NEHEMIA 12:1 - WUKE SUSI WATTI'U AL᷊AL᷊USASSA

¹ Eteindi manga imam wuṛṛu manga taumatan Lewi apan nabbelengnga wuassu pamamuanganna suaddio'a ringanni Zerubabel ana'i Sealtiel wuṛṛu ringanni Imam Bahewa Yesua:

NEHEMIA 12:1 Iomraidhean Croise

EZRA 3:2

ana see Yesua ana'i Yozadak see ringanne manga imam wuṛṛu Zerubabel ana'i Sealtiel see manga tuṛṛangnge, na'ola'a apia mezbah Duatan Israel. Ringannu aroddi i mangitou wotongnge manambbunnu amania isudde, uasul᷊ungngu manga tatantiro apan uawoṛṛetta sulal᷊ummu buke Titan Musa allangngu Ruata.

EZRA 3:8

Ne su wul᷊anna aruane, sulal᷊ummu tonna aruane napawe taumatan Israel nabbelengke watukku Yerusalem, i mangitou mannattakke ma'ola'a apia Wal᷊en Mawu. Zerubabel, Yesua wuṛṛu manga hawen mangitou sambalahanna, manga imam, taumatan Lewi, aunne, anambon taumata wua niwuangnga, mammanara abbi. Manga taumatan Lewi apan uukke 20 su tonnane ire'e nita'e iapariagga manara paaola'a Wal᷊en Mawu udde.

EZRA 4:2

Ana waugu udde i mangitou niasasomban Zerubabel wuṛṛu manga tembonannu wawosoanna, ana see nangusulle, “Walaaewe i yami suadio'a ma'ola'a Wal᷊en Mawu udde, ana waugu i yami lai mattaṛṛamawu su Ruatan manga tuṛṛangnga, ere lai manga tuṛṛangnga sarangkanambone. I yami sidutu mangngonggollu sasamba si Tou ro'en tempon Esar-Hadon, ratun Asyur nangapiddi yami inawarendi.”

EZRA 5:2

Naaringikka wisaran nabi darua udde, Zerubabel ana'i Sealtiel wuṛṛu Yesua ana'i Yozadak lapiddu na'ola'a apia pandararisikku Wal᷊en Mawu su Yerusalem, nilal᷊imannu nabi darua udde.

NEHEMIA 11:36

Manga pira ammul᷊annu taumata Lewi apan dorone uatana'a su wageangngu leta'u Yehuda nirolokka niapatana'a ringannu manga taumatan Benyamin.

NEHEMIA 12:10

Ete indi akkittu papapulunni Imam Bahewa Yesua: i Yesua, i Yoyakim, i Elyasib, i Yoyada,

NEHEMIA 12:2

Mangan imam: Seraya, Yeremia, Ezra, Amarya, Malukh, Hatus, Sekhanya, Rehum, Meremot, Ido, Ginetoi, Abia, Miyamin, Maaja, Bilga, Semaya, Yoyarib, Yedaya, Salu, Amok, Hilkia, wuṛṛu Yedaya. I mangitou uddewe manga imam tembonanne sutempon Yesua.

NEHEMIA 7:7

Manga piaṛṛa'i mangitou eteudde Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum wuṛṛu Baana.

HAGAI 1:1

Su tonna aruane i Ratu Darius uaparenta su Persia, su allo paarorone wul᷊ana iaannumme, Mawu nabbisara ringannu nappaatti Nabi Hagai. Tanatan Mawu udde iwuna'a si Zerubabel ana'i Sealtiel, gubernuren Yehuda, wuṛṛu su Imam Bahewa Yosua ana'i Yozadak.

HAGAI 1:12

Wua'udde Zerubabel wuṛṛu Yosua see anambon umattu Israel buatte nabbelengnga wuassu pamamuanganna su Babel, tinumuṛṛutta manga wisaran Hagai, daroloṛṛannu Mawu udde. I mangitou tinumuṛṛuttaapa apan buatte niparentan Mawu si mangitou, ana waugu matta'uttu Mawu.

HAGAI 1:14

Etearoddi Mawu nangal᷊oren naungngu Gubernure Zerubabel, Imam Bahewa Yosua see anambon taumata apan buatte nabbelengnga wuassu pamamuanganna, tadea'u i mangitou sarangkanambone mammanara mabbangunna Wal᷊en Mawu Apan Lembontaṛṛino, Ruatan mangitou.

HAGAI 2:2

Mawu nandolokki Hagai mabbisara si Gubernure Zerubabel, Imam Bahewa Yosua, see tumanangnge iapapasingkattu tanata indi,

ZAKARIA 6:11

Wuassu wul᷊awanna wuṛṛu sal᷊a'a aonggolli mangitou udde, pa'ola'e sambau mahkota wuṛṛu luṛṛea'e su pua Imam Bahewa Yosua ana'i Yozadak.