MIKHA 7:12 - WUKE SUSI WATTI'U AL᷊AL᷊USASSA

¹² Manga taumata sarun mabbelengnga ringannu wuassu al᷊awo'u tampa – wuassu Asyur su samba'a ra'i, wuassu Mesir su samba'a timukka, wuṛṛu wuassu wageangngu Sal᷊ukku Efrat, wuassu samba'an tahal᷊oangnga wuṛṛu wuassu manga wowone apan marau.

MIKHA 7:12 Iomraidhean Croise

YESAYA 11:11

Su allo udde Mawu sarun paassa lai mappaattu taṛṛino-Ne mangapidda mapul᷊e uman-Ne lambene su Asyur wuṛṛu su Mesir, su manga wanua Patros, Sudan wuṛṛu Elam, su Babel, Hamat wuṛṛu manga taṛṛanusa apan marau.

YESAYA 11:16

Su uman-Ne lambene sarun pia dal᷊anna mal᷊oangnga tadea'u maasabbangnga wuassu Asyur, naal᷊ihidda sutempo Israel sinumabbangnga wuassu Mesir.

YESAYA 43:6

I Ya'u namarenta sawannakka wuṛṛu timukka, tadea'u i mangitou mal᷊ihakka ipallossa. Wala'e manga anangngu esakka mawelengnga wuassu tampa marau, wuṛṛu manga anangngu wawine mapul᷊e wuassu manga pentakku runia.

YESAYA 49:12

Wuassu marau uma-U pasi rantate, wuassu sawannakka, waṛṛatta wuṛṛu Sinim su timukka.”

YEREMIA 23:3

Arawe manga uma-U lambene sarun Ta'u iammulla wuassu manga wanua sutempan mangitou Ta'u niwuangnga. I mangitou sarun Ta'u iapidda mabbelengnga apia watukku leta'a niariaddianni mangitou wuṛṛu papapulunni mangitou sarun a'atambanna anambone.

YEREMIA 3:18

Israel sarun ma'aukku Yehuda, wuṛṛu su sampunna rumanta wuassu wanua pinamuanganna su samba'an sawannakka. I mangitou sarun mabbelengnga su wanua apan buatte Ta'u nionggolla maola'a leta'a pussa'an al᷊amonanu.”

YEREMIA 31:8

Wuassu sawannakka i mangitou Ta'u niapidda apia; Ta'u nihemonna i mangitou wuassu manga pentakku runia. Taumata wuta wuṛṛu taumata lome sarun tumantalongnga ringanni mangitou, see lai wawine apan wakkute nangunsiwe wuṛṛu apan uailloṛṛo mawakkatte. I mangitou sarangkanambone sarun rumanta apia sulal᷊ummu reenganne apan manambo su wanua indi.

YEREMIA 46:27

“Uma-U, Israel, ariete mata'utta! Allang-Ku Yakub, arie suminggawangnga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu nitawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu pia iaata'utti yamiu.

YEHEZKIEL 29:21

Napawe olangnge udde nariaddite, i Ya'u sarun ma'ola'a Israel walahanna apan matohassa, wuṛṛu nangonggollu tempo si'o Yehezkiel, mabbisara ringannu apulunu sassane ma'oman sara awadaalla wotongnge maddaringikka si'o. Ne i mangitou masingkatte manungku ete i Ya'u Mawu.”

YEHEZKIEL 37:21

Ana see wal᷊oa'e si mangitou manungku i Ya'u, Mawu Apan Atanggaṛṛanne sarun mangul᷊e apia anambon walahang-Ku wuassu manga wanua suapa i mangitou buatte nanu. I mangitou sarun Ta'u iammulla wuṛṛu Ta'u iapidda apia watukku wanua mangitou sassane.

HOSEA 11:11

Wuassu Mesir i mangitou sarun dumanta ere al᷊ihakku manu'u winalanganna, wuṛṛu wuassu Asyur Tau iapidda mabbelengnga watukku wal᷊en mangitou. I Ya'u, Mawu, apan nabbisara.”