MIKHA 2:1 - WUKE SUSI WATTI'U AL᷊AL᷊USASSA

¹ Nasilakate manga taumata apan manggolagu al᷊al᷊eo tantal᷊anna ual᷊allowangnga su tampan tatiil᷊anna sutempo ṛabbi, ana see niola'a sutempo marua allo ana waugu i mangitou pia atatohassa ipa'ola'a udde.

MIKHA 2:1 Iomraidhean Croise

PANDARIADDI 31:29

I ya'u ta'e matohassa ma'ola'a al᷊al᷊eo su saruannu, arawe na'allawanna Ruata apan sassubbannu iamangngu napaanaungnga si ya'u tadea'u imbaṛṛanga i ya'u mamansagu.

1 MARARATU 21:7

“I'o indi ratun Israel!” sasimbakki Izebel. “Pabbangunte orassa indi wuṛṛu ante. Paal᷊uasse naungngu, ana waugu i ya'u sarun mangonggollu waillu anggori Nabot si'o!”

ESTER 3:8

Ana see Haman nabbisara ratu, “Tuangnga, pia sambau walahanna maatiangnga apan uasal᷊iawukka su al᷊awo'u propinsin araratuanna indi. Adattu inanaramanne uapapaṛṛala atonna ringannu manga walahanna waine. Tuangnga imbaṛṛangnga mamalan mangitou ma'ola'a walate apulun naungnge.

ESTER 5:14

Naaringikka udde awingnge wuṛṛu anambon manga hawene naṛṛingidda arendi, “Doloṛṛa'e ma'ola'a diṛṛi panggahantonganna atanggakke daruan pul᷊o dua su meterene. Ana see tiṛṛabbine, marua allo atonna paddorongke su ratu tadea'u manggantongngi Mordekhai su diṛṛi udde. Ringannu aroddi i'o wotongnge inai watukku sal᷊iwangnga udde ringannu naungnga apan matammudda.” Ṛingidda udde mapia atonna tumuṛṛuttu addapatti Haman, ana waugu i tou lapiddu napaola'u diṛṛi panggahantonganna udde.

ESTER 9:25

Arawe Ester sinumaruanna ratu, wuṛṛu ratu nangonggollu parenta uawoṛṛetta na'oman sara hol᷊aga lal᷊eo apan niola'i Haman naṛṛia'a su watanganne sassane, wuṛṛu lai i tou see al᷊aṛṛanangnge nihantongnga su diṛṛin panggahantonganna.

AYUB 15:35

Uddewe i mangitou apan makkiinnu al᷊al᷊eo wuṛṛu mappaamanne; awusu wawahia sidutu sulal᷊ummu naungnge.”

AYUB 24:14

Sutempo maraninnallo i taṛṛa pate nabbangunna wuassu atatiille, wua'udde sinumabbangnga wuṛṛu namate taumata asiangnga, wuṛṛu tantal᷊anna taambe maruaallo, i tou mangngal᷊oto'a naal᷊ihidda manana'o.

DARALO 36:4

Manga wisarane lal᷊eo wuṛṛu napenen wawahia, i tou tate lai ma'ola'a apapia wuṛṛu apapande.

DARALO 36:5

Su tampan tatiil᷊anna i tou manggol᷊agu al᷊al᷊eo, inolaanne taweddu mapia, iapa lal᷊eo tawe ito'ene.

DARALO 58:3

Tawe, i yamiu manggol᷊agu al᷊al᷊eo, wuṛṛu mangngal᷊iba'ukka su wanua indi.

AMSAL 12:2

Taumata mapia arangnguannu Mawu, arawe taumata apan makkiinnu al᷊al᷊eo sarun iṛṛuumanna.

AMSAL 14:22

Isai mattinsahaddu apapia, sarun pangimananna wuṛṛu aaddatanna; isai manggol᷊agu al᷊al᷊eo i tou su lal᷊anna nassal᷊a.

AMSAL 3:27

Amungkangngu i'o pia lebbene ipa'ola'a apapia su taumata apan mappandumma apapianu, ariewe i'o manola'a ma'ola'a olangnge udde.

AMSAL 4:16

Taumata lal᷊eo tawe maatiilla tantal᷊anna taambe na'ola'a al᷊al᷊eo. I mangitou tawe amatiil᷊anna tantal᷊anna taambe napanilaka taumata waine.

YESAYA 29:20

Eteudde panguddusannu manga taumata apan mangngallangnga taumata waine wuṛṛu mallobbossa Ruata. Ruata sarun makkadda'a anambon taumata marosa,

YESAYA 3:14

Mawu naola'a mallaṛṛuungnga su manga mamamiaṛṛa'u uman-Ne. Eteindi papaṛṛansillu Mawu si mangitou: “Ete i yamiu apan nangaṛṛo wuan manga wawail᷊annu anggore; wal᷊enu napenen darotongnga apan niaṛṛon kamiu wuassu taumata asiangnga.

YESAYA 32:7

Arawe sangkatou taṛṛa awusu maṛṛingidda wuṛṛu ma'ola'a al᷊al᷊eo. I tou maddea'a ṛingidda ipanilaka taumata asiangnga ringannu manga wisara awusu wuṛṛu mannal᷊awa'a si mangitou tadea'u tawe maasomba hakkane.

YESAYA 5:8

Nasilakate i yamiu apan namalli manga wal᷊en wuṛṛu nangaṛṛo manga wailla ipanimu darotongngu! Tate mal᷊annu lai masuete tampan taumata waine wuṛṛu ete i yamiu apan matana'a su wanua udde.

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEHEZKIEL 11:2

Ruata nabbisara si ya'u, “Ei taumata apan mattate, eteindi manga taumata apan manggol᷊agu al᷊al᷊eo su soa indi wuṛṛu mangngonggolu al᷊aṛṛa'a apan mangngal᷊iwu.

YEHEZKIEL 33:26

I yamiu mangngasakku hal᷊elenu. Inolaannu udde maarantinna. I yamiu sarangkanambone ma'ola'a pasasandaga. Ta'e waṛṛani lai i yamiu manga'u leta'a indi pussa'anu?

YEHEZKIEL 38:10

Mawu Apan Atanggaṛṛanne nabbisara si Gog, “Sutempo udde i'o sarun mangatokku ṛiinnu apan dal᷊eo.

YEHEZKIEL 46:18

Tembonanne udde tawe botongnge manganu sarang addio'a wuassu darotongngu tumanangnge. Tumba'u letangnge sassane apan botongnge ionggolla su manga anangnge esakka ma'oman sara tawe saran sangkatou wuassu uma-U wotongnge iapatal᷊ei wuassu darotongnge.”

MIKHA 6:12

Manga taumata ala su soanu mangngallangnga taumata asiangnga, wuṛṛu sarangkanambone taṛṛa awusu.

NAHUM 1:11

Wuassi'o, ei Niniwe, nirumantate sangkatou apan napenen hol᷊aga lal᷊eo. I tou manggol᷊aga tadea'u lumawangnga Mawu.

ZAKARIA 7:10

Imbaṛṛangnga mangallangnga manga wawine wal᷊u, al᷊aṛṛana'a asisin timpal᷊ussa, manga taumata raho apan namanua su pattangnganni yamiu, ara'e isai-sai apan sulal᷊ummu awussa. Wuṛṛu imbaṛṛangnga lai manggolagu al᷊al᷊eo su saruannu sansul᷊ungu.’

MARKUS 15:1

Ruaallo atonna, manga Mallaṛṛuungngu Agama nasutta lai manga imam tembonanne, manga piaṛṛa'u taumatan Yahudi wuṛṛu manga hurun agama mal᷊iha-l᷊ihakka na'ire. I mangitou naṛṛapussa Mawu Yesus, wua'udde nangapiddi Tou wuṛṛu tinantilla si Pilatus.

LUKAS 20:19

Manga hurun agama wuṛṛu manga imam tembonanne naasingkatta manungku sasumandingnga udde ipammasendekku Mawu Yesus si mangitou. Ana waugu udde i mangitou pia pandumma manametta si Tou orassa udde lai, arawe i mangitou matta'uttu taumata nambo.

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

WATTI'U MANGA RASUL 23:12

Tiṛṛabbine ruaallo atonna, manga taumatan Yahudi, nanattakke ma'ammula. I mangitou nassalu tawe umanna ara'e ma'inumma amungkangngu i mangitou taambe naapate si Paulus.

WATTI'U MANGA RASUL 23:15

Ne orassa indi manga tuṛṛangnga ringannu manga Mallaṛṛuungngu Agama ṛinone mapaapiddu suratta su tembonannu tantaran Roma udde ipadorongnga i tou mangapiddi Paulus mabelengnga sumaruanna si yamiu, paṛṛimau napa i yamiu mamarikissa apia hattone ringannu ma'uduppa. Wuṛṛu i yami uasasadiate mamate si tou tantal᷊anna i tou taambe na'oma isindi.”

ROMA 1:30

apulune mandal᷊eo arannu taumata waine; i mangitou mawunga wuṛṛu tawe atoranne, apan maddantinnu Ruata wuṛṛu mataṛṛupassi. I mangitou pande madea'a lal᷊anne wakku ipadea'a al᷊al᷊eo. I mangitou lullawanna timmadde;

TAHIUL᷊E 28:32

Su saruannu matanu manga al᷊aṛṛanangngu sarun ionggola su taumata raho maola'a allangnga. Miallo-miallo matanu mapal᷊atta maddea'a manga anangngu, arawe sahaddu udde tawe gunane, ana waugu i mangitou tate mabelengnga.