MIKHA 7:7 - WUKE SUSI WATTI'U AL᷊AL᷊USASSA

⁷ Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

MIKHA 7:7 Iomraidhean Croise

PANDARIADDI 49:18

Oh Mawu, asasal᷊amatta apan buatte nianggola, ete udde ta'u raṛṛaddoanna.

DARALO 109:4

I mangitou mangngasilla si ya'u, salaiwe i ya'u marangngu si mangitou, wuṛṛu buatte niumal᷊iomanni mangitou.

DARALO 130:5

I ya'u uaṛṛaddo sasumbalan Mawu, paaire-Ne ta'u aantimanna.

DARALO 25:5

Aṛṛa'e wuṛṛu tantiroiwe i ya'u su ipabbiakka tuttuṛuṛutta apulu-Nu, ana waugu ete I'o Ruata apan nanal᷊amatta si ya'u, i ya'u sidutu uaantimma Si'o.

DARALO 37:7

Ṛaddoite Mawu ringannu naungnga matammuda, ṛaddoite ringannu asasabare ma'oman sara i Tou mammanara. Arie suminggawanga su taumata apan napantaingu wiakke, ara'e iapa manarane mammahia.

DARALO 38:15

Atonna, i ya'u naal᷊ihidda taumata tawe maaringikka, wuṛṛu ana waugu udde tawe sumongga.

DARALO 50:15

Salandete si Ya'u sutempon asasusa, i Ya'u sarun mamallossi yamiu, wuṛṛu i yamiu sarun maddalo si Ya'u.”

DARALO 65:2

Ṛinone i yami maddalo Si'o su Sion, oh Ruata, wuṛṛu manipussa paairen kami Si'o.

DARALO 85:5

Pawelenga'awe i yami, oh Ruata mananal᷊amatti yami, ariete masa'u apia si yami.

YESAYA 12:2

Atonna, Ruata udde Mananal᷊ama'u, i Ya'u mangngimanna si Tou. I Ya'u tawe mata'utta, ana waugu i Tou mannohassa si ya'u. Mananal᷊ama'u uddewe Ruata, ete si tou i ya'u mangngantari.

YESAYA 17:7

Su allo udde taumata sarun maiontolla apia su Mandariaddine, Ruata susin Israel.

YESAYA 25:9

Sutempo udde taumata sarun mabbisara, “Mangke atonna, ete i Tou Ruatan kite; ete i Tou apan raṛṛaddoanni ite tadea'u i ite masal᷊amatta. Atonna, eteindi Mawu; ete i Tou apan raṛṛaddoanna. Orassa indi i ite lumala'en lal᷊uassa, ana waugu i Tou buatte nanal᷊amatta si ite.”

YESAYA 45:22

Ei, anambon tumana'u runia, pabbelengke ringang-Ku tadea'u i yamiu iapaasal᷊amatta, ana waugu tumba'u i Ya'u Ruata, tawe baine!

YESAYA 8:17

Mawu buatte namunin batangan-Ne wuassu pallaṛṛiten Yakub, uman-Ne, arawe i ya'u mangngimanna wuṛṛu uaantimma si Tou.

LAL᷊ALLU 3:24

Mawu uddewe darotongku tutune. Ana waugu udde, i ya'u uaantimma si Tou.

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

YOEL 1:19

I ya'u ma'iontolla Si'o, oh Mawu ana waugu manga wadda'u nannal᷊o mangke naṛṛangu mamara manga aluanna lai naṛṛangu wuṛṛu nate naal᷊ihidda ere nisoṛṛobbu putungnga.

HABAKUK 2:1

I ya'u mappulu umawitta su candi pandiagangku, wuṛṛu maṛṛaddo apa apan sarun iwal᷊on Mawu si ya'u, wuṛṛu ereapa sasimbakku Mawu su sal᷊ande'u.

HABAKUK 2:3

Woṛṛeta'e udde ana waugu orassa indi taambe tempone. Arawe tempone udde sarun dumanta, wuṛṛu apa apan Ta'u niapasingkatta si'o mariaddi. Salaiwe pemdamanna ta'e mal᷊annu, arawe paṛṛaddote! Tempo udde sarun dumanta wuṛṛu tawe iasoṛṛota.

REENGANNA 5:28

Arawe unnu wisara i tou tawe nassal᷊a, i tou tawe aṛṛinoannu wontoga wuṛṛu i tou ta'e wotongnge maasomba ana'a.