MIKHA 7:14 - WUKE SUSI WATTI'U AL᷊AL᷊USASSA

¹⁴ Oh Mawu, lu'arawe uman-Nu, umatta nipile-Nu. I mangitou uatana'a marau su mahurangnge, su pattangngannu leta'a apan masuwukka. Wala'ewe i mangitou maasomba anna su wadda'u nannal᷊on Basan wuṛṛu su Gilead ere sutempo dorone.

MIKHA 7:14 Iomraidhean Croise

DARALO 100:3

Paanaungete manungku Mawu uddewe Ruata. I Tou nandiaddi si ite wuṛṛu i ite tatahuanan-Ne; i ite al᷊aṛanang-Nge, walahanna apan papadul᷊ianan-Ne.

DARALO 143:5

I ya'u mannaungnga manga allo apan nal᷊iu; i ya'u maṛṛingiddu al᷊awo'u inolaan-Nu, nanaungangku anambon manara-Nu.

DARALO 28:9

Sal᷊amatewe al᷊aṛṛanang-Ngu, oh Mawu, al᷊amatewe manga taumata pussaa-Nu. Pattingkaola'e ere sangkatou mallal᷊u'adda si mangitou, wuṛṛu riagaite i mangitou saran mal᷊annu-l᷊annu.

DARALO 95:7

Ana waugu ete i Tou Ruatan kite, i ite al᷊aṛṛana'a apan papadul᷊ianan-Ne, naal᷊ihidda domba lal᷊u'aran-Ne. Su allo indi paddaringikke ṛenggetan-Ne:

SASABANGNGA 33:16

Ereapa taumata sarun maasingkatta manungku I'o mal᷊uassa si ya'u wuṛṛu su walahanna indi amungkangngu I'o tawe mantul᷊ungngi yami? Darantan Mawu su pattangnganni yami sarun paṛṛalane si yami wuassu manga walahanna waine su runia.”

ANTARI MAWANTUGA 4:1

I'o maṛṛamaga atonna, arangnguangku, atonna, i'o tumaniten maṛṛamaga. Matanu sulal᷊ummu tatindungu naal᷊ihidda merpati; utangngu naal᷊ihidda ammul᷊annu ambinga apan lullintukka su manga wuiddu Gilead.

YESAYA 27:13

Sutempo udde sarun iapatuntingikka trompetta wahewalla ipamaggo apia anambon taumatan Israel apan niramme su Asyur wuṛṛu su Mesir. I mangitou sarun dumanta su Yerusalem massubba Mawu su wuid-De apan na'ukkassa.

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YESAYA 40:11

Naal᷊ihidda sangkatou mallal᷊u'adda winatangnga i Tou napaddul᷊i ammul᷊an-Ne; i Tou sassane nangammulli mangitou. Manga ana'u domba nisal᷊uru-Ne, ringannu masaṛṛionto'a i Tou mangngehetta manga inangngene.

YESAYA 49:10

I mangitou tawe marou ara'e amal᷊unusanna, wuṛṛu tawe aṛṛinoannu sal᷊ihangngu paddissa su wadda'u anne. Ana waugu i Ya'u, u'akkanni mangitou, sarun mangehetta si mangitou wuṛṛu mangapiddi mangitou watukku al᷊imatan kua'e.

YESAYA 65:10

Uma-U sarun massubba si Ya'u; domba wuṛṛu sapi mangitou sarun manioma su Leta'u Saron wuṛṛu su Wawal᷊annu Akhor.

YEREMIA 49:31

‘Otte inaite! Wette mamangalo manga taumata apan uapendamma mal᷊angnganna wuṛṛu matammudda udde. Soa mangitou tawe lal᷊indumme ana waugu tate ngaran pasallanganne wuṛṛu tate papal᷊ene.’ ”

LAL᷊ALLU 1:7

Napawe nanawote wuṛṛu nasansarate, Yerusalem nanaungnga tempo nanangkal᷊iu, sutempo i tou ta'e manambo darotongnga; ereapa tumanangnge nanawo su liman seetta, wuṛṛu tawe saran sangkatou nirumanta massumbala. Manga ro'amme tumba'u lullage maasilo ananawone.

LAL᷊ALLU 5:21

Oh Mawu, apira'e i yami mabbelengnga ringan-Nu; i yami sarun mabbelengnga ringan-Nu! Sul᷊ea'e lal᷊umanna'i yami ere dorone.

YEHEZKIEL 36:11

Tumanangnge wuṛṛu winatangngu sarun Ta'u tambanna, ma'oman sara mabbal᷊i manambo, mannamboanna wuassu paarorone, wuṛṛu i mangitou sarun ṛumana'a mappulunna manambo. I mangitou sarun mabbiakka poiaroddi ere paarorone wuṛṛu Ta'u olaanna ala, ere lai taambe saran paassa niapendamanni yamiu. Ne i yamiu masingkatte manungku ete i Ya'u Mawu.

IMAMATTA 27:32

Sambau wuassu mapul᷊o winatanga papadul᷊iananna udde tatahuanannu Mawu. Amungkangu winatanga udde ireengnga, suapan sambau winatanga appul᷊one maola'a tatahuanannu Mawu.

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

OBAJA 1:19

Manga taumatan Yehuda Timukka sarun mamanua su Edom. Manga taumata wuassu panenteanna samba'a waṛṛatta sarun mamaddon wageangngu leta'u Filistin. Ṛuanganni Benyamin sarun mangaṛṛo Gilead, wuṛṛu Israel uma-Ku sarun mamarenta ahewallu Efraim wuṛṛu Samaria.

MIKHA 5:4

wuṛṛu i Tou sarun mangonggollu paddarame. Napawe tantaran Asyur mamangalo wanuan kite manggohakku tanda'a watun kite, i ite sarun mandolokku manga piaṛṛa'i ite apan atohasanne iapapangalo si mangitou. Manga piaṛṛa'i ite sarun mamaddon Asyur ringannu lutangnga, wuṛṛu manal᷊amatta si ite wuassu liman mangitou.

ZEFANYA 3:13

Taumatan Israel apan ta'e nallambe, tate ma'ola'a al᷊al᷊eo apia su taumata waine; i mangitou tate mangawusu apia wuṛṛu tate lai mallinga. I mangitou sarun mabbiakka su lal᷊umanna'a wuṛṛu mal᷊angnganna, wuṛṛu tate maapendamma atata'utta su anambon taumata waine.”

ZAKARIA 10:10

Wuassu Mesir wuṛṛu Asyur, i mangitou sarun Ta'u iapaapul᷊e. Su wanuane sassane i mangitou sarun Ta'u iapaatana'a. Ta'u niapidda i mangitou watukku Gilead wuṛṛu lai Libanon, Ma'oman sara ahewallu wanua mapenen mangitou.

ZAKARIA 11:7

I ya'u, Zakaria, ana see nisewannu manga mabbawal᷊u'u domba tadea'u mallu'adda manga domba apan sarun ratanna. I ya'u pia darua ta'inna; iapa sambua ta'u nisaggo “Aakkanna” wuṛṛu iapa sambau lai “Nii'itta”. Wua'udde i ya'u mannattakke mandiaga wuṛṛu mammadul᷊i manga domba udde.

MALEAKHI 3:4

Ne ere sutempon dorone, Mawu sarun manengkamma manga sasamba apan niongollu umattu Yehuda wuṛṛu Yerusalem si Tou.

REENGANNA 23:9

Wuassu puiddu manga wowone i ya'u ma'asilo si mangitou; wuassu manga wuidda i ya'u ma'ellega si mangitou. Pa'ellega sambau walahanna apan uaṛṛae tawe nasutta su wageangngu walahanna waine.

REENGANNA 32:1

Manga ṛuanganni Ruben wuṛṛu i Gad uatahuanna manambo winatangnga. Napawe i mangitou naasilo aroddi apiane leta'u Yaezer wuṛṛu leta'u Gilead pabbuwunanna winatangnga,

MATIUS 2:6

‘I'o Betlehem, su wanua Yehuda, i'o atonna-tonna wal᷊inewe addio'anne su wallattu al᷊awo'u soa ahunanne su Yehuda. Ana waugu inasabanganne wuassi'o sarun dumanta sangkatou piaṛṛangnge, apan sarun mangehetta al᷊aṛṛana-U Israel.’ ”

YOHANES 17:16

Ere lai Ya'u wal᷊ine pussa'an runia, i mangitou lai wal᷊ine pussa'an runia.

TAHIUL᷊E 33:28

Ne papapulunni Yakub sarun mabbiakka ringannu matammuda su wanua napenen gandumma wuṛṛu ua'e anggore, wuṛṛu niwokkannu angngukka wuassu langitta.