NAHUM 1:15 - WUKE SUSI WATTI'U AL᷊AL᷊USASSA

¹⁵ Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

NAHUM 1:15 Iomraidhean Croise

DARALO 107:15

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

DARALO 107:8

Ṛinone i mangitou maadiangkamanna su Mawu ana waugu darangngu-Ne, ana waugu manga manara-Ne apan maatiangnga taumata.

YESAYA 41:27

Ya'u, Mawu, apan paarorone namasingkatta su Sion; i Ya'u napaapiddu mangangapiddu watti'u al᷊al᷊uassa su Yerusalem.

YESAYA 42:11

Ṛinone wadda'u anne wuṛṛu manga soane maddalo Mawu, mappianne tumana'u Kedar maddalo si Tou! Ṛinone tumana'u soa Sela umui lullala'a, wuṛṛu mangngintul᷊i wuassu puiddu wowone!

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

YESAYA 52:7

Al᷊uassawe eteapa maasilo darantan daroloṛṛanna; i tou u'amatta malliu panenteanna wuṛṛu uaapiddu watti'a mapia, watti'u al᷊al᷊uassa, watti'u asasal᷊amatta su Sion; wisarane, “Ruatanu Ratu!”

YOEL 3:17

“Ei Israel, orassa indi i yamiu massingatte, manungku ete i Ya'u Mawu Ruatanu. I Ya'u uatana'a su Sion, wowone-U apan susi. Ne Yerusalem lai sarun maola'a soa apan susi, taumata raho tate maasutta isudde apia.

IMAMATTA 23:2

manga atoranna su ola'u ramean agama, apan ṛinone iapasingkatta maola'a allo wahewa ipattaṛṛamaawu.

IMAMATTA 23:4

Eteindi manga allo wahewalla apan nitantunnu Mawu wuṛṛu ṛinone ial᷊iata su tempo apan buatte nitantunna.

NAHUM 1:14

Eteindi inappuannu Mawu su ola'u walahannu Asyur, “I mangitou tate maasomba pallaṛṛite ipanassu walahanne. Manga paal᷊uanna sassubbanna apan sulal᷊ummu manga kuillu monganne, sarun Ta'u ṛimunsaanna. Pallabbingannu walahannu Asyur tantal᷊anna Ta'u sassaddianna, ana waugu i mangitou tawe ṛinone wiakka!”

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

WATTI'U MANGA RASUL 10:36

Manga tuṛṛangnga masingkate lal᷊oṛṛon watti'a apan niapaasingkattu Ruata su walahannu Israel. Eteudde Watti'u Al᷊al᷊uassa su ola'u padarame sulal᷊ummu Mawu Yesus Kristus, eteudde Mawun anambon taumata.

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”