MIKHA 5:2 - WUKE SUSI WATTI'U AL᷊AL᷊USASSA

² Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

MIKHA 5:2 Iomraidhean Croise

PANDARIADDI 35:16

Wua'udde i Yakub wuṛṛu ammul᷊annu taumatane nanantangken Betel. Su tempon i mangitou ta'e marau wuassu Efrata, nia'omante tempone i Rahel mangunsiwe. Arawe anangnge masahadda isungkangnga.

PANDARIADDI 35:19

Napawe i Rahel natete, i tou nilabbingnga su winggin dal᷊anna apan matuda watukku Efrata, apan orassa indi aranne Betlehem.

PANDARIADDI 48:7

I ya'u na'ola'a olangnge udde ana waugu i Rahel inangngu. Sulal᷊ummu amatangku mabelengnga wuassu Mesopotamia, inangngu nate su leta'u Kanaan, tawe marau wuassu Efrata, wuṛṛu i ya'u tumaniten massusa. I ya'u nallabingi tou poiaroddi, su sandiṛṛannu lal᷊anna watukku Efrata.” (Orassa indi Efrata tinumelengnga arane Betlehem.)

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

1 TAWARIKH 2:54

I Salma mandararisikku soan Betlehem eteudde al᷊amonan taumatan Netofa, taumatan Atarot-Bet-Yoab, wuṛṛu taumatan Zori, eteudde sambau suwallattu darua amonanna apan uatana'a su Manahti.

DARALO 132:6

Su Betlehem i ite naaringikka ola'u Wantalu Paaire, ana see niasangkal᷊anna su wadda'u Yaar.

DARALO 90:2

Ro'en manga wowone taambe niola'a, ro'en leta'a wuṛṛu runia taambe niriaddi-Nu, ete I'o Ruata apan sarangkal᷊o'engnge, tawe panattaṛṛanne wuṛṛu tawe pangudusanne.

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

SASABANGNGA 18:25

wuṛṛu namile manga taumata apan pande su wallatu walahannu Israel. I tou nanebo'i mangitou naola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune, wuṛṛu mapul᷊o su atoune.

YESAYA 11:1

Pallaṛṛiten Ratu Daud ere alu apan buatte nituwangnga. Arawe su ereapa wuassu tuidde tinumuwo solla wakku, aroddi lai wuassu pallaṛṛiten Daud sarun sumabbangnga sangkatou ratu.

YESAYA 53:2

Mawu mappandumma allang-Nge udde ere solla apan tinumuwo su leta'a mamara. Tawe aṛṛamaga si tou apan ellehanni ite; taweddu ma'anemma apulun kite.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

YESAYA 7:14

Orassa indi, Mawu sassane sarun mangonggollu tatiala si yamiu: Sangkatou maṛṛuala apan pia illoṛṛo sarun manungkangngu sangkatou ana'a esakka apan aranne isaggo Imanuel.

YEREMIA 30:21

Ratu apan mamarenta si yamiu inasapputanne wuassu walahannu. Ringannu tawe go'ane i tou sarun mangundani-U napawe i tou Ta'u waggoanna sumaruanna si Ya'u. Ana waugu isaite apan waṛṛani sumaruanna si Ya'u ringannu apulune sassane? I yamiu sarun maola'a uma-U wuṛṛu i Ya'u mabbal᷊i Ruatanu. I Ya'u, Mawu apan namasingkattu udde.”

HOSEA 6:3

Ana waugu udde wette i ite mattinsahadde atonna-tonna ma'illal᷊a Mawu. I Tou sarun dumanta ringanni ite ere darantan matannallo, wuṛṛu ere uranna apan maṛṛolo runia su panguddusannu tempon urana.”

AMOS 9:11

Mawu nabbisara, “Sarun a'omanna tempone i Ya'u manul᷊en araratuanni Daud. Orassa indi araratuanna udde nabbal᷊ite ere wal᷊en apan naṛṛa'a. Arawe manga darandungnge sarun Ta'u apianna wuṛṛu iapararisikka apia ma'oman sara mabbal᷊i ere paarorone.

MIKHA 4:10

Ei tumanana'u Yerusalem, paggaṛṛuannate wuṛṛu sasal᷊iomante ere wawine apan tantal᷊anna mangngunsiwe! Ana waugu, orassa indi i yamiu ṛinone manantangngu soa wuṛṛu matana'a su wadda'a. I yamiu ṛinone inai watukku Babel, arawe poiaroddi Mawu sarun mamallossi yamiu wuasu manga seenu.

ZAKARIA 13:7

Mawu Apan Lembontaṛṛino nabbisara, “Darisikke, ei hal᷊ele, wuṛṛu pangaloite mallal᷊u'adda apan mammanara ringang-Ku! Patete i tou, ne manga domba sarun massal᷊iawukka. I Ya'u sarun mamangalo uma-U,

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

MATIUS 2:1

Mawu Yesus inasungkangnga su soam Betlehem su wanua Yudea, su tempo pamamarentan Ratu Herodes. Su tempo udde manga pira mapapanden anumpitanna wuassu ra'i nirumanta su Yerusalem.

MATIUS 2:6

‘I'o Betlehem, su wanua Yehuda, i'o atonna-tonna wal᷊inewe addio'anne su wallattu al᷊awo'u soa ahunanne su Yehuda. Ana waugu inasabanganne wuassi'o sarun dumanta sangkatou piaṛṛangnge, apan sarun mangehetta al᷊aṛṛana-U Israel.’ ”

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

LUKAS 23:2

Isudde i mangitou mapaasal᷊an Tou. I mangitou mabbisara, “I yami naaratingnga taumata indi mangngal᷊iwun lal᷊oṛṛon soa. I Tou mandolokku taumata tadea'u tawe mamaekka wose su Kaisar, ana waugu i Tou mabal᷊o manungku ete i Tou i Kristus, sangkatou ratu.”

LUKAS 23:38

Su alu arussa Mawu Yesus al᷊iu rosone uawoṛṛetta wisara ereindi: “Ete indi Ratun Taumatan Yahudi.”

YOHANES 7:42

Sulal᷊ummu Wuke Susi uawoṛṛetta manungku Ratum Punnu Sal᷊amatta udde sinossoṛṛanne wuassi Daud wuṛṛu sarun dumanta wuassu Betlehem, eteudde soa atatanaanni Daud.”

TAHIUL᷊E 1:15

Ana waugu udde suwallatu manga piaṛṛa'anga apan nipilen kamiu, manga piran katou apan pande, pia asingkatta su manara, ta'u anuanna wuṛṛu ta'u itenega maola'a tembonanni yamiu. Siri pira olaanna piaṛṛa'u saṛṛiwu su atoune, wuṛṛu ingana'a waine maṛṛasutta su atoune, su liman pul᷊o su atoune, wuṛṛu su mapul᷊o su atoune. I ya'u lai mapatenegu manga piaṛṛangnge waine iapal᷊u'adda manga ṛuangannu.

KOLOSE 1:17

Tantal᷊anna taambe nariaddi sarangkanambone, Kristus uddete dorone. Wuṛṛu ana waugu i Tou lai, ne al᷊awo'u inolaanna su tampanete sambau-sambau.

IBRANI 13:8

Yesus Kristus uasul᷊ungnga, mapia rorone, orassa indi, wuṛṛu saran mal᷊annu-l᷊annu.

IBRANI 7:14

Anambon taumata masingkata manungku Mawung kite niarantanne wuassu walahanni Yehuda; wuṛṛu i Musa tawe saram paassa nanaggom walahanna udde su tempo i tou mabbisara su ola'u manga imam.

1 YOHANES 1:1

Lal᷊oṛṛon suratta indi mannal᷊a'a ola'u Ṛengetanna apan mangngonggolu wiakka, eteudde Ṛengetanna apan piate ro'en wuassu al᷊amonane. I yami suete naaringikka, wuṛṛu suete naasilo matan kami sassane. I yami suete naellega, wuṛṛu suete nangagasu liman kami.

SONDAPPA 19:16

Su jubah-Ne wuṛṛu su palang-Nge uawoṛṛetta aranna indi, “Ratun al᷊awo'u ratu, wuṛṛu Mawun al᷊awo'u mawu.”

SONDAPPA 2:8

“Su mala'ekattu jamaatta su Smirna, woṛṛetta'a arendi: Ete indi tanata wuassi Tou apan paarorone wuṛṛu pangudusanne – apan natete wuṛṛu nabbiakka apia.

SONDAPPA 21:6

See i Tou nabbisara, “Nasuete! Ete i Ya'u paarorone wuṛṛu pangudusanne; ete i Ya'u Mawu apan wuassu Panattaṛṛanne ma'omam Panginsueanne. Suapan taumata marou, Ta'u iapa'inumma ringannu tawe bawaekke, wuassu al᷊imatan ua'e apan mangngonggolu wiakka.

MAL᷊AṚṚUUNGNGA 17:7

Su tempo udde lai pia sangkatou umbasanna wuassu ṛuanganni Lewi. Dorone i tou uatana'a su Betlehem su leta'u Yehuda.

RUT 1:1

Su tempo paarorone tantal᷊anna Israel taambe uatahuanna ratu, wanua Kanaan niarantannu al᷊aṛutumma. Su tempo udde pia sangkatou esakka aranne i Elimelekh. I tou wuassu amonanni Efrata, wuṛṛu uatana'a su Betlehem su wageangngu leta'i Yehuda. Ana waugu ṛutumma udde, ne i tou inaite watukku wanua Moab suadio'a ringannu awingnge i Naomi, wuṛṛu ruan katou anangnge esakka; i Mahlon wuṛṛu i Kilyon. Ana see i mangitou natana'e poiaroddi. Su tempo i mangitou ta'e uatana'a isudde,

RUT 4:11

Manga piaṛṛa'u tumanangnge wuṛṛu taumata waine apan uasemodda isudde nabbisara, “Ore, Naomi maola'a matatialane. Antimanna Mawu ma'ola'a awingngu udde ere i Rakhel wuṛṛu i Lea apan nanungkangngu manambo ana'a si Yakub. Antimanna i'o mangke su wiakke wuṛṛu suwallatu manga taumata wuassu ṛuanganni Efrata wuṛṛu antimanna i'o mangke tumelengnga su Betlehem.

1 SAMUEL 10:19

I Ya'u buatte namallossi yamiu wuassu anambon asansara wuṛṛu asasusa, arawe orassa indi Ya'u, Ruatanu nitol᷊a'i yamiu, ana waugu i yamiu maddorongnga tadea'u i Ya'u mangonggollu sangkatou ratu si yamiu. Ne aroddite, paammulle su saruang-Ku, Mawunu, tumuṛṛuttu walahanna wuṛṛu ṛuangannu.’ ”

1 SAMUEL 17:12

I Daud eteudde ana'i Isai taumatan Efrata wuassu Betlehem su Yehuda. I Isai pia siri ual᷊u ana'a esakka, wuṛṛu sutempo i Saul uaparenta, i Isai tumaniten timmadde.

1 SAMUEL 17:18

Apira'e lai mapul᷊o su waune keju indi onggol᷊a'a su piaṛṛa'u tantara. Iwal᷊oi ereapa ola'u manga iaangngu, wuṛṛu apira'e tatialane si ya'u manungku i'o buatte nassomba mangitou wuṛṛu i mangitou sulal᷊ummu apapia.

1 SAMUEL 23:23

Nariaddi parikisete ringannu maannudda manga loṛṛangnga apan buatte naola'a tampa pa'imbunianne, wuṛṛu pabbelengke inawarendi pamasingkatta si ya'u. Ana see ya'u sarun inai suadio'a ringanni yamiu, wuṛṛu amungkangu i tou ta'e su wageangngu leta'a udde, i tou sarun ta'u reaanna, salaiwe ta'u ial᷊isangnga ahewallu Yehuda!”

1 SAMUEL 8:12

Sambageanganna nipilene maola'a piaṛṛa'u saṛṛiwu su atoune, wuṛṛu ingana'a waine su lima ṛasutta su atoune. Ratu udde sarun mamata'u manga anangngu mammasolla wawil᷊anne, mangammullu hessin pangitinganna, mallanginnu manga lutangnga wuṛṛu manga aola'u keretan pangalone.