NAHUM 1:2 - WUKE SUSI WATTI'U AL᷊AL᷊USASSA

² Mawu Ruata maddiri uatahuanna ro'appa, taumata apan lumawangnga si Tou, sarun maasomba ṛuumanna. Ringannu tumaniten nasa'u, i Tou nabbal᷊issa al᷊al᷊eon naungnga si mangitou.

NAHUM 1:2 Iomraidhean Croise

AYUB 20:23

Sutempo i tou uasasaṛṛawutta maloṛṛo tianne, Ruata nabbal᷊i nasa'u wuṛṛu nakkuumanne.

DARALO 94:1

Oh Ruata, ete I'o Ruata apan mabbal᷊issa, pal᷊iatta'e wawal᷊in-Nu, oh Mawu.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

SASABANGNGA 34:7

I Ya'u sidutu mandangngu papapulunna su ṛiwune wuṛṛu mangngampungnga passal᷊a wuṛṛu rosa; arawe taumata nassal᷊a mangke tawe Ta'u ipallossa wuassu ṛuumanne, wuṛṛu Ta'u iṛṛuumanna lai manga anangnge wuṛṛu manga pulunne ma'oman sara papapulunne atallun ṛawanne wuṛṛu aiappanne ana waugu paddarosan hagurangnge”.

YESAYA 42:13

Mawu inaite mapapangalo naal᷊ihidda sangkatou waṛṛanine, naal᷊ihidda sangkatou tantara apan apulune mapapangalo. I Tou nanggoressan aintul᷊in pangalo, wuṛṛu namasil᷊o awawaṛṛani-Ne su saruannu seetta.

YESAYA 51:17

Pabbangunte, ei Yerusalem, pabbangunte! Ṛuumanna apan niema'u Mawu ana waugu asasa'u-Ne buatte niamannu na'oman sara nasue.

YESAYA 51:20

Suapan pentakku lal᷊anna manga taumatanu nal᷊iundu'a niasueannu ikkatta ere rusa apan nul᷊ussa su pu'itta. I mangitou naṛṛiaannu asasa'u Mawu, wuṛṛu naṛṛinoannu lal᷊imbuakku Ruatanu.

YESAYA 66:15

Atonna, Mawu sarun dumanta ringannu putungnga; i Tou sarun suma'e kereta-Ne naal᷊ihidda anginna al᷊isusu, tadea'u mapasabbangngu asasa'u-Ne, wuṛṛu mammuṛṛeangnga ringannu ma'ikkatta.

YEREMIA 25:15

Mawu, Ruatan Israel, nabbisara si ya'u, “Panganute halasin anggore indi apan buatte nilloṛṛoannu anggoru asasa'u-U. Apira'e su al᷊awo'u walahanna watukkuapa i'o Ta'u irolokka, wuṛṛu i mangitou doloṛṛa'e painuma'a anggore indi.

YEREMIA 28:8

Manga nabi sutempo i ite taambe buatte namani'atta manungku pangalo, asasilaka, see al᷊aṛṛusa'itta sarun maṛṛia'a su anambon balahanna wuṛṛu araratuanna apan mangkatohassa.

YEREMIA 3:5

I'o nabbisara lai manungku i Ya'u tawe sidutu massa'u si'o. Eteudde apan niwisaranu, ei Israel, arawe tantal᷊anna udde i'o ma'ola'a al᷊awo'u al᷊al᷊eo apan botongnge olaannu.”

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 4:4

Agasse pa'airenu si Ya'u, Mawunu, wuṛṛu ṛaea'e watangannu tumba'u huna-U, ei tumana'u Yehuda wuṛṛu Yerusalem. Amungkangngu tawe, ne asasa'u-U sarun ṛumopa wuṛṛu manoṛṛobba ere putungnga apan tawe iapaddummu isai-sai. Sarangkanambone udde sarun maṛṛia'a su watangannu ana waugu manga inolaannu apan dal᷊eo.”

YEREMIA 50:15

Intul᷊ia'e hahoressan pangalo pamal᷊iwuta'a soa udde! Orassa indi Babel nawaddote. Manga darandungnge buatte nihohakka wuṛṛu naṛṛaate. I Ya'u tantal᷊anna mabbal᷊issa Babel. Ana waugu udde sansaraite i mangitou ere lai i mangitou mannansara taumata waine.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEHEZKIEL 38:18

Mawu Apan Atanggaṛṛanne nabbisara, “Arawe tawe nal᷊annu napawe i Gog buatte namangalo Israel, i Ya'u sarun manndona.

YEHEZKIEL 38:19

Wuṛṛu ringannu tumaniten nasa'u i Ya'u sarun mamansaga, manungku su allo udde pia linukka apan bahewalla su wanua Israel.

YEHEZKIEL 39:25

Mawu Apan Atanggaṛṛanne nabbisara, “Arawe orassa indi i Ya'u sarun umakkannu umattu Israel papapulunni Yakub, wuṛṛu ma'ola'a si mangitou su lal᷊umanna'a apia. Ringannu aroddi i Ya'u uariaga tadea'u arang-Ku sidutu aadatanna.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.

YEHEZKIEL 6:12

I mangitou sarangkanambone sarun maapendamma asasa'u-U somopa. Manga taumata apan marau su pamuanganna sarun rumada'a lapiddu nate; iapa marani sarun nate sulal᷊ummu pangalo, wuṛṛu lambene sarun nate amal᷊unusanna.

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YOEL 2:18

Wua'udde Mawu nanutukka letang-Nge, wuṛṛu niumakkannu uman-Ne.

IMAMATTA 26:28

wuṛṛu ringannu massa'u i Ya'u sarun manggesekka si yamiu, wuṛṛu makkuumanni yamiu paapitu mabbakatanna wuassu ṛuumanna nanangkal᷊iu.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

ZAKARIA 1:14

wuṛṛu mala'ekatta udde nandolo'u mamasingkattu apa apan niwisaran Mawu Apan Lembontaṛṛino, “I Ya'u lembon mandangngu wuṛṛu ma'ellega soa Yerusalem, soa apan susi.

ZAKARIA 8:2

“I Ya'u mangke mappulu atonna mantul᷊ungngu Yerusalem ana waugu i Ya'u lembon u'akkannu tumanangnge, wuṛṛu ana waugu darangngu-Ku udde, naung-Ku mal᷊oso su manga seettu soa udde.

REENGANNA 25:11

“I Pinehas ana'i Eleazar, pulunni Imam Harun, ringannu waṛṛani mannahek-Ku arangku su pattangngannu taumatan Israel, na'oman sara asasau'u-U nompo'a wuṛṛu i Ya'u tate lai mamate walahanna udde.

ROMA 12:19

Manga tuṛṛangku! Arie saran paassa i'o mangune, wala'e Ruata maṛṛuumanna. Ana waugu sulal᷊ummu Wuke Susi uawoṛṛetta, “Ete i Ya'u apan mabbal᷊issa, i Ya'u sarun maṛṛuumanna, unnu wisaran Mawu.”

ROMA 13:4

Ana waugu tembonanne udde, allangngu Ruata apan mammanara hunane ipadde'a apapianu. Arawe amungkangngu i'o ma'ola'a al᷊al᷊eo, i'o ṛinone mata'utti tou, ana waugu wal᷊inewe tawe mangal᷊ene i tou maṛṛuumannu taumata. Ete i tou allangngu Ruata, apan mangngonggolu ṛuumannu Ruata su manga taumata apan ma'ola'a al᷊al᷊eo.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

TAHIUL᷊E 7:10

Arawe ringannu tawe humago'a i Tou makkuumanni mangitou apan maddantinni Tou.

IBRANI 10:30

I ite masingkata isai Tou apan nabbisara, “I Ya'u sarun mabbal᷊issa! I Ya'u sarun makkuumanna!” wuṛṛu lai nabbisara, “Mawu sarun makkuungngu al᷊aṛṛanang-Nge.”

YOSUA 24:19

Ana see i Yosua nabbisara, “Arawe i yamiu asinungka tawe maataṛangnga massubba Mawu, ana waugu ete i Tou Mawu Ruata apan na'ukkassa, Apan Tinggassa. I Tou madiri pia do'appa. Amungkangngu i yamiu manantangngi Tou wuṛṛu mattaṛṛamawu manga Mawu waine, i Tou tawe mangampungnga rosanu. Arawe mawal᷊elongnga i Tou sarun lumawanna wuṛṛu maṛṛuumanni yamiu, salaiwe paarorone i Tou marangngu si yamiu.”

2 PETRUS 2:9

Nariaddi, Mawu masingkatta ereapa manal᷊amatta manga taumata tuttuṛṛuta apulu-Ne su tempo i mangitou uasaruanna manga wawono'a. Wuṛṛu Mawu masingkata ereapa manahipunna manga taumata lal᷊eo udde sansaranna su Allo Pamarikisanna,