NEHEMIA 10:34 - WUKE SUSI WATTI'U AL᷊AL᷊USASSA

³⁴ I yami, tumana'a, manga imam wuṛṛu manga taumatan Lewi, sarun mandammen undi suapan tonna ipanantunna ṛuanganna suapa apan ṛinone manaddia alu anutungnga ipallaha manga sasamba ionggolla su Mawu Ruatan kami, tumuṛṛuttu atorannu Tita.

NEHEMIA 10:34 Iomraidhean Croise

1 TAWARIKH 24:5

Ana waugu mawae su papapulunni Eleazar aroddi lai sulal᷊ummu papapulunni Itamar pia mammamanaran Wal᷊en Mawu wuṛṛu manga piaṛṛa'u agama, ne pattatahia manara niundi.

1 TAWARIKH 24:7

Eteindi arannu mammamanara apan nitantunna niundi wuṛṛu ual᷊al᷊intuṛṛutta su ruan pul᷊o appatta wageangnge udde: 1. i Yoyarib 13. i Hupa 2. i Yedaya 14. i Yesebeab 3. i Harim 15. i Bilga 4. i Seorim 16. i Imer 5. i Malkia 17. i Hezir 6. i Miyamin 18. i Hapizes 7. i Hakos 19. i Petahya 8. i Abia 20. i Yehezkiel 9. i Yesua 21. i Yakhim 10. i Sekhanya 22. i Gamul 11. i Elyasib 23. i Delaya 12. i Yakim 24. i Maazya.

2 TAWARIKH 2:3

Salomo nandohon batti'a indi si Hiram ratun Tirus, “Ṛinone i Tuangnga mangatokku paddaragangnga ringangku ere lai niola'i Tuangnga si Daud iamangku. Tuangnga buatte nabbal᷊u'u alun cemaran Libanon si tou niapaola'a wal᷊en araratuanne.

EZRA 3:5

Wal᷊ine wua'udde lai i mangitou ringannu uaatokka mangonggollu sasamba itattambunna see sasamba su Allo Wahewan Bul᷊anna Wakku, wuṛṛu su anambon allo wahewalla waine apan niola'a ipassubba Mawu. I mangitou lai mangngonggollu sasamba walate apulun naungnga su Mawu.

NEHEMIA 11:1

Manga piaṛṛa'a namanuate su Yerusalem wuṛṛu tumana'a nandammen undi ipamile sambau amonanna wuassu suapan mapul᷊o amonanna apan ṛinone matana'a su soa susi Yerusalem. Apan tawe niapile wotongnge matana'a su manga soa waine.

NEHEMIA 13:31

Ta'u niatokka lai tadea'u su manga tempo buatte nitantunna, alu anutungnga hunan sasamba itattambunna wotongnge saddianna wuṛṛu tumana'a wotongnge mangapiddu sasamba hessin pangitinganna apan paarorone. Panginsueanne i ya'u niumal᷊iomanna, “Ruata'u, naungetewe sarangkanambone indi wuṛṛu al᷊amatewe i ya'u.”

AMSAL 18:18

Ringannu iundi, patatiakka wotongnge insueanna, ewe'e lai patatiakka suwallattu taumata pia taṛṛino wotongnge insueanna.

YESAYA 40:16

Anambon binatangnga su mahurangngu Libanon tawe natimu olaanna sasamba itattambunna; manga aaluanne tumaniten matul᷊ungnga olaanna al᷊un putungnga.

IMAMATTA 24:5

Panganute mapul᷊o dua su kilone taponna apan apianne wuṛṛu pa'ola'e mapul᷊o dua roti mal᷊imbulunna, sambau-sambau wuassu sangkilo taponna.

IMAMATTA 24:6

Addoa'e roti udde darua ual᷊isansunna, annumma roti suapan sansunne, su wowon medda lal᷊apisannu wul᷊awanna tutune apan uaraddo su Rasanna Mawu.

REENGANNA 28:2

niapasingkatta su walahannu Israel manungku i mangitou ṛinone manutukka ringannu maadunna tadea'u suapan tempo apan tinantunna, ionggola manga sasamba erenai anna apan ma'al᷊uassa naungngu Mawu.

WATTI'U MANGA RASUL 1:26

Wua'udde aranna darua udde niundi, see niata'eanne eteudde Matias. Nariaddi i tou netenega maola'a rasul mammanara su sambau ringannu sire mapul᷊o assa rasul waine.

YOSUA 9:27

Arawe i mangitou niola'a allanga eteudde mallaṛṛappo alu wuṛṛu mamasanna ua'en taumatan Israel wuṛṛu mezbah Mawu. Na'oman sara orassa indi i mangitou ta'e mammanara manara udde su tampa apan nipile Mawu maola'a tampa patataṛṛamawuanna su Mawu.