MIKHA 4:12 - WUKE SUSI WATTI'U AL᷊AL᷊USASSA

¹² Arawe manga walahanna udde wagga apa apan tantal᷊anna ihagol᷊agu Mawu. I mangitou tawe maatutukka manungku i mangitou buatte niammullu Mawu tadea'u iṛṛuumanna, naal᷊ihidda gandumma niammulla tadea'u wabbal᷊anna.

MIKHA 4:12 Iomraidhean Croise

DARALO 147:19

I Tou namasingkattu tanata-Ne su al᷊aṛṛanang-Nge, parenta-Ne wuṛṛu tita-Ne su taumata apan nipile-Ne.

DARALO 147:20

I Tou tawe na'ola'a aroddi su walahanna waine, i mangitou tawe maaillal᷊a manga tita-Ne. Paddalote Mawu!

YESAYA 10:7

Arawe ratun Asyur pia gol᷊age sassane. I tou mappandumma mappaattu araṛṛagissa ipamate manambo walahanna.

YESAYA 21:10

Pabbawala'u Israel! I'o buatte niṛṛamissa wuṛṛu niṛṛinda ere watun gandumma. Orassa indi ta'u iapasingkatta si'o watti'a mapia apan ta'u naringiṛṛanna wuassu Mawu Apan Lembontaṛṛino, Ruatan Israel.

YESAYA 29:7

Wua'udde anambon tantara waine apan mamangalo Yerusalem, soa mezbah Duata, sarangkanambone apan ual᷊iwunna wuṛṛu mammangalo soa udde, sarun mawul᷊i ere wal᷊iawa sutempo ṛabbi.

YESAYA 55:8

Mawu nabbisara, “Ṛingirang-Ku wal᷊ine ere ṛingirannu, wuṛṛu lal᷊ang-Ku wal᷊ine lal᷊annu.

YEREMIA 29:11

Wal᷊inewe i Ya'u sassane mamasingkattu manga ṛiing-Ku si yamiu? Manga ṛiinna udde wal᷊ine ma'asilaka si yamiu, arawe hunan lal᷊umanna'i yamiu wuṛṛu mangonggolla si yamiu tempo addantane apan piaddu a'antimanna.

YEREMIA 51:20

Mawu nabbisara, “Babel, i'o naal᷊ihidda darupa, ahi-U ipaatta mapapangalo. I'o Ta'u nipaatta ipandupa manga walahanna wuṛṛu manga araratuanna.

YEREMIA 51:33

Tate mal᷊annu lai i mangitou iawaddo wuṛṛu mangke ṛindannu seetta ere gandumma su tampa pallaṛṛindanna. I Ya'u, Mawu Apan Lembontaṛṛino, Ruatan Israel, buatte nabbisara.”

YOEL 3:2

Anambon walahanna sarun Ta'u iammulla wuṛṛu Ta'u iapidda watukku Wawal᷊annu Pakkuunganna. Ana see i mangitou Ta'u parikisana isudde wuassu al᷊al᷊eone su saruannu uma-U ana waugu i mangitou buatte nattahia leta'u Israel wuṛṛu uma-U niwuangngi mangitou watukku al᷊awo'u wanua.

LUKAS 3:17

Su lima-Ne pia niṛṛu ipattappa ammene ma'oman sara mawaresi. Amme sarun iammulla su wal᷊ingkakka, arawe anambon wal᷊aane sarun tutunganna su putungnga apan tawe mapadumma!”