MIKHA 1:5 - WUKE SUSI WATTI'U AL᷊AL᷊USASSA

⁵ Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?

MIKHA 1:5 Iomraidhean Croise

1 MARARATU 11:7

Roso su wowone su samba'a ra'in Yerusalem, i tou napararisikku tampa passubbanna si Kamos, mongannu taumatan Moab, wuṛṛu si Molokh, mongannu taumatan Amon – itarua udde monganna apan ma'arantinna.

1 MARARATU 13:32

Apa apan buatte niwisarane wuassu parentan Mawu su saruannu mezbah su Betel udde wuṛṛu su saruannu anambon tampa patataṛṛamawuanna su manga soan Samaria atonna sarun matipussa.”

1 MARARATU 16:24

Arawe wua'udde i tou namalli sambau wowone areggane 6.000 roitta sal᷊a'a wuassu sangkatou aranne i Semer. Ana see i tou napararisikku sambau soa su wowone udde wuṛṛu nisaggone Samaria, tumuṛṛuttu aranni Semer, tatahuannu wowone udde dorone.

2 TAWARIKH 34:3

Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.

2 TAWARIKH 34:4

Manga paal᷊uanna wuṛṛu manga monganna udde nihohakku tantaran Yosia ana see omane nisal᷊iawukki mangitou su wowon labbingu manga taumata apan mangngonggolu sasamba su manga monganna udde. Manga mezbah Baal wuṛṛu manga mezbah amania isudde niṛṛa'an mangitou.

YESAYA 7:9

Israel tawe mattohasanna wuassu Samaria, inangngu soane, wuṛṛu Samaria tawe mattohassanna wuassi Ratu Pekah. Amungkangngu i yamiu tawe atonna-tonna mangngimanna si Ya'u, i yamiu sarun tawe maaro'appa.”

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 23:13

Rosa manga nabin Samaria suelen niasiloang-Ku. I Ya'u naasilote. I mangitou mabbisara ringannu aranni Baal, wuṛṛu mangngal᷊iwun Israel uma-U.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

YEREMIA 5:25

Arawe manga rosanu eteudde maola'a hal᷊ahe su al᷊awo'u apapia, na'oman sara i yamiu tawe maatemma udde.

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

LAL᷊ALLU 5:16

Al᷊al᷊uassi yami nasuete, i yami nasilaka ana waugu marosa.

YEHEZKIEL 16:46

Iaangngu uddewe Samaria su sawannakka ringannu anambon ampungnge. Wuṛṛu tuarinu uddewe Sodom su timukka ringannu anambon ampunge.

HOSEA 7:1

Mawu nabbisara, “Suapan i Ya'u mappulu mangundamma uma-U Israel wuṛṛu mamelengngu ola'u pabbiaṛṛanni mangitou, ne apan Ta'u aellehanna tumba'u al᷊al᷊eo wuṛṛu rosan mangitou. I mangitou ual᷊al᷊inga, i mangitou sussutta su wal᷊en taumata maddea'a manna'o, wuṛṛu i mangitou mangngaṛṛo su manga lal᷊anna.

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

AMOS 7:9

Manga tampa apan nipaattu papapulunni Ishak pattaṛṛa mawuanna sarun hoaṛṛanna. Manga tampa susin taumatan Israel sarun iapaaṛṛa'a. I ya'u sarun makkimunsa'a papapulunni Ratu Yerobeam.”

AMOS 8:14

Manga tumata apan nassalu ringannu paal᷊uannu Samaria mabbisara, ‘Sulal᷊ummu mongannu walahannu Dan’, ara'e ‘Sulal᷊ummu Mongannu Bersyeba’ – sarun manawo wuṛṛu tate maawuatta apia.”

MIKHA 1:13

I yamiu tumana'a Lakhis, pasea'e awal᷊o su Keretan pangalo! I yamiu nattanno manga rosa apan niola'a Israel na'oman sara Yerusalem narosa lai.