NAHUM 3:13 - WUKE SUSI WATTI'U AL᷊AL᷊USASSA

¹³ Manga tantaranu lome ere wawine wuṛṛu wanuanu mangke tawe maal᷊ore sumaruanna seetta. Putungnga sarun manoṛṛobba manga sal᷊aba'un ngaranu.

NAHUM 3:13 Iomraidhean Croise

DARALO 107:16

Ana waugu i Tou napaṛṛan manga ngara witu'a, wuṛṛu nakkimunsa'a manga sal᷊aba'u atta'a.

DARALO 147:13

Ana waugu i Tou nanohassa manga ngaranu wahewalla, wuṛṛu nangal᷊amatta tumana'u soanu.

YESAYA 19:16

Sarun a'omanna tempone walahannu Mesir maola'a ere wawine apan matal᷊o wuṛṛu matta'utta. I mangitou mangngiladdu atata'utta maasilo Mawu Apan Lembontaṛṛino mamatten lima-Ne makkuumanni mangitou.

YEREMIA 50:36

Matete manga nabi su Babel! I mangitou taṛṛa awusu wuṛṛu longonna. Natete tantaran Babel apan matohassa! Aroddi ata'unne i mangitou!

YEREMIA 50:37

Naṛṛussa'e awal᷊o wuṛṛu keretan pangalone! Natete manga tantara nassewanne! Aroddi al᷊omene i mangitou! Nasuete pa'aalan Babel! Aṛṛote manga darotongnge!

YEREMIA 51:30

Taumatan Babel naddote mapapangalo wuṛṛu uatana'e su manga tanda batu. I mangitou niawul᷊iannu awawaṛṛani wuṛṛu tate maa'al᷊iore. Manga ngara pasallangannu soa buatte nihohakka, wuṛṛu manga wal᷊en nisoṛṛobba.

OBAJA 1:9

Manga atumannaṛṛanne wuassu Teman sarun mangiladdu atata'utta, wuṛṛu anambon tantara Edom sarun mate.”

NAHUM 2:6

Ngaran ua'e anambon sal᷊ukka buatte niwaassa, ne niṛṛumindu'e ahewallu wal᷊en araratuanna!

NAHUM 2:7

Ratu buatte niasametta, manga mangangimbene sussal᷊iomanna wuṛṛu sussangitta, i mangitou ma'uare ere manua'a addio'a, wuṛṛu mammeppella sabba'a ana waugu massusa.

NAHUM 3:15

Al᷊awo'u apa apan a'olaannu, mangke tawe gunane, ana waugu i'o sarun masue masoṛṛobba ara'e mate sulal᷊ummu pangallo. I'o sarun mawul᷊i ere hessin sinuananna apan nitaṛṛangassu saṛṛappalanna. Pallaṛṛitenu niatambante anambon ere saṛṛappalanna!