NEHEMIA 1:7 - WUKE SUSI WATTI'U AL᷊AL᷊USASSA

⁷ I yami buatte na'ola'a al᷊al᷊eo Si'o wuṛṛu nilumawangnga manga parenta-Nu. I yami tawe tumuṛṛutta manga tita apan buatte nionggollu Mawu si yami wuassi Musa, allang-Ngu udde.

NEHEMIA 1:7 Iomraidhean Croise

1 MARARATU 2:3

Pammanarate apa apan niparentan Mawu Ruatanu si'o. Paatuṛṛutte su anambon manga tita wuṛṛu manga parenta-Ne apan uawoṛṛetta sulal᷊ummu Wuke Musa, tadea'u watukkuapa i'o inai i'o sarun mahessi sulal᷊umu al᷊awo'u manaranu.

2 TAWARIKH 25:4

Arawe al᷊aṛṛana'u manga mamanaran araratuanna udde tawe nipatene, ana waugu i tou naddaringikka parentan Mawu sulal᷊ummu Wuken Musa apan tingikke arendi, “Imbaṛṛangnga mamate timmadde ana waugu pasasal᷊a apan niola'u al᷊aṛṛanangnge, wuṛṛu imbaṛṛangnga mamate al᷊aṛṛana'a ana waugu pasasal᷊a apan niola'u hagurangngi mangitou suapan taumata tumba'u wotongnge pateanna ana waugu pasasal᷊a apan niolangnge sassane.”

2 TAWARIKH 27:2

Yotam maal᷊uassa naungngu Mawu, ere lai i Uzia iamangnge. Tumba'u i tou tawe manambunnu amania su Wal᷊en Mawu, ere buatte niola'u iamangnge. Salaiwe aroddi, tumana'u soa sidutu ma'ola'a rosa.

EZRA 7:6

I Ezra sangkatou apan pia si'olane wuṛṛu masingkattu su ola'u anambon Tita apan nionggollu Mawu, Ruatan Israel si Musa. Ana waugu Ezra nial᷊amatannu Mawu Ruatane, ne ratu nangonggolla si tou al᷊awo'a apan raddoronganne. Su tonna appitune sutempo i Ratu Artahsasta uaparenta, Ezra napul᷊ete wuassu Babel mattuddan Yerusalem suaddio'a ringannu ammul᷊annu taumatan Israel eteudde manga pira imam, taumatan Lewi, mangangantari see mandariagga ngara su Wal᷊en Mawu, wuṛṛu manga mamamanara.

DARALO 106:6

I yami narosate ere al᷊amonan kami; i yami buatte na'ola'a al᷊al᷊eo wuṛṛu nilumawanga.

DARALO 89:31

Arawe amungkangu papapulunne lumawanga tita-U, wuṛṛu tawe mabbiakka tumuṛṛuttu parenta-U,

DARALO 89:32

amungkangu i mangitou tawe maddaringikka tita-U wuṛṛu maddiriten atorang-Ku,

YESAYA 1:4

Nasilakate i yamiu walahanna apan marosa, manga taumata apan mapontol᷊osanna wuṛṛu lal᷊eo! I yamiu nanawote su manga rosang kamiu. I yamiu buatte nanol᷊a'u Mawu wuṛṛu tinumal᷊iudda Ruata Apan Lembonna'ukkassa apan ṛinone subbanni yamiu.

DANIEL 9:11

Ahewallu Israel buatte nilumawangnga manga tita-Nu wuṛṛu maddiri maddaringikka tingik-Ku. I yami narosate su saruan-Nu, wuṛṛu ana waugu udde I'o nandantan wawotoga si yami apan uawoṛṛetta sulal᷊ummu Buken Musa, allang-Ngu.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

IMAMATTA 27:34

Eteudde manga parenta apan nionggolu Mawu si Musa su puiddu Wowon Sinai maola'a parenta su walahannu Israel.

ZEFANYA 3:7

I Ya'u maṛṛingidda, ‘Orassa indi uma-U sarun mangaddatta si Ya'u wuṛṛu maddaringikka al᷊awo'u tatagu-U. I mangitou sarun mannaungnga al᷊aṛṛa'a apan Ta'u nionggolla si mangitou.’ Arawe wutte'e, i mangitou lembon maṛṛimadda lai ma'ola'a al᷊al᷊eo wuassu paarorone.

MALEAKHI 4:4

Naungete manga al᷊aṛṛa'u allang-Ku Musa, naungete manga tita wuṛṛu manga parenta apan Ta'u nionggolla si tou su Wowon Sinai tadea'u tattuṛṛutannu anambon umattu Israel.

TAHIUL᷊E 4:1

Ana see i Musa nabbisara su walahanna udde, “Paatuṛṛute anambon tita apan ta'u niaṛṛa'a si yamiu, tadea'u i yamiu wotongnge mabbiakka ma'oman sara mamanua su leta'a apan nionggolu Mawu Ruatan al᷊amonanu si yamiu.

TAHIUL᷊E 4:5

Anambon tita udde ta'u niaṛṛa'a si yamiu ere buatte nirolokku Mawu Ruatanu. Tuṛṛute sarangkanambone udde su wanua apan sarun suttanna wuṛṛu atanaanna udde.

TAHIUL᷊E 5:1

I Musa nangammulu anambon balahanna Israel, ana see nabbisara si mangitou, “Manga tuṛṛangnga, paddaringikke manga tita apan ta'u ionggola allo indi. Urumete manga tita udde, wuṛṛu paatuṛṛutte ringannu maadunna.

TAHIUL᷊E 6:1

“I Ya'u nirolokku Mawu Ruatanu iapatantiro anambon tita indi si yamiu tadea'u i yamiu ma'ola'a su wanua apan tate mal᷊annu lai atanaanni yamiu.

SONDAPPA 19:2

Pallaṛṛuung-Nge matul᷊idda wuṛṛu masiṛṛonga! I Tou suete naṛṛuumannu sumasandaga apan wahewalla, apan nandal᷊eo runia ringannu sasandage. Ruata suete naṛṛuumannu sumasandaga udde, ana waugu ete i tou namate manga allangngu Ruata.”