MIKHA 4:4 - WUKE SUSI WATTI'U AL᷊AL᷊USASSA

⁴ Suapan taumata sarun mabbiakka matammudda wuṛṛu mal᷊angnganna su tangngan wawail᷊annu anggore wuṛṛu wawail᷊annu alu ara; tateddu lai apan mamata'utta si tou, eteudde paairen Mawu Apan Lembontaṛṛino.

MIKHA 4:4 Iomraidhean Croise

1 MARARATU 5:5

Mawu buatte naddiandi arendi su iamangku Daud, “Anangngu apan Ta'u itenega maola'a ratu mallol᷊ossa si'o sarun mapararisikku wal᷊en tampa patataṛṛamawuanna si Ya'u.” Ana waugu udde, Tuangnga Hiram Apan Mawantuga, i ya'u, Salomo, buatte nakkawessa mapararisikku wal᷊en udde.

AYUB 11:19

I'o sarun tawe mata'uttu seetta; manambo taumata sarun maiontolla si'o.

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

AMSAL 3:25

Ariete i'o mata'uttu asasilaka apan sarun rumanta ringannu sangkaṛṛondappa ere anginna ma'ikkatta, wuṛṛu namate manga taumata lal᷊eo.

YESAYA 1:20

Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

YESAYA 17:2

Manga soa su Siria sarun itantangnga saran mal᷊annu-l᷊annu wuṛṛu maola'a tampan ammul᷊annu winatangnga; tawe saran sangkatou apan mallimbuakka si mangitou.

YESAYA 22:25

Amungkangngu udde mariaddi, ne passa'a apan nipa'u ringannu ma'uatta udde sarun mapallossa wuṛṛu manawo. Wuṛṛu eteudde panguddusannu ṛuanganna wuṛṛu anambon taumata apan uaantimma si tou. I Ya'u, Mawu, buatte nabbisara.”

YESAYA 26:16

I'o buatte nakkuumanni yami; sulal᷊ummu asasusa i yami nabelengnga ringan-Nu, wuṛṛu niumal᷊iomanna Si'o, Mawu.

YESAYA 32:17

Suapan taumata sarun ma'ola'a ringannu naṛṛino, na'oman sara pia atatahul᷊andimma wuṛṛu langnganna saran mal᷊annu-l᷊annu.

YESAYA 36:16

Arie paddaringikka si Hizkia! I ya'u, ratun Asyur mandolokka tadea'u i yamiu sumabbangnga wuassu soanu wuṛṛu manantillen batangannu. Sal᷊immurine i yamiu wotongnge umanna wuan anggore wuassu wawail᷊annu sassane, wuṛṛu umanna wuan alu ara wuassu punnene sassane, see lai ma'inumma ua'e wuassu paṛṛihinu sassane,

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

YESAYA 54:14

I'o niapararisikki su wowo mal᷊ita'u atatul᷊idda, niapaarau wuassu atata'utta wuṛṛu pangangallanga.

YESAYA 58:14

Ne i yamiu sarun lumuassa ana waugu tuttuṛṛutta si Ya'u. Ya'u sarun ma'ola'a si yamiu aaddatanna su ahewallu runia. I yamiu sarun mabbiakka mal᷊uassa ringannu hessin leta'a puassa'an Yakub, iupungngu al᷊amonanu, i Ya'u, Mawu buatte nabbisara.”

YEREMIA 23:4

I Ya'u sarun mamile piaṛṛangnge iapapaddul᷊i si mangitou. Uma-U tate mata'utta wuṛṛu lai suminggawangnga; tawe sarana sangkatou wuassi mangitou apan mawul᷊i. I Ya'u, Mawu, buatte nabbisara.”

YEREMIA 30:10

Uma-U Israel, ariete pa'ata'utta! Allang-Ku Yakub, arie suminggawanga! I yamiu wuṛṛu papapulunnu sarun Ta'u iapaasal᷊amatta wuassu wanua marau, su tampa i yamiu niatawanna. I yamiu sarun mapul᷊e wuṛṛu matana'a su wanuanu ringannu mal᷊angnganna. I yamiu sarun mabbiakka ringannu matammudda; taweddu iata'utti yamiu.

YEHEZKIEL 34:25

I Ya'u sarun makkiinnu pa'aire ringanni mangitou, apan uariaga atatammudi mangitou. I Ya'u sarun mallimbuakka anambon binatangnga mal᷊aṛṛaga wuassu ahewallu wanua, ma'oman sara manga domba-Ku wotongnge matana'a ringannu matammuda su manga wadda'a wuṛṛu matiilla su manga mahurangnge.

YEHEZKIEL 34:28

I mangitou tate lai pangaṛṛoannu manga walahanna apan tawe maailal᷊a si Ya'u, ara'e tamboannu manga winatangnga mal᷊aṛṛaga. I mangitou sarun mabbiakka ringannu mal᷊angnganna, wuṛṛu tawe saran sangkatou apan mamata'utta si mangitou apia.

YEHEZKIEL 38:11

I'o nakkawessa inai mamangalo wanua apan tawe tanda batune udde, suapa tumanangnge mabbiakka ringannu matammuda wuṛṛu mal᷊angnganna su manga soa apan tawe darandungnge wuṛṛu tawe ahiddu pangalo.

YEHEZKIEL 39:26

Napawe i mangitou matana'e apia ringannu matammudda su wanua mangitou sassane, tate saran sangkatou apan mamansaggi mangitou, i mangitou sarun maabul᷊i ereapa i mangitou buatte nipansilianna ana waugu nallobbossa si Ya'u.

IMAMATTA 26:6

I Ya'u sarun mallu'adda wanuanu ma'oman sara i yamiu wotongnge matiilla ringannu matammudda wuṛṛu tawe mata'utti sai-sai. Manga winatangnga mal᷊aṛṛaga sarun Ta'u iapaawul᷊i wuassu wanua udde, wuṛṛu tate lai pangalo su wanuanu.

MIKHA 5:3

Napawe piaṛṛa'a udde rumanta, i Tou sarun mamarenta uman-Ne ringannu atatohassa wuṛṛu taṛṛino wuassu Mawu Ruata-Ne sassane. Umman-Ne sarun mabbiakka ringannu matammudda, ana waugu anambon taumata su ahewallu runia sarun manga'u awawantu-Ge,

ZEFANYA 3:13

Taumatan Israel apan ta'e nallambe, tate ma'ola'a al᷊al᷊eo apia su taumata waine; i mangitou tate mangawusu apia wuṛṛu tate lai mallinga. I mangitou sarun mabbiakka su lal᷊umanna'a wuṛṛu mal᷊angnganna, wuṛṛu tate maapendamma atata'utta su anambon taumata waine.”

ZAKARIA 3:10

Napawe allo udde nia'omante, suapan taumata sarun mannote al᷊indonganne tadea'u rumanta wuṛṛu mamendamma paddarame wuṛṛu atatammudda su pattangngannu manga wawail᷊annu anggore wuṛṛu manga punnu alu ara.”