MIKHA 1:10 - WUKE SUSI WATTI'U AL᷊AL᷊USASSA

¹⁰ Imbaṛṛangnga mamasingkatta su manga seetti ite su Gad su ola'u asasilakan kite; arie mamalan mangitou ma'ellega si yamiu lulluai. Ei tumana'u Bet-Le-Afra, tattal᷊inggite su awu maol'a tatiala sinumassilla!

MIKHA 1:10 Iomraidhean Croise

2 SAMUEL 1:20

Antimanna manga taumatan Gat tawe maaringikka watti'a udde. Antimanna manga lal᷊anna addio'a su Askelon tawe maasomba watti'a udde. Arie ma'oman sara wawinen Filistin lumala'a arie ma'oman sara wawine apekka maggahio lal᷊uassa.

AYUB 2:8

See i Ayub niuma'ianna maranin undu'u sapadda wuṛṛu nanganu pesangngu saṛṛuminanna ipaaṛṛo wadangnge.

YEREMIA 6:26

Mawu nabbisara su uman-Ne, “palluṛṛete laubba karongnga wuṛṛu tattal᷊inggite su awu. Lallal᷊ote wuṛṛu lalluaite ringannu massusa ere taumata apan lulluai niapateannu anangnge man sambau, ana waugu mamamate sarun mamangalo si yamiu ringannu mamaṛṛoro.”

LAL᷊ALLU 3:29

Wala'e i ite sumallungngu waddangnga wuṛṛu mawala, ana waugu asinungka antimma ta'e pia.

AMOS 5:13

Ana waugu pallal᷊agunu udde, ne manga taumata apan pande mammendamma mappianne uatatana'a mal᷊annabba sutempo apan dal᷊eo ereudde.

AMOS 6:10

Sangkatou reengannu amonanna apan mammanara pallal᷊abbinge, sarun dumanta wuṛṛu mangapidda su liuddu winal᷊uanannu tuṛṛangnge. I tou sarun mangintul᷊i su taumata apan poi su liuddu wal᷊en udde, “Apa ta'e piaddu wiakka wal᷊ine wuassi'o?” Ne sarun aringiṛṛanna sasimbakke, “Tate!” Reengannu amonanna mammanara mallabbingu winal᷊unanna udde sarun mabbisara, “Imbaṛṛangnga mabbisara apia! I ite tawe wotongnge managgon arannu Mawu.”