NAHUM 3:6 - WUKE SUSI WATTI'U AL᷊AL᷊USASSA

⁶ Ta'u olaanni i'o ere sambau saranapa apan maarantinna, i'o Ta'u waretannu sapadda; i'o Ta'u olaanna wabbiallannu taumata.

NAHUM 3:6 Iomraidhean Croise

AYUB 30:19

Sulal᷊ummu labbo i ya'u niemang-Nge, i ya'u naola'e ere sapadda!

AYUB 30:8

I mangitou tawe aranne wuṛṛu tawe aregane, manga taumata apan buatte nilimbuaṛṛanna wuassu wanuane.

AYUB 9:31

I ya'u nilakkummu Ruata sulal᷊ummu onassa, na'oman sara lau'u lai maddantingkute.

YEREMIA 51:37

Wanua udde sarun maola'a wil᷊alanna, tampa pa'imbuniannu asun ahuranganna. Taumata matta'utta maasilo udde, wuṛṛu tawe saran sangkatou apan mappulu matana'a poiaroddi.

LAL᷊ALLU 3:16

Hati'u niesoggu Mawu su leta'a, isi'u nitenggokku Mawu su watu sara napaddi.

YEHEZKIEL 16:37

Ana waugu udde, anambon arangnguannu dorone sarun Ta'u iammulla, mawae ipa'apulunu aroddi lai apan ia'arantinnu. I mangitou sarun dumarisikka mamal᷊iwutta si'o wuṛṛu sarun malluatta al᷊awo'u laungngu, ma'oman sara i mangitou maasilate waddangngu apan tantol᷊e.

NAHUM 1:14

Eteindi inappuannu Mawu su ola'u walahannu Asyur, “I mangitou tate maasomba pallaṛṛite ipanassu walahanne. Manga paal᷊uanna sassubbanna apan sulal᷊ummu manga kuillu monganne, sarun Ta'u ṛimunsaanna. Pallabbingannu walahannu Asyur tantal᷊anna Ta'u sassaddianna, ana waugu i mangitou tawe ṛinone wiakka!”

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

ZEFANYA 2:15

Ete udde apan sarun mariaddi su soa apan lullala'a udde wuṛṛu massunna watanganne mal᷊angnganne su runia. Al᷊annabbawe eteapa wageangngu leta'a udde, taweddu uatana'a tumba'u manga winatangngu ahuranganna apan massal᷊akka isudde! Suapan taumata apan sumabbi su soa udde sarun ṛuminddu'a wuṛṛu maapendamma atata'utta.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

MALEAKHI 2:3

Manga anangngu sarun Ta'u iṛṛuumanna, wuṛṛu hatinu Ta'u wuṛṛannu tain binatangnga apan niola'i yamiu sasamba, wuṛṛu i yamiu sarun wol᷊enganna su ombon sapadda.

MALEAKHI 2:9

Ne i Ya'u sarun ma'ola'a si yamiu aaddio'annu umattu Israel ana waugu i yamiu tawe tumuṛṛutta apulu-U, wuṛṛu ana waugu i yamiu naṛṛaen taumata sutempo mannantiro uma-U.”

1 KORINTUS 4:13

amungkangngu taumata ma'umbilangngi yami, yami mabbal᷊issu wisara apan maal᷊uassa. I yami tawe nangillembo wuassu sapaddu runia indi; na'oman sara orassa indi yami ta'e aellehanna ere sapaddu runia.

1 KORINTUS 4:9

Ana waugu tumuṛṛuttu addapa'u, i yami manga rasul, buatte niola'u Ruata ere apa wabbialanna su saruannu taumata wuṛṛu manga mala'ekatta. I yami naal᷊ihida ere taumata lal᷊eo apan niṛṛuumanna na'oman sara mate su saruannu awadaalla wuṛṛu aal᷊uandahannu runia.

IBRANI 10:33

Pattaṛṛa assa i yamiu a'al᷊uandahanna wuṛṛu a'olaanna tawe aregane su saruannu awada'alla. Pattaṛṛa assa lai yamiu uatataṛṛanga ringanni mangitou apan a'olaanna aroddi,

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.