MIKHA 6:5 - WUKE SUSI WATTI'U AL᷊AL᷊USASSA

⁵ Uma-U, naungete apa apan nihol᷊agi Balak ratun Moab si yamiu, wuṛṛu apa apan nisimbakki Bileam ana'i Beor si tou. Naungete apa apan nariaddi su amatanna suwallattu paddasananna su Sitim wuṛṛu su Gilgal. Amungkangngu i yamiu maanaungnga sarangkanambone udde, i yamiu sarun maatutukka apa apan buatte Ta'u niola'a tadea'u ipanal᷊amatta siy amiu.”

MIKHA 6:5 Iomraidhean Croise

DARALO 111:4

Mawu udde marangngu wuṛṛu maakkanna, i Tou ma'ola'a manga inolaanna apan maatiangnga, tadea'u i ite sidutu uanaung-Nga.

DARALO 143:11

Sal᷊amatewe i ya'u ere buatte nipa'ire-Nu, oh Mawu, ana waugu apapia-Nu, pallosaawe i ya'u wuassu asasusa.

DARALO 36:10

Ete I'o punnu pabbawiakku anambon riadianna, sulal᷊ummu semakku Mawu i yami naasilo semakka.

DARALO 71:19

Oh Ruata, atatul᷊iddu nappatakku langitta; tumaniten wahewalla manga inolaan-Nu; isai wotongnge maasul᷊ungnga Si'o?

YESAYA 1:27

Mawu udde matul᷊idda, ne i Tou sarun manal᷊amatta Yerusalem wuṛṛu manga taumatane apan sinumassilla.

REENGANNA 22:41

Su allo tiṛṛabbine i Balak nangapiddi Bileam sinuma'a wuiddu Bamot Baal. Wua'isudde i Bileam wotongnge maasilo sambageanganna wuassu taumatan Israel.

REENGANNA 23:27

I Balak nabbisara, “Wette i ite watukku tampa waine. Isai masingkatta Ruata mamalanu mamontoga Israel huna'u su tampa udde.”

REENGANNA 25:1

Tantal᷊anna walahannu Israel uatna'a su Wawal᷊annu Sitim, manga esakki mangitou mannattake sussandaga ringannu manga wawinen Moab apan uatana'a isudde.

REENGANNA 25:2

Manga wawine udde mangngahe si mangitou watukku andeangngu sasamba ipangaddata monganni mangitou. Taumatan Israel inumanna lai sasamba udde wuṛṛu massubba mongannu taumatan Moab.

REENGANNA 31:16

Wal᷊inewe manga wawine udde tinumuṛṛutta tatantiron Bileam, na'oman sara nassalo'u taumatan Israel su Peor ana see nanantangngu Mawu? Wuṛṛu eteudde nandatan asasusa su al᷊aṛṛana'u Mawu!

REENGANNA 31:8

nasutta siri lima ratun Midian, eteudde i Ewi, i Rekem, i Zur, i Hur wuṛṛu i Reba. I Bileam ana'i Beor nate lai nipate.

EFESUS 2:11

Manga tuṛṛangnga apan wal᷊ine Yahudi! Paanaunge ririnu su tempo rorone: I yamiu isassaggo “taumata tawe nissunatta” unnu taumatan Yahudi apan mangnga'u ririne suete nissunatta (pandumanne apan buatte naasomba tatiala niola'u taumata su wadangngi mangitou).

TAHIUL᷊E 16:3

Sasamban Paskah udde ṛinone landinannu roti tawe ragine. Pitu allo al᷊annune i yamiu ṛinone u'anna roti apan tawe ragine, ere lai su tempo i yamiu nanantangngu leta'u Mesir ringannu uasasaṛṛawutta. Ante roti udde, roti apan isassago roti pattataṛṛanga, tadea'u su al᷊o'engngu pabbiaṛṛannu i yamiu maanaungnga allo su tempo i yamiu nanantangngu Mesir, su tampa i yamiu uatataṛṛanga.

TAHIUL᷊E 23:6

Su al᷊annune i yamiu mabbiakka wuṛṛu saran mal᷊annu-l᷊annu, imbaṛṛangnga mantul᷊ungu manga walahanna udde ara'e ma'ola'a si mangitou su lal᷊umanna'a.

TAHIUL᷊E 8:18

Naunge manungku tumba'u Mawu Ruatanu apan mangonggolu paa'ala udde si yamiu. Olangnge udde niola'i Tou ana waugu na'oman sara allo indi i Tou ta'e uaagassa su pa'aire apan niolangnge-Nge ringannu iupungngu al᷊amonanu.

TAHIUL᷊E 8:2

Paanaungete! Appatu pul᷊o su tonnane al᷊annune Mawu Ruatanu uapiaṛṛa'i yamiu sulal᷊ummu amatanna marau sumabbi wadda'a. Amamatta udde pandumanne pa'annamannu Mawu si yamiu, tadea'u i Tou wotongnge maasilo apa apan uaraddo sulal᷊ummu naungngu wuṛṛu tanne i yamiu sarun tumuṛṛutta manga parenta-Ne.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

YOSUA 2:1

Wua'udde wuassu paddasananna su Sitim, i Yosua nanddolokku ruan katou matataṛṛaso'o watukku Kanaan. Itarua nirolokka iapaparikissa wanua Kanaan ringannu ma'imbuni, nangillembo lai su soan Yerikho. Ne inaite itarua watukku soa, wuṛṛu nanaṛṛabbi su wal᷊en sangkatou wawine masandaga, aranne i Rahab.

YOSUA 3:1

Su allo tiṛṛabine i Yosua wuṛṛu anambon ṛuanganni Israel napu'o marua allo atonna, ana see nanantangken tampa paddasananni mangitou su Sitim, wuṛṛu inaite watukku Sal᷊ukku Yordan. Isudde i mangitou naddasanna lapiddu maṛṛaddo tempone tumumbe.

YOSUA 4:19

ṛuangannu Israel na'omate su samba'an Yordan su allo apul᷊one wul᷊anna paarorone, wuṛṛu i mangitou naddasanna su Gilgal su samba'a ra'in Yerikho.

2 PETRUS 2:15

Ana waugu i mangitou maddiri umamatta su lal᷊anna matul᷊ida, ne i mangitou nial᷊iwune. I mangitou niumamatta su lal᷊anni Bileam ana'i Beor dorone. Bileam indi mangke maapulu maasomba roitta wuassu inolaanne apan lal᷊eo.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

YUDAS 1:11

Nasilakate i mangitou! I mangitou suete niumamatta su lal᷊anni Kain. Tadea'u maasomba roitta, i mangitou namontollu wadangnge su inolaanna lal᷊eo ere Bileam. Wuṛṛu i mangitou lai nipate ana waugu nilumawanna ere Korah.

SONDAPPA 2:14

Salaiwe aroddi pia manga pira inolaani yamiu apan tawe maal᷊uassa si Ya'u: Pia sangkadoanna taumata su wallatti yamiu apan mangngimanna al᷊aṛṛa'i Bileam. I Bileam nangaṛṛa'a si Balak ereapa mangema'u taumatan Israel su rosa; ringannu nassal᷊o'i mangitou umanna anna apan suete nionggolla su paal᷊uanna wuṛṛu ma'inolaanna sussandaga.

MAL᷊AṚṚUUNGNGA 11:25

Unnu pahinu i'o mappianne wuassi Balak ana'i Zipor, ratun Moab? I Balak taambe saran paassa nilumawangnga ara'e napapangalon kami.

MAL᷊AṚṚUUNGNGA 5:11

Su maranin manga paṛṛihi niaringikka taumata lullala'a mangngantari, masokka-sokka mabbatti'u auntungannu Mawu, auntungannu Israel, al᷊aṛana'u Mawu. Ne i mangitou nabbarisse mattuddan ngaran pasallangannu soa.

1 SAMUEL 12:7

Orassa indi ariete inai dorone. I ya'u sarun mangalaen kamiu su saruannu Mawu. Paanaungete anambon aakkannu Mawu apan buatte niapal᷊iatta'a si'o wuṛṛu su al᷊amonanu.