MIKHA 3:8 - WUKE SUSI WATTI'U AL᷊AL᷊USASSA

⁸ Arawe su ola'u watangangku indi, Mawu buatte nalloṛṛo ringannu ghaṛṛaho-Ne wuṛṛu taṛṛino-Ne. I ya'u nionggol᷊an-Ne pasasunna su ola'u atatul᷊idda, wuṛṛu lai awawaṛṛani tadea'u mapal᷊iatta'a su taumatan Israel manga rosa apan buatte niolangnge.

MIKHA 3:8 Iomraidhean Croise

AYUB 32:18

I ya'u tawe lai masabbare uaṛṛaddo. Tate lai ataṛṛanganna manga wisara'u.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YESAYA 61:2

I tou nandolo'u iappawatti'a manungku nia'omante tempone Mawu manal᷊amatta; hunan ipalluassa anambon taumata apan massusa, wuṛṛu mabbal᷊issa manga seetti mangitou;

YEREMIA 1:18

Paddaringikka! I'o sarun tompol᷊annu manga tumana'u wanua indi, eteudde manga ratun Yehuda, manga mangangumbele parenta, manga imam, wuṛṛu tumanangnge. Arawe allo indi Ya'u mangonggolla si'o atatohassa ipando'appa si mangitou. I'o sarun mabbal᷊i ere soa pia tanda batune, naal᷊ihidda diṛṛi atta'a wuṛṛu darandungnga witu'a. I mangitou sarun tawe mapamaddonu, ana waugu i Ya'u sarun uarundinganna wuṛṛu ual᷊u'adda si'o. I Ya'u, Mawu, buatte nabbisara.”

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

YEREMIA 6:11

Asasa'u-Nu si mangitou lai lukkenggamma sulal᷊ummu waddangku, Mawu! Tawe iaṛṛaddanna.” Wua'udde Mawu nabbisara, “Sopa'e asasa'unu udde su al᷊aṛṛana'a su manga lal᷊anna wahewalla wuṛṛu su manga taumata umbasanna maṛṛuala apan tantal᷊anna uaammulla. Esakka wuṛṛu wawine sarun sametanna, wuṛṛu ingana'a timmadde lai tawe mal᷊iudda.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEHEZKIEL 16:2

“Ei taumata apan mattate, pasiloa'e su Yerusalem manga inolaanna lal᷊eo apan buatte niola'i mangitou.”

YEHEZKIEL 20:4

Ei taumata apan mattate, nasaddiate i'o mkkuungngi mangitou? Ne, amata'e! Panaunga'a si mangitou al᷊awo'u al᷊al᷊eo apan buatte niola'u al᷊amona mangitou.

YEHEZKIEL 22:2

“Ei taumata apan mattate, i'o nariahite makkuungngu soa apan napene ringannu pamamate udde. Ta'ea'e si tou al᷊awo'u inolaanne apan ma'arantinna.”

YEHEZKIEL 23:36

Mawu nabbisara si ya'u, “Ei taumata apan mattate, nasaddiatewe i'o makkuungngi Ohola wuṛṛu i Oholiba? Tagguete itarua su ola'u al᷊al᷊eo apan buatte niola'i tarua.

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

YEHEZKIEL 43:10

Wua'udde Mawu nabbisara apia, “Ei taumata apan mattate, pasingkata'e su umattu Israel su ola'u Wal᷊e-U indi wuṛṛu doloṛṛa'e i mangitou mamarikissa ṛiinne. Ola'e i mangitou masili ana waugu al᷊awo'u rosa mangitou.

MATIUS 7:29

Ana waugu i Tou mangngaṛṛa'a ringannu saṛṛaungnge tawe ere manga hurun agama mangitou.

MARKUS 3:17

i Yakobus wuṛṛu i Yohanes tuṛṛangnge, eteudde al᷊aṛṛana'i i Zebedeus (i mangitou indi inonggol᷊annu aranna Boanerges atappasanne “ana'u rallu'a”),

1 KORINTUS 2:4

Watti'a apan ta'u niapaasingkata si yamiu tawe ta'u niwatti'a ringannu al᷊awo'u wisara apan ipammono'a tumuṛṛutta apanden taumata. I ya'u mabbatti'a udde ringannu lal᷊anna apan mappatiala manungku Ghaṛṛahon Duata uataṛṛino.