MIKHA 6:12 - WUKE SUSI WATTI'U AL᷊AL᷊USASSA

¹² Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

MIKHA 6:12 Iomraidhean Croise

DARALO 120:2

Oh Mawu, sal᷊amatewe i ya'u wuassu taṛṛa awusu wuṛṛu taṛṛa l᷊inga.

DARALO 35:20

Pabbawisaran mangitou maṛṛagissa; i mangitou manggol᷊agu pallal᷊inga su taumata apan mabbiakka uasasangkapia.

DARALO 78:36

Arawe i mangitou namahia si Tou, manga wisaran mangitou awusu wara'a.

YESAYA 1:23

Manga piaṛṛangngu mammangalo wuṛṛu manga daroloṛṛannu manna'o; i mangitou apulune mannengkamma aonggolla wuṛṛu roitta sasogokka. I mangitou maddiri manamba'a asisin timpal᷊ussa su saruannu mallaṛṛuungnga; maddiri maddaringikka aalaen manga wawine wal᷊u.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YESAYA 5:7

Ana waugu waillu anggoru Mawu Apan Lembontaṛṛino uddewe umattu Israel, wuṛṛu manga taumatan Yehuda uddewe punnu anggore apan nisuan-Ne. Wuassi mangitou i Tou uaantimma atatul᷊idda, arawe tumba'u pia araṛṛagissa. I Tou uaantimma i mangitou mandisikku apapia, arawe tumba'u pia sasal᷊iomanna maddorongnga atatul᷊idda.

YEREMIA 9:8

Manga wisaran mangitou tumanite ma'asilaka, botongnge maapate ere anaanna mawisa. Manga wisara mangitou mangkete awusu. Manga wisara mangitou matemangnga maanemma, arawe wutte'e i mangitou mantaingngu sedda.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

AMOS 2:4

Mawu nabbisara, “Taumatan Yehuda masokkate ma'ola rosa, ana waugu udde i Ya'u sarun makkuumanni mangitou. I mangitou nilumawangnga manga parenta-U wuṛṛu tawe maddaringika manga al᷊aṛṛa-U. I mangitou nilamamiṛṛannu manga mawu waine apan sassubbannu al᷊amonan mangitou.

AMOS 6:4

Nasilakate i yamiu apan mattiilla su lallowanganna apan mangkapia wuṛṛu maandeangngu ṛemessu sapi wuṛṛu domba apan ta'e saṛṛen tumuwo!

ZEFANYA 1:9

I Ya'u sarun makkuumannu anambon taumata apan mattaṛṛamawu ere taumata apan tawe maailal᷊a si Ya'u, wuṛṛu apan nanna'o see mammate tadea'u malloṛṛo wal᷊en mawune ringannu manga saranapa apan niaṛṛo.”

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

WATTI'U MANGA RASUL 24:9

Manga taumatan Yahudi tinumantalongnga lai nangalaem Paulus wuṛṛu nangngimante al᷊awo'u wisara apan niwisaran Tertulus.

ROMA 3:13

Tonggol᷊anni mangitou naal᷊ihida ere lal᷊abinganna apan wawu'anna. Manga awusu wuṛṛu wahia mangngelekka wuassu lila mangitou, wuṛṛu wiwikki mangitou mapaasabangngu aal᷊uandaga, ere wisan atoanna.