NAHUM 1:12 - WUKE SUSI WATTI'U AL᷊AL᷊USASSA

¹² Ne unnu Mawu su Israel, uman-Ne, “Salaiwe manga taumatan Asyur udde matohassa see manambo reenganne, arawe i mangitou sarun ṛimunsaanna see mawul᷊i. Ei walahang-Ku, i Ya'u buatte na'ola'a si yamiu uatataṛṛangnga, arawe i Ya'u tate ma'ola'a apia.

NAHUM 1:12 Iomraidhean Croise

2 MARARATU 19:35

Ṛabbi udde lai Mala'ekattu Mawu nirumanta su paddasanannu taumatan Asyur, wuṛṛu namate 185.000 su atoune tantara. Tiṛabbine marua allo maṛṛanggapa winal᷊unanni mangitou pasi tal᷊eṛongke.

2 MARARATU 19:37

Su allo sambau, sutempo i tou tantal᷊anna mattaṛṛamawu sulal᷊ummu wal᷊en Monganna Nisrokh, i tou nipaten hal᷊elen Adramelekh wuṛṛu Sarezer, manga umbasanne. Wua'udde i mangitou tinumal᷊angke watukku wanua Ararat. Ne i Esarhadon, parinsine waine naola'a ratu nallol᷊ossa si tou.

SASABANGNGA 12:12

Su tempo ṛabbi Ya'u sarun mamal᷊intaddu ahewallu leta'u Mesir, wuṛṛu mamate suapan ana'a esakka pahul᷊une, mawae ete taumata aroddi lai winatangnga. I Ya'u ṛinone makkuumannu anambon mawu su Mesir, ana waugu ete i Ya'u Mawu.

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YESAYA 17:14

Sutempo wawallo i mangitou mandantan atata'utta apan masaddatta, arawe napawe marua allote i mangitou nawul᷊ite. Eteudde pal᷊addu taumata apan maṛṛampassa si ite.

YESAYA 30:19

Ei i yamiu apan uatana'a su Yerusalem, i yamiu tawe sidutu mangke lulluai. Mawu pia aakkanna, wuṛṛu ringannu mal᷊ihakka sumimbakka si yamiu amungkangngu sumal᷊ande maddorongnga tul᷊unganna si Tou.

YESAYA 31:8

Asyur sarun ṛaddaanna sulal᷊ummu pangalo, arawe wal᷊ine ringannu auatannu taumata. Taumatan Asyur sarun tumal᷊angnga wuassu papangaloanna, wuṛṛu manga umbasanni mangitou sarun olaanna allangnga.

YESAYA 37:36

Ṛabbi udde lai mala'ekattu Mawu nirumanta su paddasanannu taumatan Asyur wuṛṛu namate 185.000 su atoune tantara. Tiṛṛabbine marua allo manga winal᷊unanni mangitou uatal᷊eṛṛonga.

YESAYA 51:22

Etearendi wisara Mawunu, Mawu Ruatanu apan nanamba'a si yamiu, “Asasusa apan Ta'u nionggolla sulal᷊ummu asasa'u-U, sarun Ta'u ul᷊eanna apia wuassi'o. Asasa'u-Ku sarun mompo'a, wuṛṛu i yamiu tate lai mamasanna udde.

YESAYA 7:20

Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

YESAYA 8:8

I mangitou sarun mangelekka su Yehuda ere manawangnga atanggakke sara ullekka manggal᷊amon kal᷊awo'a.” Ruata uarundinganna si ite! Papaid-De apan uasiappakka uatillumma wanuan kite.

DANIEL 11:10

Ana see manga umasannu ratun banua sawannakka sarun mandiahite inai mapapangalo wuṛṛu mangammullu tantara apan wahewalla. Sangkatou suwallatti mangitou sarun inai mamangalo ere manawangnga.

YOEL 2:19

I tou sinumimbakka si mangitou arendi, “Orassa indi i yamiu sarangkanambone Ta'u onggol᷊annu: gandumma, anggore wuṛṛu lanan zaitun maola'a wiakki yamiu, tadea'u i yamiu sarangkanambone iapaal᷊aidda. I Ya'u tawe mamalan kamiu lallobbosanna ara'e ilallaggen manga walahanna.

NAHUM 1:15

Pa'ellege, sangkatou daroloṛṛanna nirumanta niumamattu manga wowone, uaapiddu watti'u al᷊al᷊uassa, watti'u auntunganna. Ei walahannu Yehuda, laghua'e allo wahewanu wuṛṛu waeṛṛete paairenu su Ruata. Wanuanu tate lai allangannu taumata lal᷊eo. I mangitou mangke niṛṛimunsa'a na'oman sara nasue.

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,