NAHUM 3:15 - WUKE SUSI WATTI'U AL᷊AL᷊USASSA

¹⁵ Al᷊awo'u apa apan a'olaannu, mangke tawe gunane, ana waugu i'o sarun masue masoṛṛobba ara'e mate sulal᷊ummu pangallo. I'o sarun mawul᷊i ere hessin sinuananna apan nitaṛṛangassu saṛṛappalanna. Pallaṛṛitenu niatambante anambon ere saṛṛappalanna!

NAHUM 3:15 Iomraidhean Croise

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YESAYA 66:16

Ana waugu anambon taumata apan niasangkal᷊anna nassal᷊a sarun iṛṛuuman-Ne ringannu putungnga wuṛṛu hal᷊ele, wuṛṛu manambote apan niṛṛuumanna pateanna.

YEREMIA 51:14

Mawu Apan Lembontaṛṛino nassalu ringannu watangan-Ne sassane manungku i Tou sarun mandolokku taumata anambone ere saṛṛapalanna inai mamangalo Babel, wuṛṛu i mangitou sarun mangintul᷊in hahuressan auntunganna.

YOEL 1:4

Ammul᷊annu saṛṛappalanna apan tawe iareengnga anambone, na'oman sara su manga wawail᷊anna sarun nanaṛṛangassa wuane. Apate apan nilamben ammul᷊annu saṛṛappalanna indi, niinsuen ammul᷊annu saṛṛappalanna waine lai.

YOEL 2:25

I Ya'u sarun mallana'a al᷊awo'u ararugiannu su manga tonna sutempo saṛṛappalanna niumanna hessin pangitingannu. Ana waugu ete i Ya'u apan nandolokku ammul᷊annu saṛṛappalanna udde si'o.

AMOS 7:1

I ya'u naasomba sondappa wuassu Mawu Apan Atanggaṛṛanne. I ya'u naasilo i Tou nandiaddi sambau ammul᷊annu saṛṛappalanna apan manambo sutempo taumata nuddusse namabbassa nannal᷊o ionggolla su ratu, wuṛṛu nannal᷊o wakku mannattakke tuttuwo apia.

NAHUM 2:13

“I Ya'u indi seennu,” unnu Mawu Apan Lembontaṛṛino. “Manga keretanu sarun Ta'u soṛṛowanna abbi. Tantaranu sarun mate sulal᷊ummu pangallo, wuṛṛu i Ya'u sarun manganu al᷊awo'u saranapa apan buatte nianunu wuassu taumata waine. Manga darongngu daroloṛṛannu sarun aringiṛṛanna apia.”

NAHUM 3:13

Manga tantaranu lome ere wawine wuṛṛu wanuanu mangke tawe maal᷊ore sumaruanna seetta. Putungnga sarun manoṛṛobba manga sal᷊aba'un ngaranu.

ZEFANYA 2:13

Wua'udde Mawu sarun mappaattu taṛṛino-Ne ipakkimunsa'a Asyur. Soa Niniwe sarun olaanna mal᷊annabba wuṛṛu wadda'a apan lol᷊okka.