NAHUM 1:8 - WUKE SUSI WATTI'U AL᷊AL᷊USASSA

⁸ Naal᷊ihidda manawangnga wahewalla apan nangelekka, niṛṛimunsang-Nge manga seen-Ne. I mangitou apan waṛṛani lumawangnga si Tou nipuullu Mawu ringannu papate na'oman sara nate.

NAHUM 1:8 Iomraidhean Croise

AYUB 30:15

Atata'utta nangooppa waddangku; naal᷊ihidda anginna tinumiuppa, areggan baddangku malliudda; naal᷊ihidda winabbawa sinumabbi, nawul᷊ite lal᷊umanna'u.

AYUB 40:11

Pa'ellege si mangitou apan matanggakka naungnge; sopa'e asasa'unu wuṛṛu bawoa'e i mangitou.

YESAYA 13:10

Suapan anumpitanna wuṛṛu ammul᷊annu anumpitanna sarun umaddo manemakka; matannallo sarun maddandumma sutempo i tou sumabbangnga, wuṛṛu wul᷊anna sarun tate semakke lai.

YESAYA 13:9

Allo Mawu sarun dumanta, wuṛṛu su allo udde Mawu mapasabbangngu asasa'u-Ne wuṛṛu araṛṛagin-Ne apan bahewalla. Runia sarun maola'a wadda'a lol᷊okka, wuṛṛu suapan taumata marosa sarun mate.

YESAYA 28:17

Atatul᷊idda Ta'u olaanna tal᷊i auukka, wuṛṛu apapia Ta'u olaanna tal᷊in passaranna.” Uranna watu sarun mamaresi anambon bawahia apan pangngartimanna ara'e ia'asakki yamiu. Manawangnga sarun mangonoddu tampa pa'imbuniannu.

YESAYA 28:18

Pa'airenu ringannu papate wuṛṛu riandinu ringannu runian papate sarun tawe iapasakkuta, ma'oman sara napawe asasilaka rumanta, i yamiu mapussa'a sassal᷊idananna.

YESAYA 28:2

Mawu sarun mandolokku sangkatou apan matohassa wuṛṛu waṛṛani. Darantane ere anginna ma'ikkatta daṛundinganannu uranna eisse, ere uranna masaddatta wuṛṛu manawangnga apan ma'aonodda. Ringannu araṛṛagissa i tou mangngema'i mangitou su leta'a.

YESAYA 8:22

ara'e mangngintanno, i mangitou tawe maasilo manga apa tumba'u asasuṛṛipitta wuṛṛu ararandumma se'e lai asasul᷊aubba apan mangngaitta. I mangitou sarun iramme sutampa apan marandumma udde.

YEREMIA 13:16

Mawu Ruatanu ṛinone wantuhannu tantal᷊anna i Tou taambe nandantan ararandumma, wuṛṛu leddanu matara su panenteanna, su taambe asasemakka apan aantimannu waluan-Ne mabbal᷊i wasatuudda.

YEREMIA 51:64

lapiddu mabbisara, ‘Etearendi sarun mariaddi ringannu Babel. Wanua indi sarun lumakkubba wuṛṛu tate lumapputta apia ana waugu asasusa apan niṛṛia'u Mawu si tou.’ ” Manga wisaran Yeremia naddusse isindi.

YEHEZKIEL 13:13

Mawu Apan Atanggaṛṛanne nabbisara, “Sulal᷊ummu asasa'u-U, i Ya'u sarun mandatan anginna wahewalla, uranna masaddatta wuṛṛu uranna eisse ipakkimunsa'a darandungnga udde.

DANIEL 11:10

Ana see manga umasannu ratun banua sawannakka sarun mandiahite inai mapapangalo wuṛṛu mangammullu tantara apan wahewalla. Sangkatou suwallatti mangitou sarun inai mamangalo ere manawangnga.

DANIEL 11:22

Al᷊awo'u tantara apan mando'appa si tou, ore wewe lai Imam Wahewalla, sarun insueanna wuṛṛu ṛimunsaanna.

DANIEL 11:40

Napawe panguddusannu taṛṛinon ratun banua sawannakka maraniten a'omanna, ratun banua timukka sarun mabbal᷊issa pangalo udde ringannu masaddatta. I tou sarun mapasabbangngu manambo keretan pangalo, awal᷊o wuṛṛu apalla. I tou sarun mamangalo ere manawangnga, wuṛṛu manggaṛṛo manambo wanua.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

AMOS 8:8

Runia sarun umio'a, wuṛṛu anambon taumata naungnge massusa. Ahawellu wanua sarun mangindo wuṛṛu iwabbaretane naal᷊ihidda Sal᷊ukku Nil.

NAHUM 1:1

Eteindi tanatan Duata su ola'u Niniwe. Tanata udde niapasingkatta ringannu sondapa apan noinggolla si Nahum, sangkatou nabi apan darantane wuassu Elkos.

NAHUM 2:8

Tumana'u Niniwe tinumal᷊angnga nassal᷊iawukka, naal᷊ihidda ua'e sinumabbangnga wuassu tatandange apan naṛṛa'a. Pia aintul᷊i, “Pattaalla, pattaalla!” arawe tadewu pia apan mappulu mabbelengnga.

ZEFANYA 2:13

Wua'udde Mawu sarun mappaattu taṛṛino-Ne ipakkimunsa'a Asyur. Soa Niniwe sarun olaanna mal᷊annabba wuṛṛu wadda'a apan lol᷊okka.

MATIUS 7:27

Su tempo nanguranna wuṛṛu nammanawangnga lapiddu anginna ma'ikkatta tinumiuppa su wal᷊e udde, wal᷊e udde naṛṛa'a. Wuṛṛu ahahohakke wahewalla atonna!”

MATIUS 8:12

Arawe manga taumata apan ṛinone maola'a al᷊aṛṛana'u Ruata sarun iramme su ararandumma su liudde. Isudde i mangitou sarun lumuai wuṛṛu matataṛṛangngu asasusa.”

1 SAMUEL 2:9

Taumata matuṛṛutta sidutu matammudda sulal᷊ummu sasirungngu Mawu. Arawe al᷊al᷊eo natete naṛṛimunsa'a sulal᷊ummu ararandumma wuṛṛu wasa tu'udda. Atatohassa sassane tawe iawansaga atatohassu taumata tawe maapangonggolu auntunganna.