NEHEMIA 1:4 - WUKE SUSI WATTI'U AL᷊AL᷊USASSA

⁴ Naaringikka watti'a udde, i ya'u niuma'ianna wuṛṛu nilumuai. Manga pira allo al᷊annune naungku massusa. I ya'u sidutu mappuasa lapiddu u'al᷊imonna su Ruata,

NEHEMIA 1:4 Iomraidhean Croise

2 SAMUEL 12:16

Ana see i Daud niumal᷊iomanna su Mawu tadea'u ana'a udde mapia wuassu radda'a. I tou tawe umanna wuṛṛu suapan maṛṛabbi i tou mattiilla wowa su apampakku wabbo'ane.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

EZRA 1:2

“Eteindi parentan Kores, ratun Persia. Mawu, Ruata tembonanne su surga buatte na'ola'a si ya'u ratu su ahewallu runia, wuṛṛu nangonggollu manara si ya'u tadea'u mapararisikku Wal᷊en-Ne su Yerusalem su leta'u Yehuda.

EZRA 10:1

Tantalanna Ezra u'al᷊iomanna lapiddu lulluai wuṛṛu mangnga'u rosa su saruannu Wal᷊en Mawu, manambo atonna taumatan Israel naammulla, mawae esakka, aroddi lai wawine wuṛṛu al᷊aṛṛana'a. I mangitou uapal᷊iwutta si tou lapiddu lulluai ma'ikka-ikkatta.

EZRA 9:3

Naaringikka olangnge udde, i ya'u nasusa na'oman sara nanggesa'a lau'u wuṛṛu nanawutta uta'a wuṛṛu omengku, ana see niuma'ianna ringannu naungnga napussa-pussa'a.

EZRA 9:5

Sutempo sasamban bawallo mannattakke ia'onggolla, i ya'u dirumarisikka wuassu tampa i ya'u massusa ringannu lau'u apan nahesa'a, i ya'u niumal᷊intudda wuṛṛu nanoggokku lima'u su Mawu Ruata'u.

NEHEMIA 2:20

I ya'u sinumibakka, “Ruata tembonanne su surga sarun ma'ola'a manaran kami mahessi. I yami uddewe manga allang-Nge wuṛṛu i yamiu manattakke mapararisikka. Arawe i yamiu tawe taṛṛino ara'e pussa'a saran sambau su Yerusalem. Ewe'e lai amungkangngu pia taumata mabbisara su ola'u Yerusalem, arannu tate lai isaggo.”

NEHEMIA 2:4

Ratu naiwal᷊o, “Nariaddi, apa apan ipaapulunu?” Sulal᷊ummu naungnga i ya'u u'al᷊iomanna su Ruata uataṛṛino su surga,

DARALO 102:15

Ana waugu manga allang-Ngu mandangngu si tou, salaiwe i tou nabbal᷊ite nallambe manga tuidda. I mangitou u'akkanni tou, salaiwe i tou nabbal᷊ite awu.

DARALO 136:26

Paadiangkamante su Ruata apan uataṛṛino langitta; darangngu-Ne tawe panguddusanne.

DARALO 137:1

Su winggin manga sal᷊ukku Babel i yami ua'ianna wuṛṛu lulluai napawe maananungnga Sion.

DANIEL 10:2

Sutempo udde i ya'u tantal᷊anna mabartapa tallun kamisa naṛṛattubba.

DANIEL 2:18

I tou nandolokki mangitou umal᷊iomanna su Ruata su surga tadea'u i Tou umakkanni mangitou wuṛṛu mamasingkattu addapingngu wal᷊iawa udde. Ringannu aroddi i mangitou tawe iṛṛumanna pateanna suadio'a ringannu mapapande waine.

DANIEL 9:3

Wua'udde i ya'u inumal᷊iomante ringannu atonna-tonna su Mawu Ruata, wuṛṛu sinumal᷊ande aakkan-Ne. I ya'u lai nappuasa wuṛṛu nalluṛṛen laubba karongnga see niuma'ianna su awu.

YUNUS 1:9

Sasimbakki Yunus, “I ya'u taumatan Ibrani. I ya'u massubba Mawu Ruata su surga, apan nadiaddi tahal᷊oangnga wuṛṛu ammaranne.”

ZEFANYA 3:18

Naal᷊ihidda taumata apan tantal᷊anna maandeangnga.” Unnu Mawu, “Asasilaka apan maṛṛia'a si yamiu Ta'u iapaarau. Paasiangngu buatte Ta'u nipapassa.

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.