NEHEMIA 1:5 - WUKE SUSI WATTI'U AL᷊AL᷊USASSA

⁵ “Oh Mawu Ruata uataṛṛino su surga. I'o Ruata apan Wahewallua wuṛṛu i yami sumaruanna Si'o ringannu napenen apendamma matta'utta. I'o sidutu satia wuṛṛu uaagassa paaire-Nu su taumata apan marangngu Si'o wuṛṛu matuṛṛutta parenta-Nu.

NEHEMIA 1:5 Iomraidhean Croise

1 MARARATU 8:23

wuṛṛu niumal᷊iomanna, “Mawu, Ruatan Israel! Su langitta ara'e lai su runia taweddu ere I'o! I'o nanipussa pa'aire-Nu wuṛṛu napal᷊iatta'u darangngu-Nu su uman-Nu apan satia wuṛṛu matuṛṛutta ringannu ahewallu naungnga Si'o.

1 TAWARIKH 17:21

Su ahewallu runia tawe walahanna ere Israel. Tumba'u Israel sambau walahanna apan Ta'u nipallossa pattataṛṛualanganna tadea'u maola'a al᷊aṛṛana-U sassane. Al᷊awo'u inolaanna apan wahewalla wuṛṛu maatiangnga niolang-Ngu si mangitou naola'a aran-Nu tinumelengnga su ahewallu runia. I'o namallossu al᷊aṛṛanang-Ngu wuassu Mesir, wuṛṛu nallimbuakka manga walahanna waine sutempo al᷊aṛṛanang-Ngu inai mapapangalo.

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

NEHEMIA 2:4

Ratu naiwal᷊o, “Nariaddi, apa apan ipaapulunu?” Sulal᷊ummu naungnga i ya'u u'al᷊iomanna su Ruata uataṛṛino su surga,

NEHEMIA 4:14

Sutempo i ya'u naasilo manungku tumana'a matta'utta, i ya'u nabbisara si mangitou wuṛṛu manga tembonanne see manga piaṛṛa'a, “Arie pa'ata'uttu seetta! Naungete Mawu apan matohassa wuṛṛu masiṛṛungnga, wuṛṛu panahekke hunan manga tuṛṛangngu, manga ana'a, awingngu wuṛṛu wal᷊enu!”

NEHEMIA 4:8

I mangitou nabbaidda inai mamangalo Yerusalem wuṛṛu mapal᷊apputtu aal᷊iba'ukka.

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

DARALO 47:2

Pattal᷊o'ape ringannu lulluassa, ei anambon walahanna! Paddalote Ruata ringannu huggio!

DARALO 76:8

Mangke wahewalla atonna I'o! Amungkangu I'o masa'u, isai wotongnge maataṛṛangnga?

DARALO 89:2

Darangngu-Nu, Mawu, ta'ute iantari su al᷊o'engngu allo, apapia-Nu sarun ta'u iwatti'a sara maṛṛawa mappulunna.

DARALO 89:3

Ana waugu i ya'u masingkatta darangngu-Nu tawe panginsueanne, apapia-Nu matohassa ere langitta.

DARALO 89:8

I'o aaddatanna su ammul᷊annu taumata susi, iaata'utta wuassu anambon sarangkamabone apan marani-Nu.

SASABANGNGA 20:6

Arawe i Ya'u mapal᷊iatta'u darangngu-U su ṛiwune papapulunnu manga taumata marangngu si Ya'u wuṛṛu matuṛṛutta tita-U.

TAHIUL᷊E 7:12

“Amungkangngu i yamiu manutukka manga tita udde, wuṛṛu mapaamatta ringannu matammudda, ne Mawu Ruatanu lai sidutu matuṛṛutta su pa'aire-Ne apan niolang-Nge si yamiu. I Tou sarun mapal᷊iatta'u darangngu-Ne sidutu si yamiu, ere buatte nipa'ire-Ne su al᷊amonanu.

TAHIUL᷊E 7:21

Nariaddi ariete mata'uttu manga walahanna udde. Mawu Ruatanu ual᷊u'adda si yamiu. I Tou uddewe Mawu Ruata apan mawantuga wuṛṛu ahewal᷊anne.

TAHIUL᷊E 7:9

Naungete manungku Mawu Ruatanu uddewe tumba'u sambau Mawu Ruata, wuṛṛu i Tou Mawu Ruata maakkanna. Mawu nanipussu pa'aire-Ne wuṛṛu napal᷊iatta'u darangngu-Ne apan uatatana'a maddatingngu saṛṛiwu pallaṛṛawanna su manga taumata apan mandangngu si Tou wuṛṛu tuttuṛṛuta manga parenta-Ne.