MIKHA 7:9 - WUKE SUSI WATTI'U AL᷊AL᷊USASSA

⁹ I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.

MIKHA 7:9 Iomraidhean Croise

2 SAMUEL 24:17

I Daud naasilo mala'ekatta apan tantal᷊anna mammate tumanangnge udde, ana see i tou nabbisara Mawu, “Ete i ya'u apan marosa ana waugu i ya'u apan na'ola'a pasasal᷊a udde. Arawe apate pasasal᷊an walahanna nasusa udde? Ṛuumana'e i ya'u wuṛṛu amonangku!”

AYUB 23:10

Arawe i Tou masingkattu anambon dal᷊angku wuṛṛu suapan lempangku. Amungkangngu ere wul᷊awanna i ya'u iannamma, sarun asingkattanna manungku naungku waresi.

AYUB 35:14

Ayub, nangillembote lai amungkangngu i'o mabbisara manungku tawe naasilo si Tou, manungku hattonu uddete su saruan-Ne wuṛṛu i'o uaṛṛaddo si Tou!

DARALO 119:154

Sambaaite hatto'u wuṛṛu pallosa'e i ya'u; sal᷊amatewe i ya'u ere buatte nipa'ire-Nu.

DARALO 37:6

I Tou sarun mapal᷊iatta'u tatuṛṛunnu ere asasemakka, wuṛṛu pallal᷊agunu ere allo.

DARALO 43:1

Onggol᷊eten atatul᷊idda si ya'u, oh Ruata, sambaaite i ya'u su saruannu walahanna apan dal᷊eo. Liuaawe i ya'u wuassu taumata lal᷊eo wuṛṛu taṛṛa wahia.

DARALO 7:6

wala'ewe i ya'u enggenanna wuṛṛu sametannu seetta, ana see pateanna wuṛṛu itantangnga su leta'a.

DARALO 94:15

Ne tita sarun iapaamatta apia su pallaṛṛuungnga, anambon taumata matul᷊idda sarun maapulun tita udde.

YESAYA 42:16

Pabbawala-U apan buta sarun Ta'u ehetanna umamattu lal᷊anna apan awagananni mangitou; I mangitou sarun Ta'u ipiaṛṛa'a su manga lal᷊anna apan awagananni mangitou. Ararandumma Ta'u olaanna semakka si mangitou, wuṛṛu lal᷊anna natatal᷊attada Ta'u iratakka. Eteudde apan Ta'u olaanna si mangitou, wuṛṛu sarun Ta'u manaranna.

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YESAYA 46:13

I Ya'u sarun maranin allon pamallosanna asasal᷊amatta apan i Ya'u ionggolla tate lai masoṛṛotta. I Ya'u sarun manal᷊amatta Yerusalem, wuṛṛu mangonggollu awawantuga su Israel.”

YESAYA 51:22

Etearendi wisara Mawunu, Mawu Ruatanu apan nanamba'a si yamiu, “Asasusa apan Ta'u nionggolla sulal᷊ummu asasa'u-U, sarun Ta'u ul᷊eanna apia wuassi'o. Asasa'u-Ku sarun mompo'a, wuṛṛu i yamiu tate lai mamasanna udde.

YESAYA 56:1

Mawu nabbisara su uman-Ne, “Pa'ola'e atatul᷊idda wuṛṛu apan uasul᷊ungngu tita-U. Ana waugu tal᷊ang kadio'a lai Ya'u rumanta manal᷊amatta si yamiu wuṛṛu atatul᷊i-U iapal᷊iatta'a.

YEREMIA 10:19

Tumana'u Yerusalem mangngintul᷊i, “I yami nal᷊essa wahewalla wuṛṛu tate mapia. Dorone i yami massunna manungku asasusa indi wotongnge i yami maapasanna, wutte'e tawe.

YEREMIA 14:7

Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

YEREMIA 51:10

Umattu Mawu nabbisara, “Mawu buatte napal᷊iatta'a manungku i ite su samba'a apan naṛṛino. Wette inaite watukku Yerusalem wuṛṛu mabbatti'a poiaroddi apa apan buatte niola'u Mawu Ruatang kite.”

LAL᷊ALLU 1:18

Arawe ete Mawu apan naṛṛino, ana waugu parenta-Ne ta'ute nil᷊awanganna. Daringiṛṛewe i ya'u, ei manga walahanna, ellehete i ya'u apan uatataṛṛangnga. Manga umbasanna wuṛṛu maṛṛuala'u niatawanna, wuṛṛu niapidda watukku pamuanganna.

IMAMATTA 26:41

na'oman sara i Ya'u lumawanga si mangitou wuṛṛu mallimbuakka si mangitou watukku pamuanganna su wanuan manga seetti mangitou. Panginsueanne, amungkangngu papapulunnu niawadote wuṛṛu buatte napaamattu ṛuumanna ana waugu rosan wuṛṛu lal᷊awangi mangitou,

MALEAKHI 3:18

Uma-U sarun maasilo apia ereapa paṛṛalane pal᷊addu taumata mapia wuṛṛu taumata lal᷊eo, suwallattu taumata apan mattaṛṛamawu si Ya'u wuṛṛu tawe.”

1 KORINTUS 4:5

Ana waugu udde, amungkangu taambe tempone, arie i yamiu mal᷊iha-l᷊ihakka manantunna manungku sangkatou nassal᷊a ara'e tawe. Paṛṛadote Ruata rumanta. Ete i Tou sarun mamu'a al᷊awo'u addapingnga apan uawuni sulal᷊ummu ararandumma. Ete i Tou apan mamongkakku anambon pandumanna apan uawuni sulal᷊ummu naungngu taumata. Su tempo udde suapan taumata wakkute udde maasengkamma daralo wuassu Ruata apan wotongnge sengkamanni tou.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

1 SAMUEL 24:15

Pa'ellege allangngu indi apan sarun pateannu ratun Israel! Pa'ellege allangngu indi apan sidutu a'enggenanne! Allangngu tumba'u sambau asu apan nate, tumba'u ere utu.

1 SAMUEL 25:39

Sutempo i Daud naaringikka manungku i Nabal natete, i tou nabbisarate, “Dalo su Mawu! I Tou buatte nabbal᷊issa aal᷊uandaga apan buatte niola'i Nabal si ya'u, wuṛṛu buatte namo'a allangngu indi ma'ola'a al᷊al᷊eo. Mawu buatte nakkuumanni Nabal ana waugu al᷊al᷊eone.” Wua'udde i Daud nandolokku daroloṛṛanna iapa'onokka si Abigail maola'a awingnge.

1 SAMUEL 26:10

Sulal᷊ummu arannu Mawu apan biakka, ya'u masingkatta manungku Mawu sassane apan sarun mamate si Saul, napawe papatene nia'omante, ara'e i tou mate sulal᷊ummu pangalo.

1 SAMUEL 3:18

Ana see i Samuel namasingkattu sarangkanambone udde si Eli. Tawe saran sambau apan niadappingnge. Wua'udde nabbisarate i Eli, “I Tou Mawu, walate i Tou ma'ola'a tumuṛṛuttu apulu-Ne udde mapia.”