NAHUM 1:4 - WUKE SUSI WATTI'U AL᷊AL᷊USASSA

⁴ I Tou namansagu tahal᷊oangnga wuṛṛu naapamarane, al᷊awo'u sal᷊ukka niapaatti ua'ene. Wowon Karmel wuṛṛu manga wadda'a su Basan nabbal᷊i lol᷊okka wuṛṛu su Libanon tinumolangke al᷊awo'u wantin bunga.

NAHUM 1:4 Iomraidhean Croise

PANDARIADDI 8:1

Ruata tawe maabul᷊in Nuh wuṛṛu al᷊awo'u winatangnga su sampunna ringanni tou sulal᷊ummu apalla udde. Ruata napatiuppu anginna, na'oman sara ua'e udde mannatakke u'eṛṛotta.

2 SAMUEL 22:16

Wantan tahal᷊oangnga nawu'essa wuṛṛu rapappakku runia nawu'a, sutempo Mawu nandona seen-Ne ringannu nasa'u.

AYUB 38:11

Wisara-U si tou, ‘Eteindi passaranne. Arie i'o lumewessa! Ete isindi manga tahal᷊oangnga apan matohassa ṛinone mattaalla.’

DARALO 104:7

Sutempo I'o namuṛṛeangnga, ua'e udde nangelekka, nangelekka ringannu masassaga ana waugu rallu'u tingik-Ku.

DARALO 106:9

Wuassu parenta-Ne Tahal᷊oangngu Gelagah namara, i Tou nangapiddu al᷊aṛṛanang-Nge niumamatta su tahal᷊oangnga, ere u'amatta su wadda'a.

DARALO 114:3

Tahal᷊oangngu Gelagah naasilo si Tou ana see tinumal᷊angnga, Sal᷊ukku Yordan nattaalla mangngelekka.

DARALO 114:5

Pia apa, ei tahal᷊oanga, na'oman sara i'o tinumal᷊anga, wuṛṛu Sal᷊ukku Yordan nattaalla nangelekka?

DARALO 18:16

Wantan tahal᷊oangnga niasingkatanna wuṛṛu rapappaku runia nawu'a sutempo Mawu nandona seen-Ne ringannu nasa'u.

DARALO 74:15

I'o napa'elekku al᷊imatan kua'e wuṛṛu sal᷊ukka; sal᷊ukka apan wahewalla niapamara-Nu.

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.

YESAYA 42:15

Wowone wuṛṛu wuidda sarun Ta'u olaanna lol᷊okka, anambon sasuanne Ta'u iapatolangnga. Manga wawal᷊annu sal᷊ukka Ta'u wal᷊uanna mabbal᷊i wadda'u anne, anambon dano Ta'u olaanna mamara.

YESAYA 44:27

Ete i Ya'u nabbisara su wantan tahal᷊oangnga: Asahatte! Ya'u maapulu mapaamara manga sal᷊ukki yamiu.

YESAYA 51:10

I'o lai apan napaamaran tahal᷊oangnga, ua'en laudda apan mal᷊al᷊umma. I'o na'ola'a lal᷊anna malliu ua'e udde, tadea'u manga taumata apan iapasal᷊amatta wotongnge tumumbe.

YEHEZKIEL 30:12

I Ya'u sarun mapaamaran Sal᷊ukku Nil wuṛṛu manantillu ahewallu Mesir su manga taumata lal᷊eo. Manga taumata raho sarun Ta'u irolokka iapaṛṛimunsa'a wanua udde. I Ya'u, Mawu, buatte nabbisara.”

YEHEZKIEL 38:20

Anambon inassa wuṛṛu manu'u winalanganna, anambon binatangnga wahewalla wuṛṛu maradio'a, wuṛṛu anambon taumata su runia sarun mangngindon atata'utta sumaruanna si Ya'u. Manga wowone sarun matannekka, manga rampissa sarun moṛṛotta wuṛṛu anambon darandungnga sarun maṛṛa'a.

AMOS 1:2

Eteindi apan niapasingkatti Amos, “Mawu mangngintul᷊i wuassu Wuiddu Sion, tingik-Ke maddallu'a wuassu Yerusalem. Manga wadda'u nannal᷊o nabbal᷊i lol᷊okka, nannal᷊o su Wowon Karmel naṛṛangu naṛṛagassa.”

AMOS 5:8

Ete Mawu apan na'ola'a manga anumpitanna su winalanganna – anumpitanna Belantik wuṛṛu anumpitanna Kartika. I Tou namal᷊u ararandumma nabbal᷊i asasemakka wuṛṛu allo nabbal᷊i ṛabbi; ua'e wuassu tahal᷊oangnga nilal᷊in-Ne su ammaranne. Apan na'ola'a sarangkanambone udde aran-Ne eteudde Mawu.

MATIUS 8:26

“Anio i yamiu matta'utta?” unnu Mawu Yesus. “Pangangimanni yamiu si Ya'u mattul᷊ungnga!” Wua' udde Mawu Yesus dirumarisikka wuṛṛu nandona anginna wuṛṛu rano udde. See rano udde nabbal᷊ite nal᷊enakka atonna.

YOSUA 3:16

orassa udde lai ua'en sal᷊ukka nattaalla. Marau su ul᷊un sal᷊ukka, ua'ene uaammula su Adam, sambau soa apan addone su sambaan soa Sartan. Ua'e su wageangngu enggesanne apan mangngelekka watukku tahal᷊oangnga Nate tate mangngelekka, na'oman sara ṛuangannu Israel wotongngete ma'aamatta su leta'a mamara uasaruanna soan Yerikho. Manga imam apan uapasanna Wantalu Pa'aire udde sidutu uarisikka su pattangngannu sal᷊ukka na'oman sara ṛuangannu Israel naal᷊ewesse abbi su samba'a.