NAHUM 1:6 - WUKE SUSI WATTI'U AL᷊AL᷊USASSA

⁶ Isai wotongnge maataṛṛangnga amungkangngu Mawu masa'u? Taweddu maatal᷊angnga wuassu asasa'u-Ne? I Tou napaasabbangngu asasa'u-Ne apan lukkenggamma watu naṛṛimunsa'a wuṛṛu nabbal᷊i awu su saruan-Ne.

NAHUM 1:6 Iomraidhean Croise

1 MARARATU 19:11

“Sabbangke wuassu loṛṛangnga udde,” unnu Mawu si tou, “wuṛṛu darisikke saruanna si Ya'u su puiddu wowone.” Ana see Mawu sinumabbi isudde, niṛṛoroannu anginna apan tinumiuppa ma'ikkatta atonna na'oman sara manga wuidda nawa'a wuṛṛu manga wowone watu napesangnga. Arawe Mawu tawe naipasilo sulal᷊ummu anginna udde. Napawe anginna udde nol᷊ote, nariaddite linukka, arawe sulal᷊ummu linukka udde lai Mawu tawe naipasilo.

AYUB 26:11

Napawe i Tou mandona ringannu tingikka maddallu'a, manga diṛṛi uatumpilla langitta u'io'a.

AYUB 40:11

Pa'ellege si mangitou apan matanggakka naungnge; sopa'e asasa'unu wuṛṛu bawoa'e i mangitou.

AYUB 9:5

Ruata nangingkattu wowone ringannu tawe niasingkattannu taumata, see i Tou namal᷊insuangnga ringannu asasa'u wuṛṛu al᷊aṛṛagissa.

DARALO 130:3

Amungkangu I'o sidutu mannaungnga rosan kami, oh Mawu, isaite wotongnge maataṛṛangnga?

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 76:7

Anambon awal᷊o wuṛṛu sumasa'ene nanawo nate ṛatangannu asasa'u-Nu, oh Ruatan Yakub!

DARALO 76:8

Mangke wahewalla atonna I'o! Amungkangu I'o masa'u, isai wotongnge maataṛṛangnga?

DARALO 90:11

Isai apan wotongnge maaillal᷊a ahewallu asasa'u-Nu, ara'e naatutukke pangillul᷊eannu asasa'u-Nu?

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 13:13

Ya'u sarun ma'ola'a langitta mangngindo wuṛṛu runia umio'a wuassu tampane su allo i Ya'u, Mawu Apan Lembontaṛṛino, mapal᷊iatta'u asasa'u-U.

YESAYA 27:4

Ya'u tate maapendamma massa'u apia. Unnuwisara pia nannal᷊o ara'e aputta ṛoaanna, i Ya'u sarun mamabbassa, wuṛṛu sarangkanambone tutunganna.

YESAYA 33:14

Manga taumata marosa su Sion mangngiladdu atata'utta. Unni mangitou, “Laṛṛawessu Ruata naal᷊ihidda putungnga apan lukkengngamma sarangkal᷊o'enge. Wotongngewe piaddu maataṛṛangnga sulal᷊ummu putungnga apan ma'apate udde?”

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

LAL᷊ALLU 2:3

Sulal᷊ummu asasa'u-Ne apan lukkenggamma, atatohassu Israel nipaddi-Ne. Sutempo i ite nipangaloannu seetta, i Tou mappau mangonggollu aontolla. Naal᷊ihidda putungnga sussal᷊oi mannoṛṛobba al᷊awo'a, etearoddi Mawu nasa'u si ite sarangkanambone.

LAL᷊ALLU 2:4

Naal᷊ihidda seetta, i Tou nangannatta darangean-Ne wuṛṛu nantarangngu anaan-Ne si ite. Anambon taumata apan maal᷊uassa naungngi ite, nasue nipate-Ne. I Tou nanossokku asasa'u-Ne ere putungnga sulal᷊ummu soa Yerusalem indi.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 21:31

I Ya'u sarun mapassabbangu asasa'u-U apan lukkenggamma si yamiu. Wuṛṛu i yamiu sarun Ta'u itantilla su manga taumata apan maṛṛagissa wuṛṛu nal᷊atite mammate.

YEHEZKIEL 30:16

wuṛṛu soa udde sarun lembon matataṛṛangnga. Atonna, i Ya'u sarun manoṛṛobba Mesir. Manga darandungngu soa Tebe sarun maṛṛa'a wuṛṛu soa udde sarun sanggiurannu manawangnga.

YEHEZKIEL 39:6

I Ya'u sarun mandatan soṛṛobba su leta'u Magog wuṛṛu su manga apanne, suapa tumanangnge mabbiakka ringannu matammuda. Ne i mangitou sarangkanambone masingkatte manungku ete i Ya'u Mawu.

YEHEZKIEL 7:8

Tate mal᷊annu lai i yamiu sarun mamendamma asasa'u-U apan bahewalla. I yamiu Ta'u iṛṛuumanna uasul᷊ungngu inolaannu. Sarun Ta'u wal᷊isanna si'o al᷊awo'u inolaannu apan maarantinna.

NAHUM 1:2

Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

ZEFANYA 2:2

tatal᷊anna i yamiu taambe tinumolangnga wuṛṛu maṛṛangu ere bunga! Awal᷊ute tantal᷊anna taambe nirumanta allo asasa'un Mawu, wuṛṛu i yamiu aṛṛiaannu asasa'un Mawu apan lukkenggamma udde.

MALEAKHI 3:2

Arawe isai wotongnge maataṛṛangnga sutempo allon Mawu rumanta wuṛṛu maipasilon batangan-Ne? Ana waugu i Tou naal᷊ihidda mamamaresi wul᷊awanna, wuṛṛu naal᷊ihidda sabonna mabbawansalla.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

SONDAPPA 16:1

Ana see i ya'u naaringikka tingikka wahewalla wuassu lal᷊ummu Wal᷊en Ruata nabbisara su sire pitu mala'ekatta udde, “Roote wuṛṛu lal᷊ina'e lal᷊oṛṛon pitu cawanna asasa'u Ruata udde su wowon runia!”

SONDAPPA 16:8

Napawe wua'udde mala'ekatta aippane nallal᷊innu lal᷊oṛṛon cawanne su matannallo, ne matannallo niwala mannutungnga taumata ringannu sal᷊ihangnge apan mal᷊oso udde.

SONDAPPA 6:17

Allo ma'asansara nirumantate, orassa indi i mangitou napaasabangu asasa'un mangitou, wuṛṛu tawe saran sangkatou apan wotongnge sumaruanna si mangitou!”