NAHUM 2:4 - WUKE SUSI WATTI'U AL᷊AL᷊USASSA

⁴ Su lal᷊anna, manga kereta u'amatta ringannu mal᷊ihakka. Su leta'a mal᷊al᷊angnga, i mangitou uaa'enggenna. Aellehanna naal᷊ihidda sasol᷊oanna apan sussal᷊oi, mattalumma mal᷊ihakka naal᷊ihidda rallu'a.

NAHUM 2:4 Iomraidhean Croise

AMSAL 31:21

I tou tawe suminggawangnga amungkangngu tempon masunge rumantate, ana waugu laubba masal᷊ihangnga nasaddiate su lal᷊oṛṛon bal᷊ene.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 4:13

Pa'ellege, seetta sinumabbangnga ere winabbawa. Manga keretan pangalone ere anginna al᷊isusu, manga awal᷊one mallihaṛṛanna wuassu manu'a rajawali. Uare, i ite nasilakate! I ite matete!

YEREMIA 46:9

Pattalumpe, ei awal᷊o! Aal᷊orete, ei kereta! Inaite, ei tumannaṛṛanne pangapiddu allungnga wuassu Sudan wuṛṛu Libia. I yamiu lai, ei manga mamamiti'a apianne wuassu wanua Lidia.’ ”

YEHEZKIEL 23:24

I mangitou sarun mamangalo si'o wuassu sawannakka ringannu tantara apan bahewalla, ringannu manga keretan pangalo wuṛṛu manga kereta uaapiddu wal᷊unna. Ringannu lal᷊indumannu allungnga wuṛṛu manga araposa waja, i mangitou sarun mamangalo si'o. Sarun Ta'u iwala i mangitou makkuungngu tumuṛṛuttu manga tita mangitou sassane.

YEHEZKIEL 26:10

Manga awal᷊o mangitou aroddi anambone, na'oman sara lempangne naaola'a awu pasi talla'a apan uaoossa si'o. Tingikka maddallu'a wuassu tantara uasa'e awal᷊o apan uawol᷊engnga keretan bal᷊unna wuṛṛu keretan pangalo sarun mapangio'u manga darandungngu sutempo i mangitou umamattu manga ngara pasallangannu soa apan naola'e manga tuidda udde.

YEHEZKIEL 26:7

Mawu Apan Atanggaṛṛanne nabbisara, “I Ya'u sarun mangapiddi Ratu Nebukadnezar wuassu Babel iapapangalo si'o, ei Tirus. Ratu apan atohasanne udde sarun dumanta wuassu sawannakka ringannu tantara apan bahewalla, ringannu manambo awal᷊o wuṛṛu manga keretan pangalo see lai tantara uasa'e awal᷊o.

DANIEL 11:40

Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.