MIKHA 7:16 - WUKE SUSI WATTI'U AL᷊AL᷊USASSA

¹⁶ Manga walahanna sarun maasilo olangnge udde wuṛṛu mabbal᷊i masili ana waugu naatutukke manungku al᷊awo'u atatohassi mangitou mangke tawe apa-apa. I mangitou sarun awul᷊iannu ṛingidda ma'oman sara tawe maawisara ara'e maaringikka.

MIKHA 7:16 Iomraidhean Croise

AYUB 21:5

Pa'ellege si ya'u, ne i yamiu sarun tumiangnga, i yamiu mal᷊annabba wuṛṛu moṛṛongngu sasapinganna.

DARALO 126:2

I ite sidutu lullage wuṛṛu mangngantari lullala'a na'oman sara manga walahanna waine mabbisara, “Mawu buatte na'ola'a inolaanna apan wahewalla si mangitou!”

AMSAL 30:32

Amungkangngu ana waugu awawoddonu i'o ringannu matanggakka manggol᷊agu manga hatto lal᷊eo, paatehamma!

YESAYA 26:11

Mawu, I'o nasaddiate makkuumannu seen-Nu, arawe i mangitou waggate. Wala'ewe i mangitou masili maasilo darangngu-Nu su uman-Nu. Wala'ewe i mangitou masue maṛṛadda'a ringannu ṛuumanna apan buatte nisaddia-Nu si mangitou.

YESAYA 52:15

Arawe orassa indi manambo walahanna apan niolangnge tinumiangnga, manga ratu nimoune tinangngone. I mangitou sarun maasilo wuṛṛu maasunna, apan dorone awagananni mangitou.”

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

MIKHA 3:7

Manga taumata apan manni'attu allo addantane sarun masili ana waugu pani'anne nassal᷊a. I mangitou sarangkanambone sarun masili ana waugu Ruata tawe sinumimbakka si mangitou.

MIKHA 5:8

Israel sarun mamaddon manga seenne see makkimunsa'a si mangitou sarangkanambone.

HAGAI 2:22

manga araratuanna Ta'u iapaṛṛa'a wuṛṛu taṛṛinon mangitou Ta'u ṛinumsaanna. Manga karetan pangalo ringannu mangangapidde sarun Ta'u iwal᷊insuangnga; anambon awal᷊o sarun nate wuṛṛu manga sumasa'ene sarun mapapate.

ZAKARIA 12:9

Su allo udde i Ya'u sarun mamate suapan balahana apan maannamma mamangalo Yerusalem.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

SONDAPPA 11:18

Manga taumata apan tawe maaillal᷊a Mawu, mammangalo ana waugu temponete I'o mapaasabangu asasa'u-Nu, wuṛṛu temponete lai I'o mamarikissa manga taumata nate. Ete indi tempone ipangonggolu lal᷊antake su manga allang-Ngu, manga nabi, wuṛṛu su anambon pabbawala-Gu, eteudde anambon taumata apan mattaṛṛamawu Si'o, timmade ara'e dario'a Ete indi tempone ipaṛṛimunsa'a manga taumata apan naṛṛimunsa'a runia!”