NEHEMIA 1:6 - WUKE SUSI WATTI'U AL᷊AL᷊USASSA

⁶ Pa'ellege si ya'u oh Mawu, wuṛṛu daringiṛṛewe aal᷊iomanna apan ta'u iruitta su saruan-Nu allo wuṛṛu ṛabbi hunan umattu Israel, manga allang-Ngu udde. I ya'u manga'u manungku i yami, umattu Israel, manga allang-Ngu udde. I ya'u manga'u manungku i yami, umattu Israel, buatte na'ola'a rosa; i ya'u wuṛṛu manga al᷊amona'u buatte na'ola'a rosa lai.

NEHEMIA 1:6 Iomraidhean Croise

1 MARARATU 8:47

antimanna I'o maddaringikka aal᷊iomanni mangitou. Amungkangngu su wanua udde i mangitou manantangngu manga rosa mangitou, wuṛṛu umal᷊iomanna Si'o lapiddu manga'u manungku i mangitou buatte na'ola'a al᷊al᷊eo, daringiṛṛewe aal᷊iomanni mangitou, oh Mawu.

2 TAWARIKH 28:10

Wuṛṛu orassa indi manga taumatan Yerusalem olaante manga allangngi yamiu! I yamiu wagga manungku i yamiu lai narosate su lantakku hatin Mawu Ruatanu?

2 TAWARIKH 29:6

Al᷊amonan kite mal᷊awangnga Mawu Ruatan kite wuṛṛu inolaanni mangitou tawe maal᷊uassa naungngu Mawu. I mangitou tawe maddaringikka si Tou wuṛṛu tawe manaile tampa atatanaan-Ne.

2 TAWARIKH 6:40

Orassa indi, oh Mawu Ruata'u, intanoiwe yami wuṛṛu daringiṛewe manga aal᷊iomanna apan niapasingkatta Si'o wuassu tampa indi.

EZRA 10:1

Tantalanna Ezra u'al᷊iomanna lapiddu lulluai wuṛṛu mangnga'u rosa su saruannu Wal᷊en Mawu, manambo atonna taumatan Israel naammulla, mawae esakka, aroddi lai wawine wuṛṛu al᷊aṛṛana'a. I mangitou uapal᷊iwutta si tou lapiddu lulluai ma'ikka-ikkatta.

EZRA 10:11

Ana waugu udde, panga'ute rosanu su saruannu Mawu, Ruata sassubannu iupungngu al᷊amonan kite, wuṛṛu pa'ola'e pallalagu apan maal᷊uassa naung-Ne. Panginduaten taumata raho apan uatana'a su wanuan kite wuṛṛu limbuaṛṛete mangaawingngu wawine wuassu walahanna raho udde.”

NEHEMIA 1:11

Daringiṛṛewe aal᷊iomannu anambon allang-Ngu apan waine, apan mappulu mangaddatta Si'o. Onggol᷊aawe tul᷊ungan-Nu tadea'u su allo indi allang-Ngu indi maasomba darangngu wuassu ratu.” Sutempo udde i ya'u mammanara mangngimben ua'e ratu.

DARALO 102:17

napawe Mawu mapararisikku Sion apia, wuṛṛu rumanta sulal᷊ummu awawantu-Ge.

DARALO 106:6

I yami narosate ere al᷊amonan kami; i yami buatte na'ola'a al᷊al᷊eo wuṛṛu nilumawanga.

DARALO 130:2

Mawu, daringiṛṛewe sasal᷊ande'u, ellehewe darorongku.

DARALO 32:5

Ana see i ya'u nanga'ute rosa'u Si'o, pasasal᷊a'u taweddu ta'u niwuni. I ya'u nakkawessa, sarangkanambone a'uanna Si'o, ne I'o nangampunga rosa'u.

DARALO 34:15

Pangindauten al᷊al᷊eo, pa'ola'e apapia, paddea'e paddarame ringannu anambon auatannu.

DARALO 55:17

Arawe i ya'u sumal᷊ande su Ruata, Mawu sarun manal᷊amatta si ya'u.

DARALO 88:1

Aantari. Daralon ṛuanganni Korah. Su piaṛṛa'u mangangantari. Tumuṛṛuttu aantari: Mahalat Leanot. Aantari tatantiron Heman taumatan Ezrahi.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

LAL᷊ALLU 5:7

Al᷊amonan kami na'ola'a rosa, orassa indi i mangitou tate su runia; arawe i yami ṛinone matataṛṛangnga, ana waugu manga rosan mangitou.

DANIEL 9:15

Oh Mawu, Ruatan kami, I'o buatte napal᷊iatta'u taṛṛino-Nu ringannu nangapiddu uman-Nu sinumabbangnga wuassu Mesir, wuṛṛu ma'ola'a pasasal᷊a.

DANIEL 9:20

I ya'u sidutu u'al᷊iomanna wuṛṛu mangnga'u rosa'u wuṛṛu rosan balahangku Israel, see sinumal᷊ande su Mawu Rutta'u tadea'u mamelengngu wal᷊e-Ne apan susi.

DANIEL 9:4

Al᷊awo'u rosan balahangku ta'u nia'uanna su Mawu Ruata'u. Wisara'u, “Mawu Ruata, I'o wahewalla, wuṛṛu i yami mangngaddata Si'o. I'o sidutu mannuungngu paaire-Nu wuṛṛu mapal᷊iatta'u darangngu-Nu apan tawe panguddusanne si mangitou apan mandangngu Si'o wuṛṛu tuttuṛṛutta apa apan niparenta-Nu.

DANIEL 9:5

I yami narosate, i yami buatte na'ola'a alaleo, wuṛṛu na'ola'a pasasal᷊a. I yami buatte namangalo wuṛṛu nilumawangnga parenta-Nu see sinumewadda wuassu manga atoran-Nu.

DANIEL 9:8

Manga ratun kami, manga piaṛṛa'a wuṛṛu iupungngu al᷊amonan kami buatte na'ola'a inolaanna apan maasili wuṛṛu narosate su saruan-Nu, oh Mawu.

LUKAS 18:7

Ne, apa Ruata tawe manamba'a hatton al᷊aṛṛanang-Nge sassane apan sussal᷊ande si Tou allo ṛabbi? Apa i Tou sarun manoṛṛuttu tempone mantul᷊ungngi mangitou!

LUKAS 2:37

i Hana naola'e wawine wal᷊u, wuṛṛu orassa indi uukke ual᷊utem pul᷊o appatta su tonnane. Tawe saran paassa i tou nanantangngu Wal᷊e Mawu. Allo ṛabbi i tou mattaṛṛamawu isudde su Ruata ringannu u'al᷊iomanna wuṛṛu mappuasa.

EFESUS 2:3

Dorone i ite sarangkanambone lai uasul᷊ungngi mangitou; i ite mabbiakka tuttuṛṛuta pallal᷊agun kite taumata wuṛṛu mammanara manara apan maal᷊uassa wadangnga wuṛṛu ṛingiṛṛanni ite. Su tempo udde i ite naola'a manga taumata apan niaṛṛiaannu asasa'un Duata, ere lai manga taumata waine.

1 TIMOTIUS 5:5

Wawine wal᷊u apan atonna-tonna sassane, wuṛṛu tawe isai-sai apan wotongnge mammadul᷊i si tou, tumba'u uaantimma Ruata. Allo ṛabbi i tou sidutu u'al᷊iomanna su Ruata maddorongnga tul᷊ungan-Ne.

2 TIMOTIUS 1:3

I ya'u umal᷊iomanna su Ruata apan a'imbeangku ringannu awawiran naungnga ere lai suete niola'u iupungngu al᷊amona'u dorone. I ya'u sidutu maadiangkamanna su Ruata napawe i ya'u maanaungnga si'o sulal᷊ummu aal᷊iomanna, mawae allo ara'e ṛabbi.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

1 SAMUEL 15:11

“I ya'u sinumassilla nanenegi Saul naola'a ratu, ana waugu i tou buatte tinumal᷊iudda si Ya'u, wuṛṛu tawe tumuṛṛutta parenta-U.” I Samuel mangke nasusa, wuṛṛu su al᷊o'engngu ṛabbi i tou sussal᷊ande Mawu.