MIKHA 2:3 - WUKE SUSI WATTI'U AL᷊AL᷊USASSA

³ Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.

MIKHA 2:3 Iomraidhean Croise

YESAYA 29:20

Eteudde panguddusannu manga taumata apan mangngallangnga taumata waine wuṛṛu mallobbossa Ruata. Ruata sarun makkadda'a anambon taumata marosa,

YESAYA 3:16

Mawu nabbisara, “Mawunga atonna manga wawinen Yerusalem! I mangitou mammanemma, apulune mangngangkeramma wuṛṛu u'amatta ringannu mawunga. Lempangnge a'olaanna, wuṛṛu mangke sussal᷊ensekka tingikku manga hal᷊angnga su leddane.

YESAYA 5:19

Wisaranu, “Wala'e Mawu Ruata susin Israel mal᷊ihakka ma'inolaanna! Wala'e i Tou mapaamattu ṛiin-Ne, tadea'u i ite maasilo wuṛṛu maasingkatta.”

YEREMIA 18:11

Mawu nabbisara si ya'u, “Orassa indi, wal᷊oa'e su manga taumatan Yehuda wuṛṛu tumana'u Yerusalem manungku i Ya'u tantal᷊anna makkiinna mando'appa si mangitou, wuṛṛu mannaddiate ṛuumanna ionggolla si mangitou. Doloṛṛa'e i mangitou mangaddon ola'u pabbiaṛṛanni mangitou apan marosa udde see mangapia pallal᷊agu wuṛṛu inolaanni mangitou.

YEREMIA 27:12

Si zedekia ratun Yehuda, i ya'u, Yeremia mamasingkattu watti'a apan uasul᷊ungnga. I ya'u mabbisara, “Passuṛṛubbawate su ratun Babel. Paatuṛṛutte si tou wuṛṛu araratuanne, tadea'u i Tuangnga masal᷊amatta.

YEREMIA 36:23

Aroddi lai i Yehudi napawe buatte nabbasan tatallu ara'e appattu addoanne, ratu namototta wageangnge udde ringannu lari'a addio'a wuṛṛu tinuntungnga sulal᷊ummu putungnga. Etearoddi sidutu niolangnge na'oman sara buke lalul᷊unanna udde nasuen tutungnge.

YEREMIA 43:2

Ana see i Azarya ana'i Hosaya wuṛṛu Yohanan ana'i Kareah see anambon taumata waine apan mawunga udde nabbisara si ya'u, “I'o mangngawusu. Mawu Ruatang kami tawe nandolokku maningaddi yami inai matana'a su Mesir.

YEREMIA 8:3

Ne manga taumata apan ta'e wiakka wuassu walahanna apan dal᷊eo indi apan buatte Ta'u nisal᷊iawukka su al᷊awo'u tampa sarun mappulun mate wuassu mabbiakka. I Ya'u, Mawu Apan Lembontaṛṛino, buatte nabbisara.”

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

LAL᷊ALLU 2:17

Mawu buatte napaamattu wawansa-Nge apan dorone niṛṛiinna wuṛṛu niapanaung-Nge si ite. I ite niṛṛimunsa-Ne ringannu tawe aakkanna, seetta nionggol᷊an-Ne auntunganna. I Tou na'ola'a si mangitou lulluassa naasilo ananawon kite.

LAL᷊ALLU 5:5

Naal᷊ihidda winatangnga, i yami niwata'a mammanara mawakkatta, i yami nal᷊otakke, arawe tawe nionggol᷊annu tempo mangillol᷊o.

DANIEL 4:37

Nariaddi orassa indi i ya'u, Nebukadnezar maddalo, mannanggakka wuṛṛu mammantuga Ratun Surga. Al᷊awo'u inolaan-Ne atonna wuṛṛu matul᷊idda wuṛṛu i Tou wotongnge mapaawawon taumata apan pallal᷊anune mawunga.

AMOS 2:14

Tumatal᷊angnga apan mal᷊ihakka lai sarun tawe maal᷊assangnga, taumata matohassa sarun awul᷊iannu ikkanne, wuṛṛu taumata waṛṛani tawe mapanal᷊amatta watanganne sassane.

AMOS 3:1

Paddaringikke tanatan Mawu indi, ei walahannu Israel apan buatte niapiddu Mawu sinumabbangnga wuassu Mesir! Mawu nabbisara,

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

AMOS 5:13

Ana waugu pallal᷊agunu udde, ne manga taumata apan pande mammendamma mappianne uatatana'a mal᷊annabba sutempo apan dal᷊eo ereudde.

MIKHA 2:1

Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

ROMA 16:4

I mangitou maraniten mate, ana waugu maapulu manal᷊amatta sia'u. I ya'u maadiangkamanna si mangitou – wuṛṛu wal᷊ine tumba'u i ya'u, arawe anambon jamaatta wuassu walahanna waine apan wal᷊ine Yahudi lai maadiangkamanna si mangitou.

EFESUS 5:16

Paahuna'a mapia-pia tempo apan tatahuanannu, ana waugu tempo indi tempo apan lal᷊eo.

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

YAKOBUS 2:13

Ana waugu Ruata tawe mapaal᷊iatta'u darangngu-Ne su taumata apan tawe maaillal᷊a darangngu. Arawe darangngu mattohasanna wuassu ṛuumanna!