MIKHA 3:3 - WUKE SUSI WATTI'U AL᷊AL᷊USASSA

³ I yamiu niuminassa walahangku. Pisine mangke nihesa'i yamiu wuṛṛu manga duṛṛine niṛṛimunsa'i yamiu. I yamiu mangke nanattadda si mangitou nal᷊ihidda manattadda ṛemessa itaṛṛo sulal᷊ummu urinna.

MIKHA 3:3 Iomraidhean Croise

DARALO 14:4

Unnu Mawu, “Apa manga taumata lal᷊eo udde tawe maatutukka? I mangitou mabbiakka ringannu manna'o al᷊aṛṛana-U wuṛṛu tawe saran paassa niumal᷊iomanna si Ya'u.”

DARALO 27:2

Amungkangu i ya'u pangaloannu taumata lal᷊eo apan mamate si ya'u, ete i mangitou apan itarane wuṛṛu mal᷊iundu'a.

AMSAL 30:14

Pia taumata apan maddea'a wiakka ringannu araṛṛagissa; i mangitou mal᷊aṛṛaga wuṛṛu mallinga taumata asiangnga see lai taumata lome.

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 3:15

Anio i yamiu mangngallangnga uma-U wuṛṛu manganu saranapan taumata asiangnga? I Ya'u, Mawu Apan Atanggaṛṛanne wuṛṛu Lembontaṛṛino buatte nabbisara.”

YEHEZKIEL 11:3

Ana waugu udde wal᷊oa'a tanata-U su ola'u ṛuumanna si mangitou, ei taumata apan mattate. Ana waugu i mangitou mabbisara, ‘Tate mal᷊annu lai manga wal᷊en indi sarun iapararisikki ite apia. Soa indi uddewe urinna wuṛṛu i ite ṛemessa sulal᷊umme. I ite sarun mal᷊angnganna wuassu putungnga ana waugu lal᷊indumannu urinna indi.’ ”

YEHEZKIEL 24:4

Taṛṛoa'e ṛemessa sulal᷊umne ṛemessa apan apianne temange; ṛemessu wambangnga wuṛṛu ṛemessu palange see manga duṛṛi apan manambo taggal᷊alukke.

AMOS 8:4

Paddaringikke, ei i yamiu apan mangngallangnga taumata asiangnga su wanua indi na'oman sara i mangitou nate!

MIKHA 2:8

Mawu sinumimbakka, “Ete i yamiu apan namangalo uma-U ere seetta. Taumata nawelengnga wuassu pangalo ringannu antimma sarun mapendamma atatamudda su wal᷊ene, wutte'e poiaroddi i yamiu erete ual᷊aṛṛaddo mangaṛṛo wal᷊ene.

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.