MIKHA 1:8 - WUKE SUSI WATTI'U AL᷊AL᷊USASSA

⁸ Ana waugu udde i ya'u, Mikha, massusa naungnga wuṛṛu sussal᷊iomanna. I ya'u sarun umamatta ringannu tawe laubba wuṛṛu tawe sapatu tadea'u iapal᷊iatta'a aroddi asusane naungku. I ya'u sarun tumawanna ere asun ahuranganna wuṛṛu maggontol᷊anna, ere manu'a unta.

MIKHA 1:8 Iomraidhean Croise

2 MARARATU 18:13

Sulal᷊ummu tonna apul᷊o appanne i Hizkia ratun Yehuda uaparenta, manga soan Yehuda apan pia tatandange watu nipangaloanna wuṛṛu niwaddon Sanherib, ratun Asyur.

ESTER 4:1

Sutempo Mordekhai naaringikka apa apan buatte nariaddi, i tou nanggesa'a laungnge wuṛṛu nalluṛṛen laubba karongnga tatialan massusa. I tou nanal᷊iawukku awu su puane, ana see niumamatta su soa lapiddu lulluai ringannu ma'ikkatta wuṛṛu massusa.

AYUB 30:29

Tingi'u massusa napenen tatal᷊antuppa naal᷊ihidda lal᷊allun serigala wuṛṛu manu'a unta.

DARALO 102:6

I ya'u ma'uare ringannu ma'ikkatta; wadangku nallambe ete pisi uapi'unna duṛṛi.

YESAYA 13:21

Tampa udde sarun atanaannu manga winatangnga mal᷊aṛṛaga. Mammeo sarun massal᷊akka su manga wal᷊e mangitou, wuṛṛu manu'a unta sarun matana'a poiaroddi. Manga ambingnga matengnga sarun sumolo'a suwallattu manga wal᷊en apan nangkaṛṛa'a.

YESAYA 13:22

Tatawannu asung kahuranganna wuṛṛu serigala pia sanseongnge wuassu manga puri wuṛṛu manga wal᷊en araratuannu Babel. Tempo ananawone maraniten a'omanna wuṛṛu allone tate iasoṛṛotta lai.”

YESAYA 16:9

Orassa indi i ya'u lulluaiten baillu anggori Sibma ere lai i ya'u lulluain Yaezer. Allo mata'u tinumuro ana waugu Hesybon wuṛṛu Eleale, ana waugu hessin sinuananne ni'annu seetta sara nasue.

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

YESAYA 22:4

Imbaṛṛangnga ma'innunu si ya'u; wala'e i ya'u lumuai manga taumata wuassu pabbawala'u apan natete. Arie maannamma maminalatta si ya'u.

YESAYA 32:11

Maddatingngu orassa indi i yamiu mabbiakka matemangnga, nal᷊iudda wuassu asasusa. Arawe orassa indi, mangngiladden atata'utta! Luatte laungngu wuṛṛu reṛṛota'e nasa su lawannu.

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 9:19

Su Sion niaringikka tingikku lal᷊uai, “I ite matete wuṛṛu tumaniten niapaasili. Wanuan kite ṛinone itantangngi ite, manga wal᷊eng kite naṛṛusa'a pasital᷊eṛṛonga.”

YEHEZKIEL 32:18

“Ei taumata apan mattate, lallal᷊ote su lal᷊oṛṛon soa su Mesir. Doloṛṛa'e i mangitou watukku runian taumata nate suadio'a ringannu manga wanua apan matohassa waine.

MIKHA 2:4

Pal᷊addu pabbiaṛṛannu sarun ipaattu taumata maola'a papasendekka, wuṛṛu i mangitou sarun mangarangngu aantarin lal᷊al᷊o indi, ‘Mawu buatte mangaṛṛo wanuan kami indi wuṛṛu nionggolla su taumata apan nanawanna si yami. I yami mangke naṛṛimunsa'e atonna-tonna.’ ”

1 SAMUEL 19:24

Napawe na'omate poiaroddi, i tou nalluatta laungnge wuṛṛu nassal᷊aingnga lapiddu mangngintul᷊i su saruanni Samuel, ana see nawantingnga su leta'a ringannu uatantol᷊e su al᷊o'engngu allo wuṛṛu ṛabbi. (Eteindi panattaṛṛannu sasanato'a apan tingikke, “Apa i Saul naola'e lai nabi?”)