MIKHA 7:1 - WUKE SUSI WATTI'U AL᷊AL᷊USASSA

¹ Nasilakate i ya'u! I ya'u naal᷊ihidda ere taumata niamal᷊unusanna apan inaite nani'o wuan aaluanna napawe nal᷊iudde tempone. Nasuete manga wuane su aaluanna. Wuan anggore wuṛṛu wuan ara apan mangkapia sarangkanambone nasuete niti'o.

MIKHA 7:1 Iomraidhean Croise

DARALO 120:5

Nasilakate i ya'u ana waugu sidutu mabbiakka ringannu; tawe paṛalane ere uatana'a su Mesekh, ara'e suwallatu taumatan Kedar.

AMSAL 20:6

Manambo taumata apan mangnga'u watanganne hawe, arawe apan atonna-tonna satia, masahadda paddeaanne.

YESAYA 17:6

Naal᷊ihidda alun zaitun apan buatte niti'o wuane, wuṛṛu natantangnga ete manga pira su pentakku manga rannane, aroddi lai Israel tumba'u addio'a taumata masal᷊amatta. I Ya'u, Mawu, Ruatan Israel, buatte nabbisara.”

YESAYA 24:13

Eteudde apan sarun mariaddi su ahewallu runia su anambon araratuanna. Nassul᷊ungnga ere lai sutempon pangangitingnga, sutempo wuan zaitun ti'oanna abbi-abbi wuṛṛu wuan anggore apan panginsueanne ti'oanna wuassu al᷊une.

YESAYA 24:16

Wuassu pentakku runia aaringiṛṛanna tingikku daralo su Israel, walahanna apan matuṛṛutta. Arawe nasilakate i ya'u! I ya'u massusa! Mamamate ta'e sidutu mammate, ewe'e lai i mangitou aatambanna su pamamate.

YESAYA 28:4

Atatelunngngu soan mangitou apan mannatakke mabbul᷊i udde sarun mahangginna. Pal᷊adde ere pal᷊addu wuan ara apan nal᷊aha taambe tempone; aroddi ellehanna, lapiddu ti'oanna wuṛṛu anananna.

YESAYA 6:5

Wua'udde i ya'u nabbisara, “Nasilakate! Tate antimma lai si ya'u, ana waugu moṛṛongku kotore ana waugu rosa, wuṛṛu i ya'u uatana'e su pattangngannu walahanna ereudde lai. Sallaiwe aroddi, ringannu mata'u sassane i ya'u buatte naasilo Ratu, Mawu Apan Lembontaṛṛino!”

YEREMIA 15:10

Soewe atonna i ya'u indi! Apa hunane inangku nanungkangku? Ringannu anambon taumata su wanua indi i ya'u mangke uatatiakka wuṛṛu uawawisara. Salaiwe i ya'u tawe saran paassa napawallassa wuṛṛu nabballassa, arawe i ya'u niwontohannu anambon taumata.

YEREMIA 24:2

So'anna paarorone lal᷊oṛṛuannu wuan ara apan apianne, ere wuan ara wua paarorone, ewe'e so'anna aruane lal᷊oṛṛoannu wuan ara apan mawukku'e, na'oman sara tawe iaanna.

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 45:3

i'o sussal᷊iomanna arendi, ‘Ah, soewe eteapa i ya'u indi! Asasusa'u tumanite manambo, wuṛṛu Mawu nanamba apia ringannu asasansara. I ya'u nal᷊otakke sussal᷊iomanna, tawe atatamudda sarang kadio'a!’

YEREMIA 5:1

Ei tumana'u Yerusalem, pal᷊intara'o manga lal᷊anna su soanu! Rea'ete su al᷊awo'u tampa, wuṛṛu ellehete sassane. Parikisete su leta'a mal᷊alangnga soa suapane apan pia sangkatou taumata apan matul᷊idda apan mattinsahadda tadea'u satia su Ruata. Amungkangngu pia, ne Mawu sarun mangampungnga Yerusalem.

HOSEA 9:10

Mawu mabbisara, “Sutempo i Ya'u paarorone naasangkalla Israel, i Ya'u lalluassa ere taumata naasangkalla wuan anggore su wadda'a mamara. Sutempo i Ya'u paarorone naasilo al᷊amonanu, i Ya'u lulluassa naal᷊ihidda taumata naalio hessi wuan ara paarororne. Arawe, napawe i mangitou inaite watukku Wowon Peor, i mangitou mannattakke massubba si Baal, na'oman sara i mangitou nabbal᷊i nal᷊al᷊eo ere monganna apan raddangnguanni mangitou udde.

REENGANNA 18:13

Sarangkanambone udde maola'a wageangngu. Suapan lal᷊oṛṛon amonannu apan tawe sal᷊ane wotongnge umanna anna udde.