MIKHA 6:8 - WUKE SUSI WATTI'U AL᷊AL᷊USASSA

⁸ Tawe! Mawu buatte napal᷊iatta'a si ite apa apan apianne. Apan raddorongan-Ne wuassi ite eteudde tadea'u i ite mabbiakka matul᷊idda, sidutu uararangngu, wuṛṛu ringannu masaṛṛionto'a mabbiakka uaaukka ringannu Ruatan kite.

MIKHA 6:8 Iomraidhean Croise

PANDARIADDI 18:19

I tou buatte Ta'u nipile tadea'u mamarenta al᷊aṛṛanangnge wuṛṛu papapulunne tadea'u tumuṛṛutta si Ya'u wuṛṛu ma'ola'a inolaanna mapia wuṛṛu matul᷊idda. Amungkangngu olange udde olaanni mangitou, al᷊awo'u pa'aire-U si Abraham sarun Ta'u tipusanna.”

PANDARIADDI 5:22

Wua'udde i Henokh nabbiakka sulal᷊ummu paa'aukka ringannu Ruata al᷊annune 300 su tonnane. I tou naasomba al᷊aṛṛana'a waine lai

2 TAWARIKH 30:11

Arawe, pia lai manga taumata wuassu ṛuanganni Asyer, Manasye, wuṛṛu Zebulon maapulu rumanta su Yerusalem.

2 TAWARIKH 32:26

Arawe panginsueanne i Hizkia wuṛṛu manga taumatan Yerusalem sinumallungngu watanganne, ne su al᷊annune i Hizkia ta'e wiakka ṛuumanna udde sidutu iapaamatta.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

2 TAWARIKH 33:23

Arawe uapapaṛṛalan iamangnge, Amon tawe sinumallungngu watanganne, wuṛṛu tawe nabbal᷊i'a ringannu Mawu; ewe'e i tou maddosanna wuassu iamangnge.

2 TAWARIKH 34:27

i'o sinumassilla wuṛṛu sinumallungngu watangannu su saruang-Ku. I Ya'u buatte namansaga sarun makkuumannu Yerusalem wuṛṛu tumanangnge, arawe napawe i'o naaringikka i Ya'u mammansaga, i'o nilumuai wuṛṛu nanggesa'a laungngu tatialan massusa. I Ya'u buatte naddaringikka aal᷊iomannu,

NEHEMIA 9:13

Wuassu langitta I'o sinumossokka su puiddu Wowon Sinai, ana see I'o naggahatton uman-Nu sassane. I'o nangonggollu tita, atoranna wuṛṛu parenta apan matul᷊idda, naṛṛino wuṛṛu pia gunane.

DARALO 101:1

Daralon Daud. I ya'u maapulu mangngantari su ola'u apapia wuṛṛu atatul᷊idda, Si'o, oh Mawu, aantari daralo'u!

DARALO 112:4

Semakka lukkena sulal᷊ummu ararandumma su taumata mapia, su taumata apan matul᷊idda, marangngu wuṛṛu maakkanna.

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

DARALO 37:26

I tou sidutu mappawallasa wuṛṛu mangonggola, wuṛṛu manga anangnge nabbal᷊i al᷊amatta si tou.

DARALO 73:28

Arawe si ya'u tumaniten mapia maranin Duata, Mawu Ruata ta'u niola'a tampa pattillummangku, tadea'u i ya'u wotongnge mamasingkattu al᷊awo'u inolaan-Ne.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

MANNANASE 12:13

Napewe sarangkanambone buatte ta'u niṛṛingidda, eteindi aunne apan ta'u niasombanganna. Ata'utten Duata wuṛṛu tuṛṛutte al᷊awo'u parenta-Ne. ana waugu tumba'u udde taumata niriaddi-Ne.

YESAYA 56:1

Mawu nabbisara su uman-Ne, “Pa'ola'e atatul᷊idda wuṛṛu apan uasul᷊ungngu tita-U. Ana waugu tal᷊ang kadio'a lai Ya'u rumanta manal᷊amatta si yamiu wuṛṛu atatul᷊i-U iapal᷊iatta'a.

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

LAL᷊ALLU 3:26

Nariaddi, mappianne i ite mallaṛṛado ringannu matammudda ma'oman sara Mawu rumanta mangonggollu aontolla;

YEHEZKIEL 16:63

I Ya'u sarun mangampunga al᷊awo'u pasasal᷊anu, arawe i'o tawe maabul᷊ine wuṛṛu i'o sarun maapendamma asasili amungkangu mabbisara manga apa. I Ya'u Mawu Apan Atanggaṛṛanne buatte nabbisara.”

YEHEZKIEL 33:14

Wotongnge mariaddi i Ya'u buatte napanaungngu taumata lal᷊eo manungku i tou sarun mate. Arawe napawe i tou maddote ma'ola'a rosa wuṛṛu mannattakke ma'ola'a apapia wuṛṛu naṛṛino, tul᷊addane ere i tou napawelengngu saranapa wua nihadden taumata, ara'e saranapa apan buatte nita'one see tinumuṛṛutte su manga tita apan mangngapiddu pabbiaṛṛanna, ne i tou tawe nate.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

HOSEA 12:6

Ruata udde eteudde Mawu Apan Lembon Taṛṛino. Aran-Ne eteudde Mawu. Ete ringannu aranna udde i Tou mappandumma taumata mattaṛṛamawu si Tou.

HOSEA 6:6

i Ya'u lembon maapulu i yamiu maaillal᷊a si Ya'u wuassi yamiu manambunna wuṛṛu mangonggollu sasamba si Ya'u.

IMAMATTA 26:41

na'oman sara i Ya'u lumawanga si mangitou wuṛṛu mallimbuakka si mangitou watukku pamuanganna su wanuan manga seetti mangitou. Panginsueanne, amungkangngu papapulunnu niawadote wuṛṛu buatte napaamattu ṛuumanna ana waugu rosan wuṛṛu lal᷊awangi mangitou,

AMOS 5:24

Mappianne, pattinsahadde tadea'u atatul᷊idda mangelekka ere ua'e, wuṛṛu apapia ere sal᷊ukka apan tawe umatti.

MIKHA 6:9

Apan lembon apianne eteudde matta'uttu Mawu. I Tou nabbisara su tumana'u soa, “Paddaringikke, ei i yamiu apan uasemodda su soa!

ZEFANYA 2:3

Pabbelengke ringannu Mawu, ei anambon taumata apan naungnge manawo su wanua indi, wuṛṛu anambon taumata apan tuttuṛṛutta manga parenta-Ne. Pammanarete tumuṛṛuttu apulun Mawu, wuṛṛu paawawoa'e watangannu su saruan-Ne. Isai masingkatta i yamiu sarun mal᷊iu wuassu pallaṛṛuumanna su allo Mawu mapal᷊iatta'u asasa'u-Ne.

ZAKARIA 7:9

“Manga pira tonna nal᷊iu i Ya'u nangonggollu manga parenta indi su uma-Ku, ‘I yamiu ṛinone mabbiakka su atatul᷊idda, paa'akkanna wuṛṛu masaṛṛionto'a su sansul᷊ungngu.

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

MATIUS 5:7

Lal᷊umanna'a su taumata apan mandangngu taumata waine; Ruata sarun mandangngu si mangitou lai!

LUKAS 10:42

arawe apa apan pia gunane tumba'u sambau. Wuṛṛu i Maria suete namile lembon apianne, apan tawe iaal᷊appa wuassi tou.”

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

LUKAS 12:14

Mawu Yesus sinumimbakka, “Tuṛṛangnga, isai namile si ya'u maola'a mallaṛṛuungnga ara'e matatahia darotongnga pussa'a su wallatti raddua?”

LUKAS 6:36

Ṛinone i yamiu uararangngu ere Iamangngu lai mandangngu si yamiu!”

ROMA 7:16

Ne, amungkangngu i ya'u ma'ola'a manga inolaanna apan tawe ipaapulu'u udde, atappasanne manungku titan agama Yahudi udde mapia.

ROMA 9:20

Arawe, tuṛṛangnga! Tuṛṛangnga tumba'u sangkatou taumata. Wuṛṛu tuṛṛangnga tawe waṛṛani sumimbakka Ruata! Wotongngewe tampan bunga maiwal᷊o, isai taumata na'ola'a si tou, “Anio i'o na'ola'a si ya'u arendi?”

1 KORINTUS 7:16

Ana waugu i'o sangkatou awingnge wawine – apan nangimante Mawu – ereapa i'o wotongnge maasingkata ringannu atonna manungku i'o tawe maapanal᷊amatta awingngu esakka? Aroddi lai i'o naola'a awingnga esakka Saṛṛani, ereapa i'o naasingkata ringannu atonna manungku i'o tawe maapanal᷊amatta awingngu wawine?

EFESUS 4:32

Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

TAHIUL᷊E 27:10

Ana waugu udde paatuṛṛutte Mawu Ruatanu wuṛṛu daringiṛṛete anambon parenta-Ne apan ta'u nionggola si yamiu allo indi.”

TAHIUL᷊E 30:15

Allo indi yamiu wotongnge mamile suwallatu mapia wuṛṛu lal᷊eo, suwallatu wiakka wuṛṛu mate.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

2 TESALONIKA 2:16

Doronganna Mawun kite Yesus Kristus sassane, wuṛṛu Ruata Iamangngi ite malluassa wuṛṛu manohassa naungngu, tadea'u i yamiu wotonge maamanara wuṛṛu mamasingkatu apapia. Ana waugu Ruata marangngu si ite, wuṛṛu ana waugu apapia naung-Nge i Tou napaatammuda wuṛṛu mangngantimma apapia.

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

1 PETRUS 3:8

Panginsueanne eteudde: Ṛinone manga tuṛṛangnga uasampinunutanna wuṛṛu su apendama sambau. Ṛinone i yamiu uararangngu ere sangkatuṛṛanganna. Wuṛṛu ṛinone i yamiu uaa'akkana, wuṛṛu uasasaṛṛionto'a.

1 SAMUEL 12:23

Su ola'u watangangku, doronganna ya'u tawe lai marosa su saruannu Mawu ana waugu tawe niumal᷊iomanni yamiu. Arawe mawal᷊i'a lai ya'u sidutu mangngaṛṛa'a si yamiu inolaanna apan mapia wuṛṛu naṛṛino.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.