MIKHA 2:13 - WUKE SUSI WATTI'U AL᷊AL᷊USASSA

¹³ I Ya'u sarun mamu'a lal᷊anna wuṛṛu mangapiddi yamiu sumabbangnga wuassu pamamuanganna. I yamiu sarun manggohakku manga ngara wahewalla wuṛṛu umamatta ringannu tawe singkal᷊one. I Ya'u, Mawu sassane, uddewe Ratunu, wuṛṛu i Ya'u sarun mamiaṛṛa'i yamiu sumabbangnga.”

MIKHA 2:13 Iomraidhean Croise

SASABANGNGA 14:19

Ana see mala'ekattu Ruata, apan su saruannu tantaran Israel, nangingkatta su liudde. Wuṛṛu nangingkatte lai pal᷊iaṛṛannu winabbawa na'oman sara naaddo,

YESAYA 42:7

Tadea'u ipamu'a matan taumata wuta, wuṛṛu ipamallossu taumata wuassu ararandummu tuttupanna.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 52:12

I yamiu sarun tawe masasaṛṛawutta inai, wuṛṛu tawe ere taumata tumal᷊angngu watanganne. Ana waugu Mawu sarun mangehetta si yamiu; Ruatan Israel mallu'adda si yamiu wuassu anambon pappi'uanne.

YESAYA 55:4

Mangke atonna, i tou Ta'u itenega piaṛṛa'a wuṛṛu panglima, tialan taṛṛino-U su manga walahanna.

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

HOSEA 2:2

Mawu nabbisara, “Ei manga ana-U, inangngu wal᷊ine awing-Ku, wuṛṛu i Ya'u wal᷊ine awingnge. Ana waugu udde, hattoa'e i tou tadea'u i tou tate ma'ionolaanna lal᷊eo wuṛṛu sumandaga apia.

HOSEA 3:5

Arawe sarun dumanta tempone walahannu Israel mabbelengnga ringannu Mawu Ruatan mangitou, wuṛṛu ringannu ratun mangitou wuassu papapulunni Daud. Ana see i mangitou sarun mata'utta wuṛṛu mangadatta Mawu, see manengkamma manga al᷊aman-Ne.

MIKHA 2:12

Mawu nabbisara apia, “Ei umattu Israel apan ta'e nallambe! I yamiu sarun Ta'u iammulla wuṛṛu Ta'u iaukka ere domba apan nabbelangnga su tandangnge. Naal᷊ihidda wadda'u nannal᷊o apan napenen domba, aroddi lai wanuanu sarun mapene apia ringannu taumata marasai.

MIKHA 3:1

Paddaringikke, ei i yamiu manga tembonannu Israel! Ṛinone i yamiu masingkattu apa apan matul᷊idda, arawe i yamiu ewe'e maddantinnu apapia, wuṛṛu mal᷊uassu al᷊al᷊eo. Walahangku niluussi yamiu ta'e wiakka, wuṛṛu niluatti yamiu ṛemene wuassu manga duṛṛine.

MIKHA 4:7

I mangitou buatte niapal᷊ome wuṛṛu marau wuassu ampungnga inasungkanganne. Arawe, wuassu manga taumata apan nalambe udde i Ya'u sarun manattakku sambau pallaṛṛite apan wakku. I mangitou sarun maola'a walahanna apan wahewalla wuṛṛu matohassa. I Ya'u sarun mamarenta si mangitou su Wuiddu Sion saran mal᷊annu-l᷊annu.”

ZAKARIA 10:12

I Ya'u sarun manohassa uma-U, i mangitou sarun matuṛṛutta wuṛṛu mattaṛṛamawu si Ya'u. I Ya'u, Mawu, buatte nabbisara.”

IBRANI 6:20

Mawu Yesus suete namu'a lal᷊anna watukku tampa udde si ite, wuṛṛu suete sinumutta poiaroddi naola'a Imam Bahewang kite sara mal᷊annu-l᷊annu, ere Imam Malkisedek.

YOSUA 3:6

Ana see i Yosua nandolokku manga imam tadea'u mamasanna Wantalu Pa'aire udde ana see inaite inumamatta malliu ṛoro ṛuangannu Israel. Ne i mangitou tinumuṛṛute parentan Yosua.

SONDAPPA 17:14

I mangitou sarun mamangalo lumawanna Ana'u Domba udde. Arawe Ana'u Domba udde wuṛṛu mallal᷊aṛṛenggen-Ne apan matuṛṛuta apan suete niwagoan-Ne wuṛṛu nipile-Ne udde sarun mapaarugi manga ratu udde, ana waugu ete i Tou Mawun al᷊awo'u tuangnga, wuṛṛu Ratun al᷊awo'u ratu.”

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”