MIKHA 4:3 - WUKE SUSI WATTI'U AL᷊AL᷊USASSA

³ Mawu sarun makkawessu hatton pasaseetta suwallattu manga walahanna, suwallattu manga araratuanna matohassa, apan marau ara'e lai marani. I mangitou sarun manassalla manga hal᷊elen mangitou mabbal᷊i pajeko wuṛṛu manga sambeangngi mangitou mabbal᷊i lari'a bawabbassa. Manga walahanna tate lai mapapangalo, tate lai masasaddia inai mapapangalo.

MIKHA 4:3 Iomraidhean Croise

DARALO 46:10

I Tou napaaddon pangalo su ahewallu runia, al᷊ati'anna wuṛṛu tambakka niṛṛimunsang-Nge, manga allunga mal᷊imbulunna nitutung-Nge.

DARALO 46:9

Wette, pa'ellege apa apan nimanaran Mawu; aroddi maatiangnga manara-Ne su runia!

DARALO 72:3

Antimanna wanuan kami masunge matahul᷊andimma, wuṛṛu pia atatul᷊idda su ahewallu walahanna.

DARALO 72:7

Antimanna atatul᷊idda aatambanna su al᷊o'engngu tempo wuṛṛu paa'ala mannambo su al᷊o'engngu ta'e pia bul᷊anna.

DARALO 82:8

Rantate oh Ruata, ṛuungete runia, ana waugu anambon walahanna pussa'a-Nu.

DARALO 96:13

Ana waugu Mawu rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

YESAYA 2:4

I Tou sarun makkuungngu manga pabbawalaga, wuṛṛu makkawessu hatton manga ṛuangannu walahanna. Hal᷊ele sarun horapanna maola'a pajeko, wuṛṛu sambeangnga olaanna lari'a papol᷊o. Manga walahanna tate lai mamangalo, tate lai uasasaddia inai mappangalo.

YESAYA 25:3

I'o sarun daloannu manga walahanna apan matohassa, wuṛṛu ia'ata'utta su manga soan walahanna apan maṛṛagissa.

YESAYA 51:5

Asasal᷊amatta apan Ta'u ionggolla maranite; tempon auntungang-Ku maranite ma'oma. I Ya'u sassane sarun mamarenta manga walahanna. Manga wanua apan marau mangke uaraṛṛaddo si Ya'u wuṛṛu uaantimma inolaang-Ku apan matohassa.

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

YESAYA 65:25

Serigala wuṛṛu ana'u domba su sampunna u'anna nannal᷊o; singa u'anna laṛṛami ere lai sapi, wuṛṛu atoanna tate lai maasilaka. Su ahewallu wui-U apan na'ukkassa, taweddu lai apan mallinga ara'e ma'ola'a al᷊al᷊eo.”

YESAYA 9:7

Mawu buatte nangema'u ṛuumanna su araratuannu Israel.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

HOSEA 2:18

Sutempo udde i Ya'u sarunma'ola'a paaire ringannu al᷊awo'u hatin binatangnga tadea'u i mangitou tate manal᷊asa'u uma-U. I Ya'u sarun mapaaddon al᷊awo'u pangalo wuṛṛu manahangginna manga ahiddu pangalo wuassu wanuan uma-U udde, wuṛṛu ma'ola'a si mangitou mabbiakka ringannu mal᷊angnganna wuṛṛu matammudda.

HOSEA 2:20

Ere buatte pina'ire-U, i'o sarun Ta'u iawingnga. I'o sarun manga'u mangungku i Ya'u maola'a Mawunu sassane.

YOEL 3:2

Anambon walahanna sarun Ta'u iammulla wuṛṛu Ta'u iapidda watukku Wawal᷊annu Pakkuunganna. Ana see i mangitou Ta'u parikisana isudde wuassu al᷊al᷊eone su saruannu uma-U ana waugu i mangitou buatte nattahia leta'u Israel wuṛṛu uma-U niwuangngi mangitou watukku al᷊awo'u wanua.

ZAKARIA 14:3

Wua'udde Mawu sarun inai mapapangalo mando'appa manga walahanna udde, ere buatte niolang-Nge sutempon dorone.

ZAKARIA 8:20

Mawu Apan Lembontaṛṛino nabbisara, “Tempone sarun a'omanna tumana'a wuassu anambon soa sarun dumanta su Yerusalem.

ZAKARIA 9:10

Mawu nabbisara, “Manga keretan pangalo wuassu Efraim sarun Ta'u iramme, anambon awal᷊o su Yerusalem sarun Ta'u iapaawul᷊i wuṛṛu al᷊awo'u anaanna sarun Ta'u ṛimunsaanna. Ratunu sarun umal᷊iatan paddarame su manga walahanna. Wuassu tahal᷊oangnga watukku tahal᷊oangnga i Tou uataṛṛino, wuassu Sal᷊ukku Efrat maddatingngu pentakku runia.”

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

1 SAMUEL 2:10

Manga seettu Mawu mangke maṛṛimunsa'a, i mangitou matta'utta; wuassu langitta i Tou ruddalu'a. Mawu sarun makkuungngu ahewallu runia indi, wuṛṛu mangonggolu taṛṛino apan mawantuga su manga ratu apan nipile-Ne.”