MIKHA 4:5 - WUKE SUSI WATTI'U AL᷊AL᷊USASSA

⁵ Suapan walahanna su wowon dunia massubba wuṛṛu tuttuṛṛutta su monganne sassane. Arawe i ite sarun tumuṛṛutta su Mawu Ruatan kite wuṛṛu massubba si Tou saran mal᷊annu-l᷊annu.

MIKHA 4:5 Iomraidhean Croise

PANDARIADDI 17:1

Napawe i Abram uukke sioten pul᷊o sio su tonnane, Mawu naipasilon batanganne si tou wuṛṛu nabbisara, “Ete i Ya'u Ruata Apan Lembontaṛṛino. Paatuṛṛutte si Ya'u wuṛṛu sidutu pa'ola'e apulu-U.

2 MARARATU 17:29

Arawe manga taumata apan uatana'a su Samaria udde sidutu mallanginnu paal᷊uanni mangitou sassane wuṛṛu niaddo sulal᷊ummu manga wal᷊en monganna apan buatte niapararisikku taumatan Israel apan dorone uatana'a isudde. Suapan ṛuanganna mallanginnu paal᷊uanne sassane su soa apan wawanuanni mangitou:

2 MARARATU 17:34

Na'oman sara allo indi i mangitou ta'e mappaattu addata inanaramanni mangitou. I mangitou tawe mattaṛṛamawu Mawu wuṛṛu tawe lai tumuṛṛutta manga tita ana see lai manga parenta-Ne apan nionggoli Tou su papapulunni Yakub, apan isassago lai Israel.

DARALO 20:6

Ne i yami maggio lulluassa ana waugu auntungannu, wuṛṛu nanduittu manga waneṛṛa ipaddalo Ruatan kite. Antimanna Mawu manengkamma al᷊awo'u darorongngu.

DARALO 48:14

Panutukke darandungnge, parikisete tanda'a watune, tadea'u i yamiu wotongnge mabbatti'a su papapulunnu:

DARALO 71:16

I ya'u maddalo inolaan-Nu apan matohassa, oh Mawu Ruata, ta'u iapasingkatta atatul᷊iddu Mawu, tumba'u atatul᷊iddu Mawu sassane.

YESAYA 2:5

Ei, papapulunni Yakub, wette i ite umamatte sulal᷊ummu asasemakku Mawu!

YESAYA 26:13

I yami buatte niparentannu manga mawu waine, arawe tumba'u I'o apan a'uanni yami, oh Mawu Ruatan kami!

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

WATTI'U MANGA RASUL 14:16

Su tempo nal᷊iu Mawu namala manga walahanna tuttuṛṛutta apulune sassane.

TAHIUL᷊E 27:10

Ana waugu udde paatuṛṛutte Mawu Ruatanu wuṛṛu daringiṛṛete anambon parenta-Ne apan ta'u nionggola si yamiu allo indi.”

KOLOSE 2:6

Manga tuṛṛangnga suete nanengkamma si Kristus Yesus maola'a Mawu. Ana waugu udde ṛinone i yamiu mabbiakka su sambau ringanni Tou,

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

YOSUA 24:15

Unnu wisara i yamiu mattaṛṛamawu su Mawu, paaṛṛawesse allo indi lai, ete sisai yamiu maapulu mattaṛṛamawu; su manga Mawu waine apan sassubbannu iupungngu al᷊amonanu su Mesopotamia dorone, ara'e su manga mawun taumatan Amori apan wanuane atatanaanni yamiu orassa indi. Arawe yami – i ya'u wuṛṛu amonangku sarun tumba'u mattaṛṛamawu su Mawu sassane.”