MIKHA 2:7 - WUKE SUSI WATTI'U AL᷊AL᷊USASSA

⁷ Imbaṛṛangnga massunna umattu Israel buatte niwontohannu Mawu! Mawu sarun tawe ma'ola'a olangnge aroddi. I Tou saran paassa tawe mawul᷊i asasabbare-Ne. Wal᷊inewe i Tou uahahatto ringannu masaṛṛionto'a su manga taumata apan ma'ola'a apapia?”

MIKHA 2:7 Iomraidhean Croise

DARALO 119:65

I'o buatte nanipussu paaire-Nu, oh Mawu, wuṛṛu na'ola'a apapia su allang-Ngu.

DARALO 119:68

Ana waugu I'o mapia wuṛṛu na'ola'a apapia, i ya'u aṛṛa'ewen manga tita-Nu.

DARALO 15:2

Taumata apan mabbiakka tawe sangkulle wuṛṛu inolaanne mapia, wuṛṛu ringannu matul᷊idda mabbisara suṛṛinone;

DARALO 18:26

Mawu, I'o mallu'adda su taumata apan matuṛṛutta wuṛṛu mapia su taumata apan mapia.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

AMSAL 10:29

Mawu ual᷊u'adda taumata matul᷊idda, arawe mammate taumata inolaanne lal᷊eo.

AMSAL 10:9

Taumata matul᷊idda, mabbiakka mal᷊angnganna; taumata apan mallinga sarun asingkatanna.

AMSAL 14:2

Taumata apan matul᷊idda matta'utta wuṛṛu maaddatta su Mawu Ruata; taumata apan wiakke wengkolle manggaddio'a si Tou.

AMSAL 2:7

Su taumata apan matul᷊idda wuṛṛu tawe sangkulle, i Tou niumontolla wuṛṛu nanillumma.

AMSAL 28:18

Taumata apan mabbiakka ringannu tawe sangkulle sarun masal᷊amatta. Taumata apan u'al᷊iwu wiakke, sarun manawo.

YESAYA 50:2

Anio wuassu uma-U tawe saran sangkatou sinumimbakka, sutempo i Ya'u mammaggo si mangitou? Apa i mangitou mal᷊annabba ana waugu massunna i Ya'u tawe mapaamallossa wuṛṛu maapanal᷊amatta si mangitou? Atonna-tonna, wuassu parenta-Ku tahal᷊oangnga nabbal᷊i mamara, manga sal᷊ukka Ta'u niola'a wadda'u anne, na'oman sara manga inassa nate wuṛṛu hal᷊urune mawukku'a.

YESAYA 58:1

Mawu nabbisara, “Pangintul᷊ite ringannu ahewallu auatanna! Pasingkata'e su uma-U manga rosa mangitou.

YEREMIA 15:16

I'o mabbisara si ya'u, wuṛṛu naddaringikka suapan iwisara-Nu. I ya'u tatahuanannu, oh Mawu Ruata Apan Lembontaṛṛino, ana waugu udde manga wisara-Nu ma'al᷊uassa wuṛṛu maalal᷊umanna'a si ya'u.

YEREMIA 2:4

Paddaringikke tanata Mawu, ei i yamiu pallaṛṛiten Yakub, manga walahannu Israel!

HOSEA 14:9

Taumatan Israel sarun mandammen manga paal᷊uanna apan sassubbanne; i mangitou Ta'u paddul᷊iananna wuṛṛu Ta'u daringiṛṛanna aal᷊iomanne. Naal᷊ihidda aaluanna apan uasaṛṛihalo rongngane, i Ya'u sarun manirungnga si mangitou. Ete i Ya'u punnu al᷊awo'u al᷊amatti mangitou. I Ya'u, Mawu, buatte nabbisara.”

MIKHA 3:9

Paddaringikke manga wisara'u indi, ei i yamiu tembonannu Israel apan maddantinnu atatul᷊idda wuṛṛu mammal᷊elongngu apapia.

ZAKARIA 4:6

Mala'ekatta udde nandalo'u mamasingkatta si Zerubabel tanata Mawu indi, “Wal᷊ine ringannu atatohassu tantara wuṛṛu wal᷊ine lai ringannu atatohannu sassane i'o sarun maauntunga, ewe'e ringannu Ghaṛṛaho-U.

REENGANNA 11:23

Mawu sinumimbakka, “Apa taṛṛino-U pia patta'al᷊anne? I'o sarun mal᷊ihakka maasilo sarangkanambone apan Ta'u niwisara udde atonna mariaddi ara'e tawe!”

MATIUS 3:8

Pasiloa'e ringannu pallal᷊agunu, manungku i yamiu nawal᷊ute wuassu manga rosanu.

YOHANES 8:39

I mangitou sinumimbakka, “Iamangngi yami eteudde i Abraham.” “Unnu wisara atonna-tonna i yamiu ana'i Abraham,” unnu Mawu Yesus, “i yamiu ṛinone ma'ola'a apa apan a'olaanni Abraham.

ROMA 7:13

Ei, apa indi atappasanne manungku apapia udde mandantan papate si ya'u? Asinungka tawe! Tumba'u rosa apan mandantan papate udde. Ringannu mappaattu apapia, rosa mandantan papate si ya'u, tadea'u pallal᷊agun rosa aasiloanna ringannu masemakka. Wuassu lal᷊ummu manga parentan Duata, niatialanna manungku lal᷊eo atonna rosa udde.

2 KORINTUS 6:12

I yami manutuba naungngi yami si yamiu, tumba'u i yamiu mammuni naungngi yamiu si yami.

2 TIMOTIUS 3:5

Salaiwe su ola'u waddangnga, i mangitou matuṛṛutta mappaamattu titan agama, arawe maddiri manengkamma lal᷊oṛṛon watiti'u agama udde sassane. Paarau manga taumata ereudde.