MIKHA 7:8 - WUKE SUSI WATTI'U AL᷊AL᷊USASSA

⁸ Tawe pinangiananne su manga seetti ite lumuassu asasuasan kite. Ana waugu salaiwe i ite nanawo, i ite sarun mabbangunna apia. Orassa indi uatana'a sulal᷊ummu ararandumma, arawe Mawu sarun manualaga si ite.

MIKHA 7:8 Iomraidhean Croise

AYUB 31:29

Taambe saran paassa i ya'u lulluassa ana waugu see'u uatataṛṛangnga, ara'e lullala'a ana waugu i tou naasomba asasilaka.

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

DARALO 143:3

See'u buatte nangenggenna si ya'u wuṛṛu namaddo'u, wuṛṛu nantaṛṛo'u sulal᷊ummu tattupanna apan marandumma; i ya'u nabbal᷊i ere taumata apan mal᷊annute nate.

DARALO 20:8

Pia taumata mangngasakku keretan pangalone, piaddu lai mangngasakku kudane. Arawe i ite mangngasakku taṛṛinon Mawu, Ruatan kite.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

DARALO 35:19

Ariewe pabbala'a i ya'u nannalangannu taumata masseetta si ya'u ringannu tawe pangiananne. Ariewe pabbala'a i ya'u ipallal᷊age taumata apan maddantingku ringannu tawe pangiananne.

DARALO 37:21

Taumata lal᷊eo mabballasa arawe tawe mamelengnga, arawe taumata mapia mangonggolu ringannu naungnga mal᷊uassa.

DARALO 37:24

Napawe manawo, i tou sarun tawe mal᷊essa wahewalla, ana waugu Mawu ua'ehetta limane.

DARALO 38:16

Arawe i ya'u uaantimma Si'o, oh Mawu, wuṛṛu I'o, Mawu Ruata'u, sinumimbakka si ya'u.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 97:11

Semakka nilumapputte su taumata apan naungnge matul᷊idda, wuṛṛu lal᷊uassa su taumata apan mabbiakka su ṛinone.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

YESAYA 49:9

Taumata apan nitaṛṛo su tattupanna Ta'u iapasabbanga; apan su tampa marandumma Ta'u iapidda su asasemakka. Ewe'e lai wuidda apan lol᷊okka i mangitou tawe atalanne, su al᷊o'engngu lal᷊anna nasaddiate anna.

YESAYA 50:10

Ei i yamiu apan mangngaddatta Mawu, wuṛṛu maddaringikka wisaran allang-Nge, lal᷊anna apan amatanni yamiu asinungka marandumma, wuṛṛu tawe semakka apan mannemakka si yamiu; arawe pangimante Mawu; pangunsandakke su Ruatanu.

YESAYA 9:2

Mawu, I'o nangonggolla si mangitou al᷊al᷊uassa apan bahewalla, I'o na'ola'a si mangitou huggio. I mangitou lullala'a ana waugu apapia-Nu, naal᷊ihidda taumata apan lulluassa sutempo mangitingnga, ara'e mattahia ul᷊e niaaṛṛo.

YEREMIA 48:27

Wal᷊inewe dorone taumatan Israel buatte nilaggen taumata Moab wuṛṛu ipaggahatto ereola'u i mangitou niasametta suadio'a ringannu manga taṛṛa ta'o?

YEREMIA 50:11

Mawu nabbisara, “Ei taumatan Babel, i yamiu mangngaṛṛo uma-U. I yamiu sussolo'u al᷊al᷊uassa ere awal᷊o manuntingi, wuṛṛu ere sapi apan tantal᷊anna u'anna.

YEREMIA 8:4

Mawu nandolo'u niapawisara arendi su uman-Ne, “Amungkangngu taumata manawo, i tou sarun mabbanguna apia, wuṛṛu amungkangngu taumata nilamammiṛṛanne su lal᷊anna, i tou sarun mabbelengnga apia.

YEHEZKIEL 25:6

Mawu Apan Atanggaṛṛanne nabbisara, “i yamiu mattal᷊o'appa lapiddu massal᷊aingnga lulluassa. I yamiu mangngadio'a leta'u Israel.

YEHEZKIEL 35:15

ere lai i yamiu mal᷊uassa sutempo maasilo Israel passa'a-U, nabbal᷊i mal᷊annabba. Manga wowon Seir, ewe'e lai ahewallu leta'u Edom sarun mabbal᷊i mal᷊annabba. Ne anambon taumata sarun maasingkatta manungku ete i Ya'u Mawu.’ ”

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

OBAJA 1:12

Tawe su lal᷊anne i'o lumuassu asasusan Yehuda wuṛṛu lumala'a su allo tuṛṛangngu udde nate. Tawe su ṛinone i'o mattal᷊imoṛṛonganna sutempo i tou massussa.

MIKHA 4:10

Ei tumanana'u Yerusalem, paggaṛṛuannate wuṛṛu sasal᷊iomante ere wawine apan tantal᷊anna mangngunsiwe! Ana waugu, orassa indi i yamiu ṛinone manantangngu soa wuṛṛu matana'a su wadda'a. I yamiu ṛinone inai watukku Babel, arawe poiaroddi Mawu sarun mamallossi yamiu wuasu manga seenu.

MIKHA 7:10

Dorone seetta mallobbossa si ite ringannu mabbisara, “Suapate Mawu, Ruatanu udde?” Arawe orassa indi i mangitou sarun maasilo apa apan niola'u Mawu si ite, wuṛṛu i mangitou sarun masili. I ite sarun mabbiala manga seetti ite niwaddo wuṛṛu mangke laṛṛindanna ere labbo su lal᷊anna.

ZAKARIA 12:8

Su allo udde i Ya'u sarun mallu'adda tumana'u Yerusalem; wuṛṛu iapa al᷊omeanne lai suwallatti mangitou sarun maola'a ere atohassi Daud. I mangitou sarun ehetannu papapulunni Daud ere lai mala'eka-U, ewe'e lai ere i Ya'u sassane.

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

MATIUS 4:16

Walahanna apan mabbiakka sulal᷊ummu ararandumma, suete naasilo asasemakka! Su manga taumata apan uatana'a su wanuan ararandummu papate nisabanganten asasemakka!”

YOHANES 16:20

Pangimante, i yamiu sarun lumuai wuṛṛu sumangitta, arawe runia sarun lumuassa. Naungngi yamiu sarun masusa, arawe asasusanu udde sarun mawal᷊u maola'a al᷊al᷊uassa.

YOHANES 8:12

Mawu Yesus nabbisara apia su taumata nambo udde, wisara-Ne, “Ete i Ya'u asasemakku runia. Taumata apan tumantalongnga si Ya'u tawe umamatta su ararandumma, arawe maatahuanna asasemakku pabbiaṛṛanna.”

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

2 KORINTUS 4:6

Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

2 KORINTUS 4:9

Manambo apan uasaseetti yami, arawe tawe saran paassa i yami uatana'a sassane. Wuṛṛu salaiwe masokka i yami puul᷊anna ma'oman sara manawo, arawe i yami tawe mate.

SONDAPPA 21:23

Soa udde tate mappandumma semakku matannallo ara'e semakku wul᷊anna, ana waugu awawantugu Ruata mananemakke, wuṛṛu eteudde Ana'u Domba sol᷊one.

SONDAPPA 22:5

I mangitou tate mappandumma sol᷊o ara'e semakku matannallo, ana waugu tate ṛabbi lai, wuṛṛu Mawu Ruata sassane sarun manemakka si mangitou. Ne i mangitou sarun mamarenta ere sangkatou ratu saran mal᷊annu-l᷊annu.