:24 Iomraidhean Croise

1 MARARATU 17:24

Wawine wal᷊u udde sinumimbakka, “Orassa indi ya'u masingkatte Iamangnga uddewe allangngu Ruatta wuṛṛu wisaran Iamangnga udde atonna wuassu Mawu!”

1 TAWARIKH 16:4

I Daud namile siri pira taumatan Lewi iapapiaṛṛa'u lal᷊aghu patataṛṛamawu su Mawu, Ruatan Israel, su saruannu Wantallu Pa'aire udde, ringannu aantari wuṛṛu manga daralo.

2 TAWARIKH 8:14

Uasul᷊ungngu lai ere atoranni Daud Iamangnge, Salomo nangatokku manga manara miallo-miallo su manga imam wuṛṛu su taumatan Lewi apan ṛinone mangngantari manga daralo su Mawu wuṛṛu massumbala manga imam sulal᷊ummu mallaghu patataṛṛamawu. See lai manga mandariaga Wal᷊en Mawu nitahia lai piran kawageanganna su al᷊awo'u ngara mal᷊oangnga, ere lai buatte nitantiron Daud allangngu Ruata.

EZRA 2:40

Wasosoannu ṛuanganni Lewi apan napul᷊e wuassu pamamuanganna eteudde: I Yesua wuṛṛu i Kadmiel (papapuluni Hodawya) – 74 Manga mangangantari su Wal᷊e(papapulunni Asaf) – 128 Mandariagga ngara su Wal᷊e(papapulunni Salum, i Ater, i Talmon, i Akub, i Hatita wuṛṛu i Sobai) – 139

NEHEMIA 12:23

Arawe su ola'u manga tembonannu amonannu wawosoanni Lewi tumba'u nawoṛṛetta sutempon Yonatan pulunni Elyasib.

NEHEMIA 12:36

Su liudde u'amatta manga taumata wuassu wawosoanne, eteudde: Semaya, Azareel, Milalai, Gilalai, Maai, Netaneel, Yehuda wuṛṛu Hanani. I mangitou sarangkanambone uaapiddu alattu musikka, uasul᷊ungngu apan nannalanganni Ratu Daud, allangngu Ruata udde. Imam Ezra, mapapanden Titan Duata udde, u'amatta su puan barisanna udde.

NEHEMIA 8:7

Wua'udde i mangitou nabbuatta wuṛṛu dirumarisikka su tampane sambau-sambau, tantal᷊anna anambon taumatan Lewi mannalaan Tita udde si mangitou. Manga taumatan Lewi udde eteudde: Yesua, Bani, Serebya, Yamin, Akub, Sabetai, Hodia, Maaseya, Kelita, Azarya, Yozabad, Hanan wuṛṛu Pelaya.

NEHEMIA 9:4

Isudde pia mimbare hunan manga taumatan Lewi wuṛṛu rosone uarisikka Yesua, Bani, Kadmiel, Sebanya, Buni, Serebya, Bani wuṛṛu Kenani. Ringanu tingikka matelengnga i mangitou u'al᷊iomanna su Mawu Ruatan mangitou.

TAHIUL᷊E 33:1

Tantal᷊anna taambe nate, i Musa daroloṛṛannu Ruata, nangal᷊amatte walahannu Israel ringannu manga wisara indi:

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

2 TIMOTIUS 3:17

Ringannu Wuke Susi udde taumata apan mangngimbe Ruata wotongnge peddetannu asasuungnga su al᷊awo'u manara apan mapia.

YOSUA 14:6

Su sambau allo manga taumata wuassu ṛuanganni Yehuda nirumanta naisasomban Yosua su Gilgal. Sangkatou su wallati mangitou eteudde i Kaleb ana'i Yefune taumatan Kenas, nabbisara, “Yosua! I'o masingkata apa apan niwal᷊o Mawu si Musa, daroloṛṛannu Mawu Ruata udde,su Kades-Barnea su ola'u i'o wuṛṛu i ya'u.