NAHUM 3:5 - WUKE SUSI WATTI'U AL᷊AL᷊USASSA

⁵ Mawu apan Lembontaṛṛino nabbisara, “Ei Niniwe, i'o sarun Ta'u sansaranna! Nasanu Ta'u luatanna su saruannu manga walahanna, ma'oman sara sangkullu aellehanni mangitou.

NAHUM 3:5 Iomraidhean Croise

YEREMIA 13:22

Asinungka i yamiu maiwal᷊o anio sarangkanambone udde naṛṛia'a su watangannu, anio laungngu nihesa'a wuṛṛu i yamiu niṛṛampassa. Ṛinone i yamiu masingkatta manungku udde nariaddi ana waugu rosanu tumaniten bahewalla.

YEREMIA 13:26

I Ya'u sassane sarun manggesa'a laubba wuassu waddangngu tadea'u i yamiu matantol᷊e wuṛṛu masili.

YEREMIA 50:31

Babel, naungngu tumaniten matanggakka! Ana waugu udde i Ya'u, Mawu Apan Atanggaṛṛanne, Ruata Apan Lembontaṛṛino, mando'appa si'o. Nia'omante tempone i'o Ta'u iṛṛuumanna.

YEHEZKIEL 16:37

Ana waugu udde, anambon arangnguannu dorone sarun Ta'u iammulla, mawae ipa'apulunu aroddi lai apan ia'arantinnu. I mangitou sarun dumarisikka mamal᷊iwutta si'o wuṛṛu sarun malluatta al᷊awo'u laungngu, ma'oman sara i mangitou maasilate waddangngu apan tantol᷊e.

YEHEZKIEL 21:3

manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.

YEHEZKIEL 23:25

Ana waugu i Ya'u nasa'u si'o, Ta'u niwala i mangitou ma'ola'a si'o ringannu maṛṛagissa. Ngirunna wuṛṛu tal᷊inganu sarun ponggo'anni mangitou wuṛṛu manga anangngu sarun anuanna wuṛṛu itambunna ta'e wiakka.

YEHEZKIEL 23:29

Ana waugu i mangitou maddantinnu, al᷊awo'u inasaharannu sarun aṛṛoanni mangitou. I'o sarun itantangnga tantol᷊e wal᷊atta ere sangkatou sumasandaga wuṛṛu maola'a wabbialannu awada'alla. Apulum baddangngu wuṛṛu sasandagu

YEHEZKIEL 26:3

Mawu Apan Atanggaṛṛanne nabbisara, “I Ya'u indi seennu, ei Tirus! I Ya'u sarun mangapiddu manambo walahanna iapapangalo si'o, wuṛṛu i mangitou sarun dumanta naal᷊ihidda lua'a su tahal᷊oangnga.

MIKHA 1:11

I yamiu tumana'u Safir, roote watukku pamamuanganna ringannu tawe laubba wuṛṛu ringannu apendamma massili! Manga taumatan Zaanan tawe waṛṛini sumabbangnga wuassu soan mangitou. Aintul᷊in tumana'u Bet-Haezel mapal᷊iatta'a si'o manungku poiaroddi taweddu pattallindumanna lai.

NAHUM 2:13

“I Ya'u indi seennu,” unnu Mawu Apan Lembontaṛṛino. “Manga keretanu sarun Ta'u soṛṛowanna abbi. Tantaranu sarun mate sulal᷊ummu pangallo, wuṛṛu i Ya'u sarun manganu al᷊awo'u saranapa apan buatte nianunu wuassu taumata waine. Manga darongngu daroloṛṛannu sarun aringiṛṛanna apia.”

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.