MIKHA 3:5 - WUKE SUSI WATTI'U AL᷊AL᷊USASSA

⁵ Walahangku niwahiannu manga nabi apan manni'attu apapia su taumata apan tawe mongonggolla. Su manga nabi aroddi, Mawu nabbisara,

MIKHA 3:5 Iomraidhean Croise

AMSAL 28:21

Dal᷊eo udde mammile taumata; arawe piaddu lai mallaṛṛuungnga apan mallinga tumba'u ana see maasomba roitta addio'a.

YESAYA 3:12

Uma-U sarun allangannu taṛṛa rea'a auntunganna wuṛṛu ipakkan taumata taṛṛa iṛṛuppa daṛṛa. Uma-U sarun ial᷊iwun manga piaṛṛangnge na'oman sara waggate lai dal᷊anna apan ṛinone amatanni mangitou.”

YEREMIA 23:27

I mangitou maṛṛingidda manungku ringannu manga wal᷊iawa apan iwabbatti'i mangitou udde, uma-U wotongnge maabul᷊i-U ere lai al᷊amona mangitou naabul᷊i-U wuṛṛu nassubba si Baal.

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 6:4

I mangitou sarun mabbisara, “Wette, pandiahite inai mamangalo Yerusalem! Wette i ite mamangalote allo indi!” Arawe wua'udde i mangitou nabbisara apia, “Uare, nal᷊iwuete! Allo maranite marandumma, manga lintau mannattakke mallo'engnga.

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

HOSEA 4:5

Allo ṛabbi i yamiu ma'ola'a pasasal᷊a, aroddi lai manga nabi. Ana waugu udde i Ya'u sarun manginsue Israel, inangngu.

YOEL 3:9

Al᷊iata'e parenta indi su manga walahanna: Pandiahite inai mapangalo wuṛṛu maannammu atatohassa! Pasabbanga'e manga taumata waṛṛani wuṛṛu atumannaṛṛanne, ammul᷊a'e anambon tantara, wuṛṛu inaite!

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

MALEAKHI 2:8

Arawe orassa indi, i yamiu, manga imam, buatte nanewadda wuassu lal᷊anna apan naṛṛino. Manga al᷊aṛṛangngu buatte namol᷊engnga manambo taumata ma'ola'a pasasal᷊a. I yamiu buatte nanggohakka paaire apan Ta'u niola'a ringanni yamiu.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

MATIUS 7:15

“Paatehamma su manga nabi awusu. I mangitou nirumanta ringanni yamiu, lihide ere domba, arawe i mangitou ṛinone ere serigala apan mal᷊aṛṛaga.

ROMA 16:18

Ana waugu manga taumata inolaanne aroddi, wal᷊inewe mammanara manaran Kristus Mawun kite, ewe'e tumba'u mappaal᷊uassu apulu naungngi mangitou sassane. Ringannu sasal᷊o'a wuṛṛu manga wisara apan mapia, i mangitou mammahia manga taumata apan waggan apa-apa.